Mark 10:39 - Kice Manito Ocki Omirwatcimowin

³⁹ Itewok: “Ehe, ni ka kackitanan.” Aci itikowok Cecoca: “Tapwe wirata ki ka minikwewakanawaw anihe minikwakan ke minikwewakeian, kirika ki ka pe otitikonawaw anihe sikahatasowin ke pe otitikoian.

Mark 10:39 Iomraidhean Croise

Matio 10:25

Tipi iteritakoniw anahwe ka kiskinohamasotc nikotin kitci iteritakositc mia anihi ka kiskinohamakotc, peikon anahwe arotakan kitci iteritakositc mia anihi ka tiperimikotc. Nin, mia ka tiperitak e peikotenwesinaniwok nit iteritakosin. Ni ki marerimikowin ka icinikatikoian ‘Béelzébul, anahwe ka tiperimatc matci manitowa.’ Kirawaw tca ka tiperimitakok, kirawe awocamec ki ka marerimikowinawaw!”

Matio 3:6

Ka ickwa petawatcik Capatisa e kakeskweritci, ekoni ka ici wawitakik tapwe e cikeritakik e ki patahakik. Ki tca sikahatakowok Capatisa neta Jourdain sipik.

Mark 14:31

Aric Pien itew kiapatc kirawe e kiciwetc: “Nama wiskat ni ka itwan aka e kiskerimitan, misawatc kecpin acteke kitci nipoan kirika kir.” Ekoni peikon kaskina ka iteritci anihi kotakihi Cecoc owitcewakana.

Mark 14:36

Aci itepan: “Notawi, kaskina kir ki kackitan. Ocita tca aka kitci nekatcitaian. Nama aric nin nititeritamowin kitci apatak, aric kir kititeritamowin.”

Jean 13:37

Pien itew: “Teperitcikein, kekwan aka tecikotc ke otci nosanehitan? Aci nit ickwa aikan kitci pakiteritaman nipimatisiwin kir otci!”

Jean 15:20

Mikaweritamokw anihe ka ki ititakok: ‘Awik ka atoskectaketc nama kirawe kicteritakosiw patok anihi ka tiperimikotc.’ Kecpin ki nekatcihitcik iriniwok, peikon kaie kirawaw ki ka nekatcihikowawok. Kecpin kotakihik ki natotawitcik, peikon tca kaie kirawaw ki ka natotakowawok.

Jean 17:14

Ni ki mirawok kititewiniw, kaie ki cikerimikowok iriniwa ka nosanetaritci matci meskanariw, osam aka e tiperitakositcik ota askik, mitowi nin aka e tiperitakosian.

Ka ki aitotiskeritci Cecoc otarotakana 12:2

Ki irakonikew kitci nipahakaniwiritci Caka, Jean anihi owitcicana, micta mokomaniw kitci apatanik.

Colosse iriniwok 1:24

Ni mireriten anotc e nekatcitaian kirawaw otci. Ni nekatcitan meka niwiawik, osam e kictawak aniheriw aci ka ki kitciparitatc Cecoc ka pe nekatcitatc otirinima otci, kaskina ka tapwerimikotc, mia wir tipirawe owiaw e iterimatc.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.