Mark 1:39 - Kice Manito Ocki Omirwatcimowin

³⁹ Minawatc kaskina e irikokwarik ki pa aicaw neta Galilée askik. Mitcet cota aiamihe mikiwamiskak ki pa kakeskwew kirika ki orowiticohwew matci manitowa.

Mark 1:39 Iomraidhean Croise

Matio 4:23

Pa aicakopan Cecoc kaskina e irikokwarik Galilée askiriw. Cota aiamihe mikiwamiskak pa kiskinohamakepan neta askik itekera, e tipatatakipan Mirwatcimowiniw ka otci kiskeritcikaterik Kice Manito Okimawiniw, kaie e pa kikehaspan iriniwa kaskina otakosiwiniwariw, kaie e ici maskisiritci.

Matio 9:35

Cecoc pa pimotepan kaskina otenak kaie otenacik. Pa kiskinohamakepan cota aiamihe mikiwamiskak. Kakeskwepan, e tipatcimospan Mirwatcimowiniw ka otci kiskeritcikaterik Kice Manitowa Okimawiniw. Kaskina kaie kikehepan ka akosiritci kotc ka itapineritci.

Mark 1:21

Minawatc Cecoc kirika owitcewakana ki icawok otenak, Capernaüm ka icinikaterik. Apitc e arwepi kicikarik, Cecoc ki pitakew cota aiamihe mikiwamik e iti kiskinohamaketc.

Mark 1:23

Mia pe pitakew iriniw neta cota aiamihe mikiwamik, matci manitowa e nekatcihikotc. Tepwew e itetc:

Mark 1:38

Itew Cecoc: “Matcatan. Nete kaie kotakihi otenacik pecotcik ka ici takoki ki ka icanano. Ni ka nta kakeskwan. Ekoni meka wetci ki pe icaian ota askik.”

Mark 3:1

Minawatc iti pitakew Cecoc cota aiamihe mikiwamik. Arwepi kicikarikopan. Iriniw e niponesitc otcitcik pa tacikepan neta.

Mark 6:6

Ki mamiskateritam aka e asperimototakotc iriniwa neta otenamik. Minawatc nete otenaskak ki pa icaw Cecoc e kiskinohamaketc.

Mark 7:30

Ekoni ka ici kiwetc. Ki tca wapamew onitcanica e miciniritci nipakanatikok. Aci tapwe ki ickwa orowickakopan anihi matci manitowa.

Luc Omasinahikan 4:41

Kaie ki orowiticohwew matci manitowa, mitcet iriniwa e tiperimaritci. Kotc e orowiticohwakaniwitcik irinik aniki matci manitowok, ki tepitepwewok e itetcik: “Kir Kice Manito Okosa!” Aric kaketin ki aimihew anahweriw matci manitowa Cecoc e otcinehwatc aka awocamec kitci arimweritci. Kiskerimikopan meka wir anihi ka ki itespan Kice Manito kitci pe iciticohwatc ota askik kitci akwacimiweritci.