Mark 1:13 - Kice Manito Ocki Omirwatcimowin

¹³ Ekota nete ka taciketc, nemitana tato kickwa irikik. Matci Manitowa kokwetcihikopan. Ani irikik ka taciketc, notcimiw awesisa ki witci tacikemiko, kaie aceriwa ki pe nta atoskectako.

Mark 1:13 Iomraidhean Croise

Matio 26:53

Nama ani ki kiskeriten matci kitci ki tepwatakipan Notawi kitci pe nta witcihitc, tecikotc kitci pe iciticohwaspan kice mitcet aceriwa kitci pe witcihimitci!

Matio 4:1

Minawatc Miro Manitowa ki iciwiriko Cecoc nete askik ka ici cipewatawokarik, kitci ki kokwetcihikotc Matci Manitowa.

Luc Omasinahikan 4:1

Cecoc nete otci matcaw Jourdain sipik, Miro Manitowa e mockineckakotc. Minawatc ki iciwiriko nete askik ka ici cipewatawokarik.

1 Timothée 3:16

Tapwe ni aci ketcinaweritakon anihe ka katcicterikipan, anotc ka wapatahiwetc Kice Manito: e apitc kicteritakok anihe ka ici tapweritamokw! Krist ki pe nokosiw, mia irinik e icinakositc. Ki ki wapatahikowinano icikowisk e iteritakositc, Miro Manitowa e ki wapatahiweritci. Aceriwa ki wapamiko. Iriniwa ota askik ki pa tipatatamiriwa otarimwewin. Ki tca tapwerimiko mitcet iriniwa ota askik, minawatc icpimik ki iciwirakaniwiw e ocpickatc oticperitakosiwinik e icatc.

Hébreux iriniwok 4:15

Nama nte iteritakosiw anahwe kikitci makatekoremino mia awik aka ka kackitatc kitci nisitotak tan e ici arimipariikw aka e mackawisiikw. Anahwe kikitci makatekoremino ki kokwetcihakaniwiw kitci pactatitc kaie wir mia kirano, wir aric nama ki otci pactatiw.