Mark 10:17 - Kice Manito Ocki Omirwatcimowin

¹⁷ Mia e iti matcatc Cecoc, aci pe mowinitiko peikw iriniwa, e tca nipiskoctakotc, e kokwetcimikotc: “Miro kiskinohamake iriniw, tan ke ki totaman kitci ki mirikoian kakike pimatisiwin?”

Mark 10:17 Iomraidhean Croise

Matio 17:14

Ka pe takocikik neta e ici micta mitcetinaniwonik, aci peikw iriniw pe natcikapowictawew Cecoca, nipiskoctawew,

Matio 25:34

Minawatc anahwe okimaw kata itew anahweriw onihiwinik ka icikapowiritci: ‘Petcimotekw, kirawaw ka cawerimitakw Notawi. Pe nta otapinamokw ohwe Okimawin ka wi mirikoiekw, aci weckatc ka ki nisawitakaniwok kirawaw otci, esko ka kiceritcikatek aski.

Matio 28:8

Tecikotc ki nakatamok aniheriw omatikowociriw aniki iskwewok, e sekisitcik kaie peikon e micta mireritakik. Ki mipatawok e nta witamawatcik anahweriw Cecoc owitcewakana.

Mark 1:40

Cecoc ki pe natawapamiko iriniwa ka omikiwapineritci. Pe nipiskoctako e pakoserimikotc kitci witcihatc, e itikotc: “Kecpin ici nataweritamane, matci ki ka ki kikehin.”

Mark 10:18

Aci itiko Cecoca: “Kekwan wetci icinikaciin ‘miro kiskinohamake iriniw’? Nama taw awik mocak e miro totak, tepirak Kice Manito.

Mark 12:14

Aci natawapamewok e tca itatcik: “Kiskinohamake iriniw, ni kiskeritenan tapwe mia e itein. Nama otci peikw awik ki koctaw tan kotc e iterimiskik. Nama wawatc ki pameriten e apitc kicterimakaniwakwen iriniwok ota askik. Mia kit ici kiskinohamakan kitci itatisinaniwok e ici mireritak Kice Manito. Witamacinan tca: itemakan ia kitaiamihe irakonikewininak kitci kicikamokw ka ici natockasotc Kice Okimaw, Rome askiriw ka tiperitak, kekotc nama?”

Mark 9:25

Cecoc wapamew iriniwa e mitcetiritci e pe nta mipataritci. Ekoni e ici iti tepwatatc anihi matci manitowa e itatc: “Kir matci manito ka totaman kitci kipitaniwok kirika aka kitci arimwaniwok. Kit ititin kitci orowiin neta awacik. Akawir minawatc wiskat pitake neta!”

Luc Omasinahikan 10:25

Peikw iriniw ka kiskinohamaketc cota aiamihe irakonikewiniw ki pasiko. Wikokwe paciwirekopan Cecoca arotc kitci iteritci, ke ki otci itactahorakaniwiritci. Ekoni tca e itatc: “Kiskinohamake iriniw, tan ke ki totaman kitci ki pe otitikoian kakike pimatisiwin?”

Jean 3:2

Peikwaw e tipiskarik ki natawapamew Cecoca, e itatc: “Kiskinohamake iriniw, ni kiskeritenan e ki pe iciticohwisk Kice Manito kitci pe nta kiskinohamawiak. Nama meka awik kata ki mata kackitaw mitowi kir ka totaman, kecpin aka e witci tacikemikotc Kice Manitowa.”

Jean 5:39

Wewerita ki kiskinohamasonawaw Kice Manito Omasinahikanik, e iteritamekw, ‘Ekota nta ke otci miskamak kakike pimatisiwin.’ Ekota aric ni mia neta masinahikanik ka ici tipatcimikoian!

Jean 6:40

Ekoni meka e ici nataweritak Notawi: kaskina ka wapamatcik Okosiriw kaie ka tapwerimatcik kitci kakike pimatisitcik acitc kitci apitcipahakik mamitcitc kicikarike.”

Ka ki aitotiskeritci Cecoc otarotakana 16:30

Minawatc ki orowitirew, kirika e kokwetcimatc: “Nokimamak, tan e actek kitci totaman kitci ki akwacimikoian?”

Ka ki aitotiskeritci Cecoc otarotakana 2:37

Ka petakik aniheriw, ki micta cakotaskahowok. Ki kokwetcimewok Piena kirika anihi kotakihi Cecoca otarotakaniw: “Niwitcewakananak, tan tca e actek kitci itotiskeiak?”

Ka ki aitotiskeritci Cecoc otarotakana 20:32

“Anotc tca aci, ni pakoserimaw Kice Manito kitci kanawerimitakw, kirika kitci miritakw omirotehewin, mia ka ki itetc otitewinik. Kackitaw kitci mackawisihitakw e asperimototawekw, kaie kitci miritakw kaskina ka ici kanaweritamawatc otirinima.

Ka ki aitotiskeritci Cecoc otarotakana 9:6

Pasiko, pitake neta otenak. Ekota neta ke witamakoin tan ke aitotiskein.”

Rome iriniwok 2:7

Kakike pimatisiwiniw kata mirew anahweriw mocak ka mantokasoritci kitci miro totamiritci kirika ka nataweritamiritci Kice Manitowa kitci mirikotcik icperitakosiwiniw, kicteritamowiniw kirika kakike pimatisiwiniw.

Rome iriniwok 6:23

Kecpin awik atoskectake pactatowiniw, kackitamatiso kitci nipotc. Aric Kice Manito cawerimew kaskina awiriw ka witcewaritci kirika anihi Ka Tiperimitokw Cecoca, e miratc kakike pimatisiwiniw, aka e petatc kitci koski mirakaniwitc kekwariw.

Éphèse iriniwok 1:18

Ni pakoserimon kitci wactenamatakw Kice Manito kitci ki nisitotamekw aniheriw asperimowiniw ka ki miritakw ka wicamitakw otirinima kitci iteritakosiekw, acitc e apitc micta micarik kaie e icperitakonik aniheriw ka ici kanaweritak otirinima otci,

Tite 3:7

otcitakotc kitci ki otitikoikw kakike pimatisiwin, osam e ki miritokw icikowisk kitci ki iteritakosiikw, omirotehewin e ki apatcitatc.

Hébreux iriniwok 1:14

Ekoni tca e irapatisitcik aceriwok: enko aniki manitowok ka atoskectawatcik Kice Manitowa, ka iciticohwatc ota askik kitci nta witcihatc kaskina ke mirakaniwitcik kitci akwacimakaniwitcik.

1 Pien 1:4

e petaiekw nikotin kitci pe otitikoikw aniheriw ka ici kanaweritak Kice Manito kaskina otirinima otci. Nama meka ki pikotakaniwon anihe ke ici mirikoikw, nama ki ometciwotakaniwon, nama kaie wiskat kata ickwaparin. Kanaweritam aniheriw Kice Manito wakwek, kirawaw otci,

1 Jean 2:25

Ohweriw kaie ki ici nespi tapwew Krist kitci miritokw: kakike pimatisiwiniw.