Mark 10:43 - Kice Manito Ocki Omirwatcimowin

⁴³ Nama aric nte icinakon kirawaw otci. Kecpin aric peikw neta e taciekw nataweritake tapwe kitci kicteritakositc, acteriw kitci atoskectatakw, mia arotakan kitci iteritakositc.

Mark 10:43 Iomraidhean Croise

Mark 10:42

Aci kaskina wicamew Cecoc owitcewakana e tca witamawatc: “Ki kiskeritenawaw ohwe e icinakok: tawok okimawok ota askik e tiperimatcik iriniwa, mocak e witamawatcik ke aitotiskeritci. Ka kicteritakositcik natawerimewok kaskina awiriw kitci kiskeritamiritci e apitc mackawisiritci.

Mark 10:44

Kaie kecpin peikw neta e taciekw wi nikanickate, acteriw kitci arotakaniwitc, kaskina awiriw kitci atoskectawatc.

Mark 9:35

Ki apiw Cecoc. Wicamew anihi owitcewakana e mitato acitc niciritci kitci pe natotakotc, e itatc: “Kecpin awik iteritake kitci nikanickatc, mia awik e otananickatc kata totam. Kata tca atoskectawew kaskina owitc iriniwa.”

Luc Omasinahikan 14:11

Anaha kotc ka icperimitisotc, kata tipaterimakaniwiw. Anaha tca kotc ka tipaterimitisotc kata icperimakaniwiw.”

Luc Omasinahikan 18:14

Aci minawatc itew Cecoc: “Ki witamatinawaw, ka kiwetc anahwe ka natockaketc, aci icikowisk ki iterimiko Kice Manitowa. Aric anahwe Pharisien iriniw nama icikowisk ki otci iterimiko. Kaskina meka awik ka icperimitisotc, kata tipaterimakaniwiw. Anahwe tca ka tipaterimitisotc, kata icperimakaniwiw.”

Luc Omasinahikan 22:26

Pitoc aric kata icinakon kirawaw otci. Anahwe ka mawotci kicteritakositc neta e taciekw kata tipaterimitiso kitci iterimitisotc tapickotc anahwe ka mawotci awaciwitc. Kaie anahwe ka tiperitak kata iterimitiso mia peikon anahwe ka atoskectaketc.

Luc Omasinahikan 9:48

e tca itatc anahweriw owitcewakana: “Anahwe e miro mihitakw ohweriw awaca osam e sakihitc, kaie nin ni miro mihikw. Anahwe tca ka miro mihitc, miro mihew kaie anihi ka ki pe iciticohwitc. Anahwe meka mawotci aka e kicteritakositc neta e taciekw, enko anahwe tapwe ka mawotci kicteritakositc.”

Jean 18:36

Cecoc itew: “Nama ota askik otciparin nokimawin. Kecpin tapwe ki otciparik ota askik, aniki ka atoskectawitcik kata ki natowi totamopanak aka kitci makonitcik aniki cota okimawok. Tapwe, nokimawin nama otciparin ota askik.”

Rome iriniwok 12:2

Aka awocamec nosanetawakw e itatisitcik kotakihik iriniwok ota askik aka ka kicterimatcik Kice Manitowa. Aric pakitinakw Kice Manito kitci miritakw pitoc kitci ki aiteritamekw, kaie pitoc kitci ki itatisiekw. Ekoni ke otci kackitaiekw kitci nta kiskeritamekw mia e ici nataweritak kitci totamekw: e mirwacinik, ka ici mireritak kaie mia e itatisinaniwonik.

Galatie iriniwok 5:13

Kirawaw aric, niwitcicanak, ki ki wicamikowinawaw aka aci nte kitci ici tiperitakosiekw. Aka aric iteritamokw kitci matci apatcitaiekw anihe, kaskina kekocic kitci totamekw notc ko e ici nataweritak iriniw. Nitowatc wawitcihitokw, osam e micta sakihitoekw.