Mark 1:7 - Kice Manito Ocki Omirwatcimowin

⁷ Kaskina ka tacikewaspan ki itikowok anihi Capatisa: “Anahwe nanake ke pe takocik, kirawe mackaweritakosiw patok nin. Nin nama ni tipi miro iriniwin wawatc tepirak kitci nowectaian kitci ki apikonamowak omaskisiniapi.

Mark 1:7 Iomraidhean Croise

Matio 3:11

“Nin anotc ki sikahatatinawaw, nipi e apatcitaian, kitci ki wapatahiweiekw e wi kweskatisiekw. Aric anahwe nanake ke pe takocik, ki ka sikahatakowaw ickoteriw kitci apatcitatc kirika Miro Manitowa kitci miritakw. Kirawe mackaweritakosiw patok nin. Nin nama ni tipi kicteritakosin wawatc kitci ki maninamowak omaskisiniapi.

Matio 3:14

Aric Capatis nama mireritamokopan. Itekopan: “Kir ni, ki ta sikahatowin! Kekwan tca wetci pe natawapamiin kitci sikahatatan!”

Mark 1:6

Atikowaniw ko apatcitakopan anahwe Capatis, kaie pakekini pakotehona apatcihekopan. Kwackwackotcihimanakecica mowekopan ko, kaie amo namanasiriw mitcikopan ka ki miskakipan neta askik ka ici cipewatawokarik.

Mark 1:8

Nin ki ki sikahatatinawaw, nipi e apatcitaian. Aric wir ki ka sikahatakowaw, Miro Manitowa kitci miritakw.”

Luc Omasinahikan 3:16

Kaskina anihi iriniwa ki itew Capatis: “Nin, ki sikahatatinawaw, nipi e apatcitaian. Aric anahwe ka pe takocik kirawe mackaweritakosiw patok nin. Nama wawatc ni tipi kicteritakosin wawatc kitci ki apikonamowak omaskisiniapi. Aric wir, ki ka sikahatakowaw, ickoteriw kitci apatcitatc kirika Miro Manitowa kitci miritakw.

Jean 1:27

Ni ki takocinin epwamoci wir. Nama aric ni tipi asiteritakosin wawatc kitci ki apikonamowak omaskisiniapi.”

Ka ki aitotiskeritci Cecoc otarotakana 13:25

Apitc Capatis aci kekatc kitci ki iti kictatc otamirowin, kakeskwepan, e itetc: ‘Awin ni nin e iterimiekw? Namaiew ni nin anahwe ka pehekw. Aric natotamokw! Kata takociniw, ickwa kicitaiane notamirowin, kaie nama ni tipi miro iriniwin wawatc tepirak kitci ki apikonamowak omaskisin.’ ”

Ka ki aitotiskeritci Cecoc otarotakana 19:4

Pwar itew: “Capatis sikahatowepan iriniwa ka wi kweskatisiritci, kirika itepan Israël iriniwa kitci tapwerimaritci anihi minawatc ke pe takociniritci ickwa pimotete wir, Cecoca ni ka wi arimomaspan.”