Mark 1:16 - Kice Manito Ocki Omirwatcimowin

¹⁶ Mekwata nete e pimotespan Cecoc rarewak Galilée sakihikanik, aci ki wapamew nicw namesike iriniwa. Anahwe peikw, Simo icinikaso. Minawatc anihi ocima, Atre icinikasoriw. Mekwata taci pakitohwapanak.

Mark 1:16 Iomraidhean Croise

Matio 10:2

Ekoni e icinikasorispana anihi otarotakana e mitato acitc niciritci: nictam anahwe Simo icinikasopan (Pien, arica e icinikatakaniwispan), kaie anihi ocima Atre. Kotak anahwe, Cak icinikasopan, kaie ocima, Jean (e niciritci anihi Zébédée okosa).

Mark 3:16

Enko ohki mitato acitc nicw iriniwok ka ki orapamakaniwitcik: Simo (kotakeriw icinikasowiniw ki miriko Cecoca, Pien ki icinikatiko),

Mark 3:18

Minawatc Atre, Pirip, Barthélemy, Matio, Toma, Cak (Alphée anihi okosa), Thaddée, Simo (“Anahwe aka ka naheritak kitci tiperimikotc kice okimawa” ka icinikatakaniwispan),

Luc Omasinahikan 6:14

Simo (enkweriw kaie ka ki icinikatatc “Pien”) acitc Atre (Simo anihi ocima), acitc Cak, Jean, Pirip, Barthélemy,

Jean 12:22

Aci anahwe Pirip nta witamawew Atrewa. Minawatc aniki e nicitcik ki nta witamawewok Cecoca.

Jean 6:8

Kotak anahwe Cecoc owitcewakana, Atre e icinikasotc, Simo Pien anihi ocima, itew Cecoca:

Ka ki aitotiskeritci Cecoc otarotakana 1:13

Tekocikik Jérusalem otenak, icpimitakok mikiwamik ki iskwatowiwok, aricapik e icatcik, neta ko e ici mawotcihitowakopanen. Aniki ka ki taciketcik neta: Pien, Jean, Cak acitc Atre, Pirip, Toma, Barthélémy acitc Matio, Cak (Alphée okosa), Simo (“Anahwe aka ka naheritak kitci tiperimikotc kice okimawa” ka icinikatakaniwikopanen), kirika Jude (Cak okosa).