Mark 12:7 - Kice Manito Ocki Omirwatcimowin

⁷ Aric ka wapamatcik aniki kitike otamiro iriniwok e takociniritci, ki aititowok, ‘Enko anaha ke tiperitak nanake! Ahw! Ki ka nta nipahano! Kirano tca ki ka tiperitenano ohwe aski!’

Mark 12:7 Iomraidhean Croise

Matio 2:16

Kotc ka kiskeritak Hérode e ki wecimikotc anahweriw ka kitci kiskeritamiritci, ki micta kiciwasiw. Ki tca irakonikew kitci nipahakaniwiritci kaskina ockinikicica ka ocki nitawikiritci nac ka nicwo piponesiritci neta Bethléem otenak ka tacikeritci kaie nakewara askiwa Bethléemik ka takoki, kotc ka ki ici itikotc ka kitci kiskeritamiritci apitc mia ka ki otci nokosiritci anihi atcikoca.

Matio 21:34

Apitc wetcitciparinik kitci mawotcihakaniwiritci cwemina, aci ki iciticahwew otirinima kitci natawapamaritci anahweriw kitike otamiro iriniwa kitci tca mirikotc irikik cwemina ka ki acotamatotcik kitci mirakaniwitc e ki awihiwetc otaski.

Mark 12:12

Aniki cota okimawok natowi totamwakopan kitci ki makonatcik Cecoca. Kiskerimewakopan meka e ki atisokatikotcik aniheriw ka iteritci. Koctewakopan aric iriniwa e mitcetiritci. Ki tca nakatewok Cecoca. Ki matcawok.

Mark 12:6

Nac tepirak peikociriw aka moci ka ki otci iciticohwatc anahwe ka tiperitak, tipirawe okosa e micta sakihatc. Aci anihi mamitcitc iciticahwew e iteritak, ‘Aniki ka ki awihakik nitaskiriw, otcitakotc nikosa kata kicterimewok.’

Mark 12:8

Ki makonewok anihi okosiriw okimamiwawa. Ki nipahewok. Ekoni e ici orowepinamwatcik owiawiriw nete kitikan askik.”

Ka ki aitotiskeritci Cecoc otarotakana 2:23

Anaha iriniw, Cecoc, ki ki mirikowinawaw mia ka ki ici oreritakipan Kice Manito kaie ka ki ici nikan itactaspan kitci pe iciwepanik. Ki ki nipahawaw, e ki totamekw tcipaiatikok kitci tciskaskowatikotc iriniwa aka ka kiskerimaritci Kice Manitowa.

Ka ki aitotiskeritci Cecoc otarotakana 5:28

Ki itew: “Kaketin ki ki otcinehotinan aka kitci kiskinohamakeiekw anahwe iriniw otci Cecoc. Aric peikon kaskina Jérusalem otenak ki ki pe kiskinohamakanawaw kirika ki nataweritenawaw kitci atameritakosiak ninan ka ki nipahakitc anaha iriniw.”

Ka ki aitotiskeritci Cecoc otarotakana 7:52

Kitaniskotape kimocomiwawok ki nekatcihewok kaskina ka ki pe nikan tipatcimoritci Kice Manitowa otci. Wawatc ki nipahewok anahweriw ka ki pe nikan tipatatamiritci kitci pe takocik anahwe e peikocitc wircike tepirak icikowisk ka ki pe totak, Cecoc. Anotc tca enko anahwe kirawaw ka ki pakiterimekw kirika ka ki nipahekw.

Hébreux iriniwok 1:2

Aric anotc, aci e peconakok kitci ponaskiwok, Kice Manito kit aimihikono, e ki pe iciticahamatokw Okosa kitci aimihitokw. Enko anihi ka ki witcihikotc ka kiceritak kaskina e takonik acitc e taritci e irikokoskamikarik, kirika wir ka ki orapamatc kaskina kitci tiperitamiritci.