Mark 10:1 - Kice Manito Ocki Omirwatcimowin

¹ Minawatc ki matcaw Cecoc, Judée askik itekera e icatc. Minawatc akam sipik Jourdain ka icinikaterik ki iti icaw. Ki pe mitcetiriwa kiapatc iriniwa e pe natawapamikotc neta ka ici taciketc. Ki kiskinohamawew, mitowi mocak ka ki pe totak.

Mark 10:1 Iomraidhean Croise

Matio 26:55

Aci itew Cecoc anihi mitcet iriniwa ka ki pe icaritci: “Actepan ia kitci pe icaiekw e takonamekw micta mokomana kaie mictikwa kitci ki makoniekw, tarasak mia kimoti iriniw e iterimiekw? Tato kickwa ni ki apin neta kitci aiamihe mikiwamik e kiskinohamakeiapan. Nama aric wiskat ki ki otci makoninawaw.

Matio 4:23

Pa aicakopan Cecoc kaskina e irikokwarik Galilée askiriw. Cota aiamihe mikiwamiskak pa kiskinohamakepan neta askik itekera, e tipatatakipan Mirwatcimowiniw ka otci kiskeritcikaterik Kice Manito Okimawiniw, kaie e pa kikehaspan iriniwa kaskina otakosiwiniwariw, kaie e ici maskisiritci.

Mark 1:21

Minawatc Cecoc kirika owitcewakana ki icawok otenak, Capernaüm ka icinikaterik. Apitc e arwepi kicikarik, Cecoc ki pitakew cota aiamihe mikiwamik e iti kiskinohamaketc.

Mark 10:2

Aci pe natawapamiko atita Pharisien iriniwa, e wikokwe paciwirikotc, arotc kitci itetc, ke ki otci itactahorakaniwitc. Kokwetcimiko tca, e itikotc: “Kirano kitirakonikewinino, masinatew ia matci kitci wepinatc iriniw okoma?”

Mark 12:35

Minawatc mekwata e kiskinohamakespan Cecoc neta kitci aiamihe mikiwamik, ki kokwetcikemo e itetc: “Kekwariw wetci itetcik aniki ka kiskinohamaketcik cota aiamihe irakonikewiniw, ‘Anihi ka ki itespan Kice Manito kitci pe iciticohwatc ota askik kitci akwacimiweritci, enkweriw Okimaw Tapit otaniskotape osima’?

Mark 14:49

Tato kickwa kitci aiamihe mikiwamik ki ki witci tacikemititawaw, e kiskinohamakeian. Nama aric wiskat ki ki otci makoninawaw. Anihe tca anotc ka totawiekw, iciwepan aci kitci ki isparik anihe ka masinatek Kice Manito Omasinahikanik.”

Mark 2:13

Kiapatc minawatc Cecoc ki iti icaw rarewak sakihikanik, Galilée ka icinikaterik. Micta mitcetiriwa iriniwa ka pe natawapamikotc. Ekoni e ici kiskinohamaketc.

Mark 4:2

Mitcet kekociciriw kiskinohamakepan Cecoc, atisokaniciciriw e apatcitatc. Aci itepan:

Mark 6:2

Aci ka arwepi kicikarik ki nta kiskinohamakew cota aiamihe mikiwamik. Mitcetinaniwonipan neta. Aniki ka tacikewaspan ki micta mamiskasitawewok. Itepanak: “Tante ka otinak aniheriw ka aitetc? Awiriw ka ki mirikotc aniheriw omiro omitoneritcikan acitc kitci mata kackitatc!

Mark 6:34

Ka kapatc Cecoc tcimanik, aci wapatam e mitcetinaniwonik. Ki micta kitimakerimew anahweriw iriniwa, osam kekatc mia e iterimatc mia maritcenicak aka e tatcik ka nanakatcihikotcik. Ekoni e ici iti kiskinohamawatc mitcet kekociciriw.

Mark 6:6

Ki mamiskateritam aka e asperimototakotc iriniwa neta otenamik. Minawatc nete otenaskak ki pa icaw Cecoc e kiskinohamaketc.

Jean 10:40

Kiapatc Cecoc ki matcaw, akam sipik Jourdain e icatc. Ekota neta mia nictam ka sikahatakekopanen anahwe Capatis. Ekota kaie neta ka ici taciketc Cecoc.

Jean 11:7

Minawatc ki itew anahweriw owitcewakana: “Kiwetan Judée askik.”

Jean 18:20

Itew Cecoc: “Ni ki arimwan kaskina awik kitci petak kirika mocak ni ki kiskinohamakan cota aiamihe mikiwamik kaie kitci aiamihe mikiwamik, neta ka ici mawotcihitotcik kaskina cota iriniwok. Nama kekocic ni ki otci kimotc itan.