Mark 11:18 - Kice Manito Ocki Omirwatcimowin

¹⁸ Ka petakik aniheriw ka ki isparinik aniki cota makatewokorewok ka tiperitakik acitc ka kiskinohamaketcik cota aiamihe irakonikewiniw, natowi totamwakopan kitci ki nipahakaniwiritci Cecoca. Tapwe wirata koctepanak. Kaskina meka iriniwok ki micta mamiskateritamok aniheriw ka ki ici kiskinohamakeritci Cecoca.

Mark 11:18 Iomraidhean Croise

Matio 21:15

Cota makatewokorewok ka tiperitakik kirika ka kiskinohamaketcik cota aiamihe irakonikewiniw ki kiciwasiwok ka wapatakik ka aitotamiritci e matawinakonik, kaie ka wapamatcik awaca e tepitepweritci neta kitci aiamihe mikiwamik, e iteritci: “Icperitakosiriw Tapit Okosa!”

Matio 7:28

Ka ickwa kiskinohamaketc Cecoc, kaskina ki micta mamiskaterimiko e ici kiskinohamakespan anihi iriniwa e mitcetiritci.

Mark 1:22

Iriniwok neta ka ki petawatcik micta mamiskasitawewakopan, pitoc e ici kiskinohamakeritci kaie tca anahweriw iriniwa ka kiskinohamakeritci cota aiamihe irakonikewiniw. Mictahi meka ki mackawisimakaniw okiskinohamakewin.

Mark 11:32

Kecpin aric iteikwe, ‘Iriniwok ka ki pe iciticohwatcik’ … ” (Koctewakopan anihi iriniwa e mitcetiritci. Tapweritamirikopan meka tapwe e ki pe nikan tipatcimorispana anihi Capatisa Kice Manito otci.)

Mark 12:12

Aniki cota okimawok natowi totamwakopan kitci ki makonatcik Cecoca. Kiskerimewakopan meka e ki atisokatikotcik aniheriw ka iteritci. Koctewakopan aric iriniwa e mitcetiritci. Ki tca nakatewok Cecoca. Ki matcawok.

Mark 3:6

Ki orowiwok Pharisien iriniwok neta cota aiamihe mikiwamik e tca mawotcihitotcik kirika kotakihik iriniwok ka atoskectawatcik Romain kice okimawa Hérode ka icinikasoritci, e arimotakik tan ke ki totakik kitci ki nipahakaniwiritci Cecoca.

Mark 6:20

Anahwe Hérode koctepan Capatisa e kiskeritakipan icikowisk e itatisiritci kaie e kitcitwaweritakosiritci. Nanakatcihepan tca. E natotawaspan e kakeskweritci, wanimikokopan ko anahwe okimaw. Mireritamokopan aric peikon e natotawatc.

Luc Omasinahikan 19:47

Tato kickwa kiskinohamakepan Cecoc neta kitci aiamihe mikiwamik. Aniki cota makatewokorewok ka tiperitakik, acitc ka kiskinohamaketcik cota aiamihe irakonikewiniw, kaie kotakihik cota iriniwok ka nikaniwitcik natowi totamwakopan kitci ki nipahakaniwiritci Cecoca.

Luc Omasinahikan 2:47

Kaskina iriniwok ka petawatcik Cecoca micta mamiskasitawewok e apitc kakitaweritamiritci, kaie e apitc kackitaritci e naskamoritci.

Luc Omasinahikan 20:19

Aniki ka kiskinohamaketcik aiamihe irakonikewiniw kaie cota makatewokorewok ka tiperitakik natowi totamwakopan ke ki totcikaterik wipatc kitci ki makonakaniwiritci Cecoca. Kiskerimewakopan meka e ki atisokatikotcik aniheriw ka iteritci. Koctewakopan aric iriniwa neta ka tacikeritci.

Luc Omasinahikan 4:22

Kaskina ki mirwatcimewok Cecoca e mamiskasitowatcik e micta mirotakonik aniheriw ka ki iteritci. Kokwetcimitowok e itetcik: “Enkweriw ia ni Sosep okosa?”

Jean 7:1

Aci minawatc pa icapan Cecoc neta Galilée askik. Nama neta Judée askik wi pa icakopan, osam cota okimawok natowi totamwakopan kitci nipahatcik.

Jean 7:19

Moïse ki ki mirikowaw irakonikewiniw, taina? Nama aric otci peikw nta e taciekw ki nosanetawanawaw. Kekwan tca wetci natowi totamekw kitci nipahikoian?”

Jean 7:46

Aci itewok aniki ka nanakatcitatcik kitci aiamihe mikiwamiriw: “Nama wiskat ni ki otci petawanan iriniw ani kitci ici arimwetc, mitowi wir.”

Ka ki aitotiskeritci Cecoc otarotakana 24:25

Aric apitc Pwar ka iti aiarimotak mocak icikowisk kitci ici pimatisinaniwonik, kitci miro nanakatcihitisonaniwonik kaie kitci otcitciparinik e tipaskonikaniwonik, anahwe Félix ki kokwarisikitawew, e itatc: “Ekoni! Aci ki ta matcan! Nikotin ickwa aikeiane ki ka wicamitin minawatc.”