Mark 10:45 - Kice Manito Ocki Omirwatcimowin

⁴⁵ Nama meka ki otci pe icaw anahwe Ka ki pe iriniwihitisotc kitci atoskectawakaniwitc, aric ma kitci atoskectaketc kirika kitci pakitinak opimatisiwin, micta mitcet iriniwok kitci wikotcihakaniwitcik.”

Mark 10:45 Iomraidhean Croise

Matio 20:28

Peikon kaie anahwe Ka ki pe iriniwihitisotc, nama ki otci pe icaw kitci atoskectawakaniwitc, aric kitci atoskectaketc, kirika kitci pakitinak opimatisiwin, micta mitcet iriniwok kitci wikotcihakaniwitcik.”

Mark 10:44

Kaie kecpin peikw neta e taciekw wi nikanickate, acteriw kitci arotakaniwitc, kaskina awiriw kitci atoskectawatc.

Jean 10:15

Mia Notawi e ici miro kiskerimitc, ekoni kaie nin e ici kiskerimak. Kaie ni pakitinen nipimatisiwin nimaritcenicimak otci.

Jean 13:14

Aci tca nin Ka Tiperimitakok kaie Kikiskinohamake irinimiwaw e ki kisisipatcisitenitakok, peikon kaie kirawaw ki ta kisisipatcisitenitonawaw.

2 Corinthe iriniwok 5:21

Nama meka wiskat ki otci pactatiw Krist. Ki miriko Kice Manitowa kitci otapinak kipactatowininariw, kitci ki miroparinik kitci akwacimitokw Kice Manito, icikowisk tca kitci iteritakosiikw, osam e ki nipotc Cecoc.

2 Corinthe iriniwok 8:9

Ki kiskeritamwanawaw meka anahwe Ka Tiperimitokw Cecoc Krist omirotehewin: wir ka micikitaspan ki pakiterimitiso kitci kitimakisitc kirawaw otci, kitci ki tca micikitaiekw kitehiwak, osam wir e ki kitimakisitc.

Galatie iriniwok 3:13

Aric wir Krist, e ki otapinak kitci anwerimakaniwitc, aka kirano kitci anweritakosiikw, ki ki wikotcihikono aka kitci atamerimikoikw aiamihe irakonikewinik itekera. Itemakan meka Kice Manito Omasinahikanik: “Anweritakosiw kaskina awik mictikok e akwaskohakaniwitc e nipahakaniwitc.” Deutéronome 21.23

Tite 2:14

Ki pakiterimitiso kirano otci kitci ki otci wikotcihitokw kaskina ka maratanik, aci kitci ki mirwinakosiikw kitehinak, wir tipirawe otirinima kitci ki iteritakosiikw, kitci ki mocak wi miro totamokw.

Hébreux iriniwok 5:8

Misawatc e Otawitc Kice Manitowa, ki iti kiskeritam kaie wir kitci natotawatc, osam mekwata kaskina ka nekatcitatc.

1 Pien 1:19

Ekoni wetci ki akwacimikoiekw: Cecoc Krist e ki pakiteritak omikw e micta kictapatanik. Mitowiriw maritcenica e orapamakaniwiritci kitci nipahakaniwiritci, tekaci aka e takonik ka maratanik, ekoni ka iteritakositc Cecoc.