Mark 10:22 - Kice Manito Ocki Omirwatcimowin

²² Aric anahwe iriniw ka petak aniheriw e itakaniwitc, ki pakitcikwepariw. Ekoni e ici matcatc e micta kackeritak. Mictahi meka micikitapan.

Mark 10:22 Iomraidhean Croise

Matio 13:22

Kotakihik kiapatc iriniwok icinakosiwok mia okitamina ka papakiciniritci ka ici nitawikinik minesikaciriw. Ki petamok Kice Manitowa otitewiniw, aric osam ki kanawapatamok kekociciriw ka kicteritcikaterik ota askik, kekotc ma e paciwirikotcik micikitawiniw, e iteritakik aniheriw kitci mireritamihikotcik. Nama tca mirokiwok aniki iriniwok otcitcakociwak itekera, aka awocamec e pameritakik Kice Manitowa otitewiniw.

Matio 19:22

Aric anahwe ockinikiw ka petak aniheriw e itakaniwitc ki matcaw, e micta kackeritak. Mictahi meka micikitapan.

Matio 27:3

Judas, anahwe ka ki pakiterimatc Cecoca, ki petakew e ki anwerimakaniwiritci. Ki micta cikeritam aniheriw ka ki totak kaie ki nta kiwe mirew anahweriw cota makatewokorewa ka tiperitamiritci kirika cota aiamihe okimawa aniheriw coriawapiskoriw, nicto mitana e tatinik.

Mark 10:21

Cecoca kanawapamew e sakihatc, e tca itatc: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Mark 10:23

Aci kanawapamew Cecoc anahweriw owitcewakana e waskakapowictakotc, e tca witamawatc: “Micta arimaniw ka micikitatcik kitci ki pitaketcik Kice Manitowa Okimawinik.”

Mark 6:20

Anahwe Hérode koctepan Capatisa e kiskeritakipan icikowisk e itatisiritci kaie e kitcitwaweritakosiritci. Nanakatcihepan tca. E natotawaspan e kakeskweritci, wanimikokopan ko anahwe okimaw. Mireritamokopan aric peikon e natotawatc.

Mark 6:26

Micta kackeritam anahwe okimaw. Nama aric ki nakanamawew ani e ici nataweritamakotc, osam e ki nespi tapwetc e petakotc anihi ka ki wicamatc.

Luc Omasinahikan 12:15

Minawatc ki itew Cecoc, kaskina awiriw e aimihatc: “Aiekwamisikw! Nanakatcihitisokw aka orina kitci sakitaiekw kekocic e ici takok askik. Nama tepirak okekocicima kata otci pimatisiw iriniw, misawatc e micta micikitatc.”

Luc Omasinahikan 18:23

Aric anahwe iriniw ka petak aniheriw e itakaniwitc ki micta kackeritam. Mictahi meka micikitapan.

2 Corinthe iriniwok 7:10

Kecpin meka awik e kackeritamihikotc Kice Manitowa, ispariniw kitci meckotatisitc, kitci ki tca akwacimakaniwitc. Nama cikeritam e ki ici kackeritak. Kecpin aric awik e kackeritak osam tepirak e kackeritamihikotc ota askik kekociciriw, aka tca e meckotatisitc, iciwiriko kitci nipotc.

Éphèse iriniwok 5:5

Wewerita ohwe kitci kiskeritamekw: awik ko ka matci totak, mocak ka pacikwatisitc, kekotc ka monihowetc, nama wiskat kata takoniw Okimawiniwariw Krist acitc Kice Manito. —Awik meka e monihowetc, tarasak e omanitomiwaketc ocoriam.—

2 Timothée 4:10

Démas ni ki nakatikw, osam e sakitatc kekociciriw ota askik. Ki matcaw, nete e icatc Thessalonique otenak. Crescens nete wir ki icaw Galatie, minawatc anahwe Tite ekote neta Dalmatie askik ka icatc.