Mark 1:5 - Kice Manito Ocki Omirwatcimowin

⁵ Kaskina awik ka tacikespan neta askik Judée ka icinikaterik kaie neta Jérusalem otenak ki natawapamewok. Ekoni ka ici witakik tapwe e cikeritakik e ki patahakik. Ki tca sikahatakowok Capatisa neta sipik Jourdain ka icinikaterik.

Mark 1:5 Iomraidhean Croise

Matio 4:25

Micta mitcetipanak iriniwok kaskina wiec e ototetcik ka pa nosanehwatcik Cecoca. Atita ototepanak Galilée askik, kotakihik nte neta askik, Mitato Otenaw ka icinikaterik. Kaie tapanak Jérusalem otenak ka ki pe ototetcik. Kiapatc kaie kotakihik Judée askik ototepanak, kaie nte askik akam sipik Jourdain ka ici takonik.

Mark 1:4

Tapwe tca ki icinakon ani ka itemakak. Ki pe takociniw iriniw, Capatis icinikasokopan. Pamatisikopan neta askik ka ici cipewatawokarik. Pa aicakopan e sikahatakespan kaie e aiarimwespan, e aitetc: “Kweskatisikw! Sikahatasokw! Ki ka kasihamakowaw tca kipactatowiniwariw Kice Manito!”

Mark 1:6

Atikowaniw ko apatcitakopan anahwe Capatis, kaie pakekini pakotehona apatcihekopan. Kwackwackotcihimanakecica mowekopan ko, kaie amo namanasiriw mitcikopan ka ki miskakipan neta askik ka ici cipewatawokarik.

Jean 1:28

Kaskina anihe ka tipatcitcikatek ki iciwepan neta otenacik Béthanie ka icinikatek, akam sipik Jourdain, neta e ici sikahatakekopanen Capatis.

Jean 3:23

Ani apitc Capatis kaie wir sikahatakekopan nete otenacik, Énon e icinikaterik, pecotcik nte Salim otenacik. Mitcakaminokopan meka nipi nte itekera. Aspinikotc pe natawapamikokopan iriniwa kitci ki sikahatowatc.

Jean 5:35

Anahwe Capatis, mitowi wactenamakan iteritakosipan, e iskahikatek kitci miro wactek. Memacic ki ki naheritenawaw kitci mireritamekw e waskorek.

Ka ki aitotiskeritci Cecoc otarotakana 19:18

Mitcet neta ka ki iti tapwerimatcik Cecoca ki pe nta witamok ka ki ici matci totakik, kitci petawakaniwitcik e mitcetinaniwonik.

Ka ki aitotiskeritci Cecoc otarotakana 2:38

Ki itikowok Piena: “Kweskatisikw kirika kaskina papeikw e taciekw sikahatasokw, Cecoc Krist oticinikasowin e apatcitaiekw, kitci ki tca kasihamakoiekw kipactatowiniwawa. Ekoni tca ke mirikoiekw Miro Manitowa, Kice Manito ocaweritcikan.

Cak ka ki pe ici masinahiketc 5:16

Witamatokw tca kipactatowiniwaw. Aiamihectamatokw, kitci ki tca mirwatisihikoiekw. Mictahi mackawisimakaniw kaketin e pakoserimotc awik icikowisk ka itatisitc.