Mark 10:30 - Kice Manito Ocki Omirwatcimowin

³⁰ awocamec mitato mitana tatwaw kata mirakaniwiw, anotc mekwata e pimatisitc: mikiwamiriw kaie askiriw, acitc ke octesitc, ke omisitc, ke ocimitc, ke okawitc, ke onitcanicitc acitc ke otaskitc kata mirakaniwiw, kirika nekatcitawiniw kata pe otitiko. Minawatc nanake nikanik kakike pimatisiwiniw kata pe otitiko.”

Mark 10:30 Iomraidhean Croise

Matio 12:32

Anahwe ka marerimatc anihi Ka ki pe iriniwihitisoritci kata kasihamawakaniwiw. Aric anahwe ka marerimatc Miro Manitowa, nama kata kasihamawakaniwiw, anotc mekwata peikon kaie misawatc kecko.”

Matio 13:8

Aric kotakihi okitamina ka matce kitikaniwok papakiciniwok nta miro askik. Ki mirokino. Aci tca ka takociparik kitci mockinakaniwitcik, atita mitato mitanawaw kirawe nipara ki nitawikin, kotakihi nikotwaso mitana, minawatc kotakihi nicto mitana.”

Matio 6:33

Nictam tca nanto kiskeritamokw Kice Manito Okimawin, kaie icikowisk kitci itatisiekw, kotc e ici nataweritak. Ki ka tca mirikowaw kaskina ke wi ici apatcitaiekw kitci otci pimatisiekw.

Luc Omasinahikan 18:30

kirawe mictahi awocamec kata pe otitiko anotc mekwata e pimatisitc, kirika nikanik kakike pimatisiwiniw kata pe otitiko.”

Jean 10:23

Cecoc pa pimotepan neta ka nimitewotakarik, weckatc ka ki ocitakaniwonikopanen Salomon otci, nte e ici acterik kitci aiamihe mikiwamik.

Ka ki aitotiskeritci Cecoc otarotakana 14:22

Ki witcihewok kotakihi ka tapwerimaritci Cecoca kitci sokiteheritci, kaie ki wikosimewok mocak kitci sokikapowitcik e asperimototawaritci Kice Manitowa, kirika e itatcik: “Mictahi arimisiwinik ki ka ici pimotanano kitci ki pitakeikw Kice Manito Okimawinik.”

Ka ki aitotiskeritci Cecoc otarotakana 16:25

Wiec e iti apita tipiskarik, Pwar kaie Silas aiamihapanak kirika nakamopanak e mirwatcimatcik Kice Manitowa. Kotakihik ka kipohwakaniwitcik natotawepanak.

Ka ki aitotiskeritci Cecoc otarotakana 5:41

Aci Pien kirika Jean ki matcawok neta ka ici Kitci Tipaskonikaniwonik, e micta tca mireritakik, osam e ki tipi iterimikotcik Kice Manitowa kitci nekatcihakaniwitcik Cecoca oticinikasowiniw otci.

Rome iriniwok 5:3

Wawatc ki mireritenano misawatc e arimiparihokw. Ki kiskeritenano meka, ekota ni wetciparik ciciperitamowin, e nekatcitaikw.

Rome iriniwok 6:23

Kecpin awik atoskectake pactatowiniw, kackitamatiso kitci nipotc. Aric Kice Manito cawerimew kaskina awiriw ka witcewaritci kirika anihi Ka Tiperimitokw Cecoca, e miratc kakike pimatisiwiniw, aka e petatc kitci koski mirakaniwitc kekwariw.

2 Corinthe iriniwok 6:10

Ni kackeritamihikowinan, aric peikon mocak ni mirerimonan. Nit iterimikowinan “kitimakisiwok,” aric ni witcihananak mitcet iriniwok kitci micikitatcik otcitcakociwak itekera. Nit iterimikowinan “nama kekociciriw ici tatamok,” aka e kiskeritakik kaskina miro kekwan e ici tatamak.

Pirip iriniwok 3:8

Wawatc kaskina kekocic nit iteriten “nama wiec irapatan,” kecpin e mamitoneritcikatek e apitc kirawe mictahi kicteritakok e kiskerimak Cecoc Krist, anahwe Ka Tiperimitc. Wir otci wetci iteritaman kaskina kekocic “tekaci nama wiec irapatan,” mia wepinason e iteritaman, kitci ki kiskerimak Krist,

2 Thessalonique iriniwok 2:16

Ni pakoserimananak Ka Tiperimitokw Cecoc Krist wir tipirawe, acitc Kice Manito Kotawino, anahwe ka ki sakihitokw kirika ka ki miritokw omirotehewin nespitc kitci kakitcihikoikw acitc kitci miro asperimoikw,

1 Timothée 4:8

Kecpin awik e cacipitc, tapwe wirata witcihitiso. Kecpin aric e nosanehwatc Kice Manitowa, nama tepirak anotc witcihakaniwiw. Kata kakike witcihakaniwiw, anotc mekwata kitci miro pimatisitc, acitc nikotin kitci kakike pimatisitc.

1 Timothée 6:6

Tapwe ki micikitanano kitcitcakocinak itekera e atoskectawokw Kice Manito, kecpin e ici naheritamokw irikik e ici tatamokw ota askik.

Cak ka ki pe ici masinahiketc 1:12

Caweritakosiw anahwe ka sokikapowitc mekwata e nakickak arimisiwiniw. Ickwa meka wapatahiwete e sokikapowitc, kata pe otitiko aniheriw ka ki kackitamatisotc. Kakike pimatisiwiniw kata cawerimakaniwiw, kotc ka ki itetc Kice Manito kitci ici miratc anihi ka sakihikotc.

Cak ka ki pe ici masinahiketc 5:11

Caweritakosiwok kit iterimanowok e ki ici sokikapowitcik. Ki ki petakanawatake peikw iriniw e itatisokatakaniwitc, Job icinikasopan, e ki micta ciciperitak, micta kinowec aka e ki otci atweritciketc. Ki kiskeritenawaw kaie aniheriw mamitcitc ka ki cawerimikotc Teperitcikeritci. Ekoni tapwe e icinakositc Teperitciketc. Micta mirotehew ko kirika micta ko kitimakerimiwew.

1 Jean 2:25

Ohweriw kaie ki ici nespi tapwew Krist kitci miritokw: kakike pimatisiwiniw.

1 Jean 3:1

Kanawapatamokw e apitc micarik osakihiwewin Kotawino! E apitc sakihitokw kit icinikatikono “ninitcanicak.” Tapwe meka ekoni e iteritakosiikw. Aric iriniwok ka nosanetatcik matci meskanariw, notc ka nosanetakaniwonik ota askik, nama ki nisitowinikonowok ani e iteritakosiikw, osam aka e kiskerimatcik Kice Manitowa.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 3:18

Ekoni wetci wikosimitakok kitci pe natawapamiekw kaie kitci otapinamekw osawo coria ka mawotci mirwacik. Ekoni patoc ke totamekw tapwe kitci micikitaiekw. Pe natawapamicikw kitci pe nta otapinamekw wikasi e wapekik kitci icihoekw. Nama tca ki ka otci wanakatcinawaw, aka e owikasimiekw. Pe natawapamicikw kaie kitci natcipataiekw mackiki kitci actaiekw kickicikowak kitci ki wapiekw.