Mark 11:23 - Kice Manito Ocki Omirwatcimowin

²³ Kecpin awik itate aniheriw matinaciciriw, ‘Atcitica nta, pakope kwackoti nta nipik,’ kecpin aka e anwetak otehik, e tapwetak tca aniheriw ka ki itetc kitci isparinik, tapwe kata ispariniw, wir otci.

Mark 11:23 Iomraidhean Croise

Matio 14:13

Ka petaketc Cecoc e ki nipahakaniwiritci Capatisa, ki matceho, wircike wiec e icitcimetc aka e ici taniwonik. Aric mitcet iriniwok ki petakewok. Ki otci matcawok otenamiwak, e nosanehwatcik Cecoca, rarewak sakihikanik e pimotetcik.

Matio 17:20

Itikowok Cecoca: “Osam nama ki tipi asperimototawaw Kice Manito. Tapwe ohwe ka witamatakok: kecpin ni irikokwake kitapwetamowiniwaw mitowi kitikanicic e irikokwak rimotat ka icinikatek ka micta apicacik, ki ta itanawaw anihe matinacic, ‘Atipi ota, nete tca ica.’ Kata tca atciparinopan. Nama kata takonopan kekocic aka kitci kackitaiekw. [

Matio 21:21

Itikowok Cecoca: “Tapwe ohwe ka witamatakok: kecpin e tapwerimekw Kice Manito, kaie aka e anwetamekw, nama tepirak ki ta totenawaw aniheriw ka ki totawak anahwe wapiminatikw, aric wawatc ki ka ki itwanawaw anihe matinacic: ‘Atcitica nta, pakope kwackoti tca neta kitcikamik,’ ekoni tapwe ke isparikipan.

Luc Omasinahikan 17:6

Aci itew Teperitciketc: “Kecpin ni irikokwake kitapwetamowiniwaw mitowi kitikanicic e irikokwak rimotat ka icinikatek ka micta apicacik, ki ka ki itawaw anaha mictikw: ‘Atcicka nta, nipik tca nete nanipowi!’ ki ta sapitakowaw.”

Jean 14:13

Ni ka itotiskan kaie kaskina ke ici nataweritamekw, niticinikasowin otci, kitci ki otci wapatahiwewak Notawi oticperitakosiwin, nin Kice Manito Okosa.

Jean 15:7

Kecpin witcewiekwe, kaie kanaweritamekwe nititewin kitehiwak, ki ka ki nataweritenawaw wa ici nataweritamekw, ki ka tca mirikowinawaw.

1 Corinthe iriniwok 13:2

Misawatc e cawerimisk Kice Manito kitci ki tipatatamwak otipatcimowin, kaie kaskina e miro nisitotaman kekocic aka moci ka ki otci kiskeritamihiwetc Kice Manito, kaie ke kaskina kekocic e kiskeritaman, misawatc kaie e apitc tapweritaman kitci ki akitenaman matina, tekaci nama wiec nit irapatisin, kecpin aka e takok sakihiwewin nitehik.