Mark 13:10 - Kice Manito Ocki Omirwatcimowin

¹⁰ Enko meka anihe nictam ke isparik: kaskina iriniwok ota askik kata tipatcimoctawakaniwiwok ohweriw Mirwatcimowiniw.”

Mark 13:10 Iomraidhean Croise

Matio 12:41

Iriniwok weckatc ka tacikewaspan Ninive otenak ki kweskatisiwok, ka petawatcik Jonasa e kakeskweritci. Aci anotc taw awik kirawe e kicteritakositc patok Jonas. Takociparinike aniheriw ke kicikarik kitci tipaskonikaniwonik, aniki Ninive iriniwok kata pasikowok kitci icikapowictawatcik anahweriw anotc iriniwa, kitci itactahoratcik aka ka wi kweskatisiritci.

Matio 24:14

Anihe tca Mirwatcimowin, Kice Manito Okimawin ka arimotcikaterik, kata pa tipatcitcikatew kaskina e irikokoskamikak, kaskina awik kitci petak. Minawatc nta kata ponaskiwon.”

Mark 16:15

Minawatc ki itew Cecoc: “Kaskina e irikokoskamikak pa icakw, Mirwatcimowin kitci tipatcimoiekw, kaskina awik kitci petak.

Rome iriniwok 1:8

Nictam, mikwetc nit itaw Nikice Manitom e mamitonerimitakok, aniheriw wetci ki itotiskeritci Cecoc Krist. Kaskina meka e irikokoskamikak e petakaniwok e asperimototawekw Cecoc.

Rome iriniwok 10:18

Ekoni wetci kokwetcimitakok: Tapwe ia ni cota iriniwok nama ki petamok aniheriw tipatcimowiniw? Tapwe ki petamok! Masinatew meka Kice Manito Omasinahikanik: “Ki matcawok iriniwok e tipatatakik Kice Manito otitewiniw kaskina e irikokoskamikarik, ki totamok kaskina kitci petakonik, misawatc e rawonakonik.” Psaumes 19.5(4)

Rome iriniwok 15:19

kaie ki wapatahiwew omackawisiwin e witcihitc e ki mata kackitatc kaie e ki matawi aitotisketc, Miro Manito omackawisiwin e totakipan. Ekoni ka ici tipatcimoan Mirwatcimowin Cecoc Krist e arimomakaniwitc, kaskina wiec e pa icaiapan Jérusalem otenak nac nete Illyrie askik ka icinikatek.

Colosse iriniwok 1:23

Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.

Colosse iriniwok 1:6

Mirwatcimowin icinakon mia mitowi wapiminatikw ka mirokitc nac kitci kinwaskositc kaie ka ici nitawikiritci mitcet wapimina. Kaskina wiec ota askik eckam iti mitcetiwok iriniwok ka petakik aniheriw Mirwatcimowiniw kirika ka otci nosanehwatcik Kice Manitowa, mitowi aci e ki isparik kaie kirawaw ka iti nosanehwekw, nictam ka petamekw Kice Manito omirotehewin tapwe e icinakonik.

Ka ki ici wapatahakaniwitc Jean 14:6

Minawatc kotak ni ki wapamaw peikw aceriw icpimik waskok e miretc. Petaw Mirwatcimowiniw aka wiskat ke ickwaparinik, e pe nta witamawatc kaskina iriniwa ota askik ka tacikeritci: kaskina wiec e wetciritci, kaskina e tato otenwesiritci, kaie kaskina papitoc e ici arimweritci.