Mark 1:32 - Kice Manito Ocki Omirwatcimowin

³² E iti otakocinik, e ickwa pakicimoritci pisimwa, mitcet akosikana ki iciwitowakaniwiw Cecoc, kaie mitcet ka ki pitciteheckakoritci matci manitowa.

Mark 1:32 Iomraidhean Croise

Matio 4:24

Kaskina wiec Syrie askik itekera ki petakaniwoniw e arimomakaniwitc, kaie ki pe iciwitowakaniwiw kaskina ka akosiritci, nakowi e aitapineritci, kaie anahweriw ka pitciteheckakoritci matci manitowa, acitc ka opirikoritci, kaie ka niponesiritci. Kaskina e taciritci ki kikehew Cecoc.

Matio 8:16

E iti otakocinik, mitcet iriniwa ki pe iciwitowakaniwiw Cecoc e ki pitciteheckakoritci matci manitowa. Tepirak e aiarimwetc, Cecoc ki orowiticohwew anahweriw matci manitowa. Kaie kaskina ki kikehew ka akosiritci.

Matio 8:17

Ki itotiskew kitci ki otcitciparinik aniheriw ka ki iterispan anihi ka nikan tipatcimospan, Ésaïe ka icinikasospan: “Kaskina ki otapinam e ici maskisiikw, kirika ki ki maninamakono e ici akosiikw.” Ésaïe 53.4

Mark 1:21

Minawatc Cecoc kirika owitcewakana ki icawok otenak, Capernaüm ka icinikaterik. Apitc e arwepi kicikarik, Cecoc ki pitakew cota aiamihe mikiwamik e iti kiskinohamaketc.

Mark 1:31

Ki tca natawapamew. Ki otapiniskenew e pasikopitatc. Tecikotc ki matcamakaniw e kisiswapineritci. Aci anahwe iskwew ki nta atoskectawew anahweriw omantema e acamatc.

Mark 3:2

Pharisien iriniwok neta ka tacikewaspan wewerita nanakatcihewakopan Cecoca e totamiritci, e wi kiskeritakik ke apitc kikehakwen awiriw e arwepi kicikarik. Nantowapatamowakopan meka ke ki otci itactahoratcik Cecoca.

Luc Omasinahikan 4:40

E iti pakicimotc pisimw, mitcet iriniwa ka akosiritci ki pe iciwitowakaniwiw Cecoc, otcirowemakaniwawa kekotc okwimesiwawa e pe iciwirikotcik. Mitcenikopan akosiwiniw ka ki aitapinerikopanen. Tato nta e taciritci ki takinew, kaskina tca ki kikeriwa.

Luc Omasinahikan 4:41

Kaie ki orowiticohwew matci manitowa, mitcet iriniwa e tiperimaritci. Kotc e orowiticohwakaniwitcik irinik aniki matci manitowok, ki tepitepwewok e itetcik: “Kir Kice Manito Okosa!” Aric kaketin ki aimihew anahweriw matci manitowa Cecoc e otcinehwatc aka awocamec kitci arimweritci. Kiskerimikopan meka wir anihi ka ki itespan Kice Manito kitci pe iciticohwatc ota askik kitci akwacimiweritci.