Mark 1:1 - Kice Manito Ocki Omirwatcimowin

¹ Ota kitciparin Mirwatcimowin, Cecoc Krist e arimomakaniwitc, Kice Manito Okosa.

Mark 1:1 Iomraidhean Croise

Matio 14:33

Aci anahweriw Cecoc owitcewakana ka apiritci neta tcimanik nipiskoctako, e itikotc: “Tapwe ni kir Kice Manito Okosa!”

Matio 17:5

Mekwata kiapatc e taci arimwetc Pien, iti nokoniw oskoriw e micta wacterik nac kaskina aka e nokositcik e rikockakotcik oskoriw. Kek petakon e otci arimwaniwok nta oskok, e itwaniwok: “Enko ohwa Nikosis ka micta sakihak kaie ka micta mirerimak. Natotawakw!”

Matio 3:17

Kirika ki petam e itakaniwitc, wakwek e otewetcikaterik: “Enko anahwe nikosis ka sakihak. Ni micta mirerimaw!”

Matio 4:3

Kek ki pe natawapamiko Matci Manitowa, anihi ko ka kokwetcihiweritci, e itikotc: “Kecpin tapwe kir Kice Manito Okosa, icik ohki asiniik kitci pakwecikaniwitcik.”

Luc Omasinahikan 1:35

Itiko anihi aceriwa: “Miro Manito ki ka otitikw kirika Kice Manito e mawotci icperitakositc omackawisiwin ki ka akwacteckakowan, mia e masinactecik. Ekoni ke otci iteritakositc ‘kitcitwawisiw’ anahwe kinitcanic ke nitawikitc. Ekoni kaie ke otci icinikatakaniwitc ‘Kice Manito Okosa.’

Jean 1:14

Ki pe iriniwiw anahwe ka iteritakositc Itewin. Ni ki pe nta witci tacikemikonan, e micta mirotehetc kirika tekaci e tapweritakositc. Aci ni ki wapatamwanan oticperitakosiwin, aniheriw icperitakosiwiniw Kotawino Kice Manito ka ki miratc Okosa e peikociritci.

Jean 1:34

Ni ki wapaten anihe mia ka ki isparik,” itew Capatis. “Ekoni wetci witamakeian: anahwe iriniw tapwe anihi Kice Manito Okosa.”

Jean 1:49

Aci itew Nathanaël: “Kiskinohamake iriniw, kir Kice Manito Okosa, Israël iriniwok okimamiwawa.”

Jean 20:31

Aric kaskina ota ka takok, ki masinatew kitci ki otci tapwetamekw ohwe: Cecoc, tapwe wir anihi ka ki itespan Kice Manito kitci pe iciticohwatc ota askik kitci akwacimiweritci, enko na Kice Manito Okosa. Kecpin tca tapwerimekwe, ki ka otci mirikowinawaw pimatisiwin wir otci.

Jean 3:16

E apitc meka sakihatc iriniwa Kice Manito, ki pe iciticahwew tipirawe Okosa e peikociritci, kaskina awik e tapwerimatc aka kitci onicik, aric kitci kakike pimatisitc.

Jean 6:69

Aci ohwe ni tapweritenan kaie ni kiskeritenan: Kir ni Ka Kitcitwawisiin, Kice Manito e ki pe iciticohwisk!”

Ka ki aitotiskeritci Cecoc otarotakana 13:24

Epwamoci Cecoc pe takocik, Capatis ki kakeskwepan e cikimaspan kaskina Israël iriniwa kitci kweskatisiritci kaie kitci sikahatasoritci.

Rome iriniwok 8:3

Aniheriw ka ki totak Kice Manito kirawe mackawisimakaniw patok kaskina ke ki itotiskemakanik aiamihe irakonikewiniw. Nama meka awik wiskat kata tipi mackawisipan mocak kitci natotak, kitci ki tca wikotcihikotc. Kice Manito aric ki pe iciticahwew Okosa ota askik kitci pe iriniwihitisoritci, mitowi kirano e pactati iriniwiikw kitci ki icinakosiritci, kitci ki pe nta niporitci kipactatowininariw otci. Ekoni ka ki ici cakotcitatc pactatowiniw, aka tca awocamec kitci cakotcihikoikw.

Rome iriniwok 8:32

Nama meka ki otci matcikonew wir tipirawe Okosa, aric ki pakiterimew kitci pe nta niporitci kaskina kirano otci. Ekoni tca ka otci kiskeritamokw kitci miritokw kaskina kekociciriw.