Mark 10:41 - Kice Manito Ocki Omirwatcimowin

⁴¹ Ka petaketcik aniki kotakihik Cecoc owitcewakana aniheriw ka ki ici nataweritamiritci Cak kaie Jean, ki kiciwasiwok.

Mark 10:41 Iomraidhean Croise

Matio 20:24

Ka petaketcik aniheriw aniki kotakihik Cecoc owitcewakana, ki kiciwasictakowok anihi okosiriw Zébédée e niciritci.

Mark 10:42

Aci kaskina wicamew Cecoc owitcewakana e tca witamawatc: “Ki kiskeritenawaw ohwe e icinakok: tawok okimawok ota askik e tiperimatcik iriniwa, mocak e witamawatcik ke aitotiskeritci. Ka kicteritakositcik natawerimewok kaskina awiriw kitci kiskeritamiritci e apitc mackawisiritci.

Luc Omasinahikan 22:24

Ki iti micta aimihitowok Cecoc owitcewakana e wi kiskeritakik awin anahwe mia neta e tacitcik ka mawotci kicteritakositc.

Luc Omasinahikan 22:25

Itikowok Cecoca: “Okimawok ota askik tiperimewok otirinimiwawa, kaie tca anahweriw ka tiperimikotcik aniki okimawok, wirawaw wi icinikatikosiriwa ‘ka mirotehetcik.’

Rome iriniwok 12:10

Sakihitokw kaskina e taciekw, mia tapwe e owitcicanitoekw e sakihitoekw. E irikokoteheiekw kicterimakok kiwitc iriniwawok.

Pirip iriniwok 2:3

Kaskina ke totamekw, aka wi pacitcickowakw awik, kaie aka mirwatcimitisokw kitci wi kanawapamikoiekw. Aric ki ka iterimawawok kiwitc iriniwok kirawe e kicteritakositcik patoc kirawaw, tekaci e tipaterimitisoekw.

Cak ka ki pe ici masinahiketc 4:5

Nama ceckwat itacteriw Kice Manito Omasinahikan: “Kice Manito micta moctenawew anihi miro manitowa ka ki miritokw kitci pitciteheckatokw.”