Mark 10:14 - Kice Manito Ocki Omirwatcimowin

¹⁴ Ka wapatak Cecoc ani e totamiritci owitcewakana, nama ki otci mirowinam. Ki itew: “Pakitinakok awacak kitci pe natawapamitcik. Akawir otcinehwakok. Iriniwok meka ka asperimototawitcik mia ohki awacak, enko aniki ka ici tatakik Kice Manitowa Okimawiniw.

Mark 10:14 Iomraidhean Croise

Matio 18:10

“Nanakatcihitisokw aka otci peikw kitci cikerimekw aniki ka apicicitcik. Ki witamatinawaw, otacerimiwawa nete wakwek aspinikotc tacikeriwa, pecotcik e ici tacikeritci Notawiwa nete wakwek. [

Matio 18:4

Anahwe meka ka mawotci kicteritakositc neta Kice Manitowa Okimawinik, enko anahwe ka tipaterimitisotc e itotisketc, mia mitowi ohweriw awaca kitci asiteritakositc.

Matio 19:14

Itew tca Cecoc: “Pakitinakok awacak kitci pe natawapamitcik. Akawir otcinehwakok. Iriniwok meka ka asperimototawitcik mia ohki awacak, enko aniki ka ici tatakik Kice Manitowa Okimawiniw.”

Matio 5:10

Caweritakosiwok aniki ka nekatcihakaniwitcik, osam e itatisitcik Kice Manitowa e ici nataweritamiritci. Enko aniki tapwe ka ici tatakik Okimawiniw.”

Matio 5:3

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Mark 3:5

Kiciw kanawapamew Cecoc anahweriw neta ka tacikeritci kirika micta kice kackeritamokopan, osam tekaci aka e wi nisitotamiritci. Aci itew anihi iriniwa ka niponesiritci: “Pe icitcitceri.” Ekoni e ici icitcitcerictowatc anahwe iriniw. Ekoni e iti kiketc.

Mark 8:33

Aric kiwekapowiw Cecoc e kanawapamatc anihi kotakihi owitcewakana, e itatc anihi Piena, kaketin e aimihatc: “Matca, matca, nete warawik Matci Manito, ponihici!” itew Cecoc. “Nama meka kit iteriten mia wir Kice Manito e iteritak, aric mia iriniwok e iteritakik.”

Jean 3:3

Cecoca itiko: “Ohwe ka witamatan, tapwe ni icinakon: nama awik kata ki wapatam Kice Manito Okimawiniw kecpin aka kiapatc koski nitawikite.”

Jean 3:5

Itew Cecoc: “Ohwe ka witamatan, tapwe ni icinakon: nama awik kata ki pitakew Kice Manito Okimawinik patoc kitci ici nitawikitc nipiriw e totcikaterik acitc Miro Manitowa.

Ka ki aitotiskeritci Cecoc otarotakana 2:39

Kice Manito ki nespi tapwew kitci totak aniheriw kirawaw otci kirika kinitcaniciwawa otci, matci kaie kaskina anihi otci kecko ke pe pimatisiritci, kaskina ke wicamatc Teperitciketc Kikice Manitomino.”

Ka ki aitotiskeritci Cecoc otarotakana 3:25

Kaie kirawaw aci ki pe mirikowinawaw aniheriw ka ki ici nespi tapwetc Kice Manito, ka ki miratc anihi ka ki pe nikan tipatcimoritci kitci witamakeritci. Peikon kaie kirawaw otci aniheriw acotamakewiniw Kice Manito ka ki itactatc kirika kitaniskotape kimocomiwariw, e ki itatc Abrahama: ‘Ke totak kotaniskotape kosimak, ni ka otci cawerimawok kaskina iriniwok e otenwesitcik ota askik.’ Genèse 22.18; 26.4

Rome iriniwok 11:16

Kecpin awik pakwecwate memantcic pakwecikana kitci ki cawerimatc Kice Manitowa e aiamihe pakitiniketc, tarasak misiwe tiperitamiriw anihi pakwecikana. Kecpin kaie otapia e cawerimatc Kice Manitowa, mictikok e ki otinatc, tarasak wawatc kaskina otikoniw kaie tiperitamiriw.

Rome iriniwok 11:28

Kecpin e mamitoneritcikaterik e ki anwetakik Mirwatcimowiniw cota iriniwok, tarasak nama ki otci naherimewok Kice Manitowa, kirawaw tca aka ka cota iriniwiekw kitci ki akwacimikoiekw. Aric kecpin kiapatc e mamitoneritcikaterik wir Kice Manito e ki orapamatc anahweriw otaniskotape omocomiwawa kitci otirinimitc, ki kiskeritenano kaie mocak e ki sakihatc cota iriniwa.

1 Corinthe iriniwok 14:20

Niwitcicanak, aka ici mitoneritamokw mitowi awacak. Mitowi irinik ici mitoneritamokw. Aric pactatowinik itekera, mitowi awacak aka ka kiskeritakik kitci pactatitcik ke totamekw.

1 Corinthe iriniwok 7:14

Aci meka anahwe iriniw aka ka tapwerimatc Kice Manitowa peikon pecowapamew, tepirak e witci tacikematc iskwewa ka tapwerimaritci Kice Manitowa. Peikon kaie iskwew aka ka tapwerimatc Kice Manitowa, peikon pecowapamew Kice Manitowa, e witci tacikematc kaie wir iriniwa ka tapwerimaritci Kice Manitowa. Kecpin aka ki otci icinakonik, anahweriw onitcaniciwawa mia aka e takonik otasperimowiniwaw ke iteritakosirispana. Aric wirata pecowapamewok Kice Manitowa.

Éphèse iriniwok 4:26

Kecpin kiciwasiekwe, aka pactatikw. Aka kinowec kiciwasikw, kitci actwerowesiekw epwamoci pakicimotc pisimw.

2 Timothée 1:5

Mocak ni mikawin kitehik e otciparik e micta asperimototawotc Kice Manito, mia peikon nictam kokom Loïs kaie wir kikawi Eunice ka ki ici asperimototawatcik Kice Manitowa. Ni ketcinaweriten kaie kir anotc e ici asperimoin.

2 Timothée 3:15

Esko awaciwiin ata ki kiskeriten e itasinatek Kice Manito Omasinahikanik. Ekota nta ka otci mirikoin miro mitoneritcikan, kitci ki asperimototawotc Cecoc Krist kitci tca akwacimisk.

1 Pien 2:2

Mia ocki awacic e nataweritak tcotcocanaporiw e mirwakaminik, mocak ki ka nataweritenawaw kekocic ka mirwacik ke ki matceatisiwakeiekw kitcitcakociwak itekera, kirika kitci akwacimikoiekw.

Ka ki ici wapatahakaniwitc Jean 14:5

Nama wiskat ki otci kiraskiwok. Nama wiskat ki otci patahamok kitci ki itactahorakaniwitcik.