Mark 1:8 - Kice Manito Ocki Omirwatcimowin

⁸ Nin ki ki sikahatatinawaw, nipi e apatcitaian. Aric wir ki ka sikahatakowaw, Miro Manitowa kitci miritakw.”

Mark 1:8 Iomraidhean Croise

Matio 3:11

“Nin anotc ki sikahatatinawaw, nipi e apatcitaian, kitci ki wapatahiweiekw e wi kweskatisiekw. Aric anahwe nanake ke pe takocik, ki ka sikahatakowaw ickoteriw kitci apatcitatc kirika Miro Manitowa kitci miritakw. Kirawe mackaweritakosiw patok nin. Nin nama ni tipi kicteritakosin wawatc kitci ki maninamowak omaskisiniapi.

Mark 1:7

Kaskina ka tacikewaspan ki itikowok anihi Capatisa: “Anahwe nanake ke pe takocik, kirawe mackaweritakosiw patok nin. Nin nama ni tipi miro iriniwin wawatc tepirak kitci nowectaian kitci ki apikonamowak omaskisiniapi.

Mark 1:9

Minawatc Cecoc ki pe takociniw, Nazareth otenak e ki pe otci matcatc, Galilée askik itekera. Ki sikahatako anihi Capatisa neta Jourdain sipik.

Luc Omasinahikan 3:16

Kaskina anihi iriniwa ki itew Capatis: “Nin, ki sikahatatinawaw, nipi e apatcitaian. Aric anahwe ka pe takocik kirawe mackaweritakosiw patok nin. Nama wawatc ni tipi kicteritakosin wawatc kitci ki apikonamowak omaskisiniapi. Aric wir, ki ka sikahatakowaw, ickoteriw kitci apatcitatc kirika Miro Manitowa kitci miritakw.

Jean 1:26

Ekoni e itetc Capatis: “Nin, ki sikahatatinawaw, nipi e apatcitaian. Aric taw awik aka ka kiskerimekw ota e ici tacikeiekw.

Jean 1:33

Nama moci ni kiskerimatai. Kice Manito, anahwe aric ka ki pe iciticohwitc kitci pe nta sikahatakewak, ni ki itikw: ‘Ki ka wapamaw Miro Manito e pe raciretc, nte irinik e ponetc. Enko anahwe iriniw ke sikahataketc, Miro Manitowa kitci miriwetc.’

Ka ki aitotiskeritci Cecoc otarotakana 1:5

Capatis meka ki sikahatakew, nipiriw e ki apatcitatc. Aric nanake ki ka sikahatasonawaw, Miro Manito kitci mirikoiekw.”

Ka ki aitotiskeritci Cecoc otarotakana 10:45

Aniki ka tapwerimatcik Cecoca ka cota iriniwitcik ka ki pe witcewawaspan Piena micta mamiskateritamwakopan e ki mirakaniwiritci kaie wirawaw aka ka cota iriniwiritci kitci pitciteheckakoritci Miro Manitowa.

Ka ki aitotiskeritci Cecoc otarotakana 2:17

‘Enko ohwe ke iti aisparik mamitcitc kicikake, ki itew Kice Manito. Ni ka pe iciticohwaw Nimiro Manitom, kaskina iriniwok otci. Kikosiwawok kaie kitanisiwawok kata iti nikan tipatcimowok. Aniki nta e taciekw ka ocki pimatisitcik ni ka mirawok ke icinakik, kitci ki tca aimihakik; Aniki nta e taciekw ka kiceatisitcik ni ka mirawok kitci wecipatatakik. Ekota neta ke otci witamawakik wa itakik.

Ka ki aitotiskeritci Cecoc otarotakana 2:4

Kaskina ki mockineckakowok Miro Manitowa otehiwak, kaie kotakeriw arimwewiniw ki iti arimwewok, kotc ka ki ici mirikotcik Miro Manitowa kitci kackitatcik e arimwetcik.

1 Corinthe iriniwok 12:13

Kaskina e taciikw — misawatc e cota iriniwiikw kekotc aka e cota iriniwiikw, e arotakaniwiikw kekotc aka e arotakaniwiikw — kaskina ki ki sikahatasonano mia peikw owiaw, Cecoc Krist owiaw kitci icinakosiikw, anahwe peikonok Miro Manito e ki itotiskeritci kitci icinakonik. Kirika anahwe Miro Manito e peikociritci ki ki mirikowinano kitci witci tacikemitokw.