Mark 12:1 - Kice Manito Ocki Omirwatcimowin

¹ Ekoni e ici aimihatc anahweriw iriniwa Cecoc, atisokaniciciriw e apatcitatc: “Tapan peikw iriniw, cweminatikwa e kitiketc okitikan askik. Ki waskaskaham kitci takonik e opimetakarik. Ki waritawokahikew neta ke ici camakohwakaniwiritci cwemina, kirika ki ocitaw mikiwamiciciriw e ki icpaskahak, warawik kitci ki wapatcikaterik e nanakatcitakaniwonik okitikan aski. Minawatc ki awihew kitike otamiro iriniwa aniheriw okitikan aski. Ekoni e ici matcatc, kitci pa pimatisitc.

Mark 12:1 Iomraidhean Croise

Matio 13:3

Ekoni tca ka ici aiarimwetc Cecoc, mitcet kekociciriw e aiarimotamawatc, atisokaniciciriw e apatcitatc, e tca itatc: “Takopan kitike iriniw. Peikwaw e kicikarik, ki icaw okitikan askik kitci matce kitiketc.

Matio 21:28

Minawatc ki itew Cecoc: “Tan e iteritamekw ohwe atisokan? Takopan iriniw e niciritci okosa. Ki itew anihi ka mawotci kiceatisiritci: ‘Nikosis, anotc ke mi kicikak, matca nta otamiro kitikan askik.’

Matio 21:33

“Natotamokw ohwe kotak atisokanicic: tapan peikw iriniw ka ki kitiketc cweminatikwa okitikan askik. Ki waskaskaham kitci takonik opimetakarik. Ki waritawokahikew neta ke ici camakohwakaniwiritci cwemina. Kirika ki ocitaw mikiwamiciciriw e ki icpaskahak, warawik kitci ki wapatcikaterik e nanakatcitakaniwonik okitikan aski. Minawatc ki awihew kitike otamiro iriniwa aniheriw okitikan aski. Ekoni e ici matcatc, kitci pa pimatisitc.

Matio 21:34

Apitc wetcitciparinik kitci mawotcihakaniwiritci cwemina, aci ki iciticahwew otirinima kitci natawapamaritci anahweriw kitike otamiro iriniwa kitci tca mirikotc irikik cwemina ka ki acotamatotcik kitci mirakaniwitc e ki awihiwetc otaski.

Matio 25:14

Cecoc atisokew kiapatc, e arimotak ke icinakonik Kice Manito Okimawin: “Mia mitowi iriniw e wi matcaspan e nta pa pimatisitc. Ki wicamew iriniwa ka atoskectakotc, e acotamawatc e ici tatak.

Mark 11:33

Aci itewok aniki okimawok Cecoca: “Nama ni kiskeritenan.” Kaie wir itew Cecoc: “Ka! Nama meka tca kaie nin ki ka witamatinawaw nte wetciparik nitiperitamowin kitci itotiskewak!”

Mark 13:34

Tarasak mia iriniw e wi matcatc, e nta pa pimatisitc. Epwamoci matcatc, itew kaskina otarotakana kitci mitaritci omikiwam. Mirew tato neta e taciritci ke itotiskeritci mekwata ke itanahotc. Itakaniwiw kaie anahwe ka kanaweritak ickwatemiriw mocak wewerita kitci nanakatisitc.

Mark 3:23

Minawa Cecoc wicamew anahweriw ka ki aiteritci e tca aimihatc, atisokaniciciriw e apatcitatc, e itatc: “Tan ke ki totak Matci Manito kitci ki orowiticohotisotc?

Mark 4:2

Mitcet kekociciriw kiskinohamakepan Cecoc, atisokaniciciriw e apatcitatc. Aci itepan:

Luc Omasinahikan 15:13

Kek nikotin e kicikarik anahwe ka mawotci awaciwitc atawew aniheriw ka ki ici mirakaniwitc. Ekoni e ici matcatc e matcewitatc ocoriam, warawik askik e icatc. Ekote nte ka taciketc, aci kaskina e iti tcakinak ocoriam, e tcakapawotatc, kaie e tcaki miriwetc pacikwatisiwinik.”

Luc Omasinahikan 19:12

Ekoni tca e ici itatisoketc Cecoc, e aitetc: “Takopan iriniw e micta kicteritakositc, warawik askik e ki icatc, kitci ki mirakaniwitc kitci okimawitc neta tipirawe otaskik. Minawatc tca kata pe kiwepan.

Luc Omasinahikan 22:9

Kokwetcimiko: “Tante e ici nataweritaman kitci ici nta ocitaiak makocan?”

Luc Omasinahikan 8:10

Naskamoctawew e itatc: “Aci ki ki pe otitikonawaw kitci kiskeritamekw anihe ka ki katcictekipan Kice Manito Okimawinik otci. Aric kotakihik iriniwok tepirak atisokaniciciriw mirakaniwiwok. Ekoni tca wetci icinakositcik, kotc e itemakanik Kice Manito Omasinahikanik: ‘Kanawapatamok, nama aric wapatamok. Petamok, nama aric nisitotamok.’” Ésaïe 6.9

Ka ki aitotiskeritci Cecoc otarotakana 7:38

Enko na peikon Moïse ka ki witci tacikematc Israël iriniwa kitaniskotape kimocominowa, ka mawotcihitorispana nete askik ka ici cipewatawokarik. Witci tacikemepan kirika anihi aceriwa, ka ki aimihikotc nete Sinaï matinak. Moïse ki miriko Kice Manitowa otitewiniw aka wiskat ke ickwaparinik, kitci witamakoikw.”