Mark 11:12 - Kice Manito Ocki Omirwatcimowin

¹² Minawatc kecikarik, apitc e iti matcatcik neta Béthanie otenacik, aci pakatepan Cecoc.

Mark 11:12 Iomraidhean Croise

Matio 4:2

New mitana tato kickwa irikik kaie new mitana tato tipiskwa irikik ki tacikew neta Cecoc. Tekaci nama otci mitcisopan mekwata neta ka taciketc. Nac micta pakatepan.

Mark 11:13

Warawik otci wapamew peikw wapiminatikwa e nipiciwiritci. Ekoni e ici natawapamatc e nta kiskerimatc e apitc owapiminimiritena. Aric ka pecowapamatc anihi mictikwa, tepirak nipiciriw wapatam. Nama meka moci aistakonipan kitci owapiminimiritci.

Mark 11:20

Wipatc minawatc kecepawonik, mekwata e pimotetcik meskanak, aci wapamewok anihi wapiminatikwa. Tekaci pasoriw, wawatc kaie otapik.

Luc Omasinahikan 4:2

Nemitana tato kickwa irikik ki kokwetcihiko Matci Manitowa. Tekaci nama otci mitcisopan mekwata neta ka taciketc. Nac ka ickwa aniheriw nemitana tato kickokarik aci pakatepan.

Jean 19:28

Ka ickwa itetc aniheriw Cecoc, aci kiskeritam kaskina e ickwaparinik. Mamitcitc ohweriw itew: “Ni pakatamon,” kiapatc kitci ki iciwepanik aniheriw ka ki masinaterik Kice Manito Omasinahikanik.

Hébreux iriniwok 2:17

Ekoni wetci acterik kitci icihitisotc irinik kitci icinakositc, “niwitcicanak” e iterimatc owitc iriniwa, kaie kitci ki iteritakositc okitci makatewokoremiwawa, e mirotehetc acitc mocak ke ki asperimototawakaniwitc kitci atoskectawatc Kice Manitowa wirawaw otci. Ekoni ka totak kitci ki kasihamawakaniwitcik iriniwok opactatowiniwaw.