Mark 10:21 - Kice Manito Ocki Omirwatcimowin

²¹ Cecoca kanawapamew e sakihatc, e tca itatc: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Mark 10:21 Iomraidhean Croise

Matio 16:24

Minawatc Cecoc itew owitcewakana: “Kecpin awik wi pe nosanehwite, kata ponitaw wir tepirak e mamitonerimitisotc. Kata miwirew otcipaiatikoma kitci pe nosanehwitc.

Matio 19:21

Itew Cecoc: “Kecpin tekaci mia wa itatisiwonen, matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Mark 10:22

Aric anahwe iriniw ka petak aniheriw e itakaniwitc, ki pakitcikwepariw. Ekoni e ici matcatc e micta kackeritak. Mictahi meka micikitapan.

Mark 8:34

Minawatc Cecoc ki wicamew anihi iriniwa e mitcetiritci kirika owitcewakana kitci pe natotakotc, e itatc: “Kecpin awik wi pe nosanehwite, kata ponitaw wir tepirak e mamitonerimitisotc. Kata miwirew otcipaiatikoma kitci pe nosanehwitc.

Luc Omasinahikan 10:42

Aric tepirak peikw kekocic kictapatan. Wir Mari ki orapatam aniheriw kirawe ka mirwacinik, aka ke maninamowakaniwitc.”

Luc Omasinahikan 12:33

Atawekw e ici tatamekw, mirakok tca aniheriw coriariw ka kitimakisitcik. Apatcitakw mackimotacica aka wiskat ke pakickiritiki. Mawotcitakw tca wakwek anihe micikitawin aka wiskat ke tcakiparik. Kimoti iriniwok nama kata ki katcitanamok, nama kaie kinepikocicak kata ki mitciwok aniheriw.

Luc Omasinahikan 16:9

Kirika kiapatc ki itew Cecoc: “Nin kaie ki witamatinawaw: mirwapatcitakw kicoriamiwaw ota askik e takok, anihe ke ki wecimikoekw, eckam kirawe kitci mitcetitcik kikwimesiwawok. Ickwa tca tcakinamekwe kicoriamiwaw, kata mireritam Kice Manito kitci pitakahitakw kakike tacikewinik.”

Luc Omasinahikan 18:22

Ka ickwa petak aniheriw e itikotc Cecoc, aci itew: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Luc Omasinahikan 19:41

Ka iti pecowapatak Jérusalem otenariw Cecoc, aci ka wapatak, ki mato,

Luc Omasinahikan 9:23

Minawatc kaskina iriniwa itew: “Kecpin awik wi pe nosanehwite, kata ponitaw wir tepirak e mamitonerimitisotc. Tato kickwa kata miwirew otcipaiatikoma kitci pe nosanehwitc.

Jean 12:26

Kecpin awik e wi atoskectawitc, acteriw kitci nosanehwitc. Wiec tca pa icaiane, kata icaw kaie wir nitarotakan. Notawi kata kicterimew anihi ka atoskectawimimitci.”

Jean 16:33

Ki ki witamatinawaw anihe kitci pekateritamekw kitehiwak, mocak e witcewiekw. Ota askik ki ka nekatcitanawaw. Aric sokerimokw! Aci kaskina ni ki cakotcitan ka maratak ota askik!”

Ka ki aitotiskeritci Cecoc otarotakana 2:45

Atawewakopan e ici tatakik kaie e irapatcitatcik. Aniheriw tca coriariw ki tetawonamatowok, e witcihitotcik kotc wa ici apatcitatcik kekociciriw.

2 Corinthe iriniwok 12:15

Ni ka mireriten kaskina kitci tcakinaman e ici tataman kitci ki witcihitakok, wawatc nin tipirawe kitci pakiterimitisoan kirawaw otci. Kecpin tca awocamec sakitakoke, onawis ia ki ka sakihinawaw?

2 Timothée 3:12

Tapwe wirata, kaskina ka nataweritakik kitci ici pimatisitcik kotc e ici nataweritamiritci Kice Manitowa, e mamweritakositcik kirika Cecoc Krist, kata nekatcihakaniwiwok.

Hébreux iriniwok 10:34

Ki ki kitimakerimawok iriniwok ka kipohwakaniwitcik e nekatcitatcik osam e tapwerimatcik Cecoca. Kaie ka maskamakowiekw ka ici tatamekopan, misawatc ki ki mireritenawaw. Ki ki meka kiskeritenawaw kotak micikitawin e tatamekw, kirawe e kicteritakok kaie nespitc ke nokok.

Cak ka ki pe ici masinahiketc 2:10

Misawatc meka awik e nosanetatc kekatc kaskina aniheriw irakonikewiniw, aric tepirak peikw aka e nosanetatc, ekoni aci peikon ke otci anwerimakaniwitc, mitowi kecpin kaskina ki patahak.

Ka ki ici wapatahakaniwitc Jean 2:14

Aric ki ka kakeskimitinawaw ohwe otci ka totamekw: tawok iriniwok neta kotenamiwak e nosanetawatcik weckatc iriniwa ka ki pe ici kiskinohamakerispana, Balaam ka ki icinikatakaniwiritci. Anahwe Balaam ki kiskinohamawew peikw iriniwa, Balac ka icinikasoritci, kitci paskewiraritci Israël iriniwa kitci pakiciniritci pactatowinik. Anahwe tca Balac ki cakosimew kitci mitciritci wiasiriw e ki cawerimakaniwirispana manitokana kaie kitci pacikwatisiritci.

Ka ki ici wapatahakaniwitc Jean 2:20

Aric enko ohwe aka ka sakitaian e totamekw: ki pakitinawaw anahwe iskwew, Jézabel ka icinikatakaniwitc, kitci wecimitakw, e itekasotc: ‘Kice Manito ni ki mirikw ke ici tipatcimowak.’ Mitcet onicimew iriniwa ka atoskectawiritci e kiskinohamawatc kitci pacikwatisiritci, kaie kitci mitciritci wiasiriw e ki cawerimakaniwirispana manitokana.

Ka ki ici wapatahakaniwitc Jean 2:4

Aric peikocin ka ici patahamekw ka wi arimotamatakok: nama aci ki sakihinawaw ka asitci sakihiekopanen weckatc, nictam ka kitcipariekw e nosanehwiekw.