Cak ka ki pe ici masinahiketc 4:8 - Kice Manito Ocki Omirwatcimowin

⁸ Wi pecowapamakw Kice Manito, kaie wir ki ka wi pecowapamikowaw. Kirawaw ka pactatiekw, wepinamokw pactatowin. Tekaci maninamokw ka maratak kitehiwak, kirawaw ka kowetowi iteritamekw.

Cak ka ki pe ici masinahiketc 4:8 Iomraidhean Croise

Matio 12:33

“Kecpin wapiminatikw e mirokitc, owapiminima kaie kata mirosiriwa. Kecpin aric aka e mirokitc wapiminatikw, nama kaie kata mirosiriwa owapiminima ke nitawikihatc. Nisitowinakosiw meka e apitc mirokikwen wapiminatikw, e wapamakaniwiritci owapiminima.

Matio 15:2

“Kekwariw wetci aka sapitakik kiwitcewakanak weckatc okiskinohamakewiniwariw kitaniskotape kimocominowa? Nama meka wewerita kasitcitcewok epwamoci mitcisotcik, kotc ka ki ici kiskinohamakoikw kitci itotiskeikw!”

Matio 27:24

Ka wapatak Pilate aka pitoc e iteritamiritci anahweriw iriniwa, kirawe e nanotakosiritci e micta kiciweritci, ki otapinam orakaniw, nipiriw e takonik, e kasitcitcetc e wapatahiwetc aka wir kitci atameritakositc ickwa niporitena Cecoca. Kaie ki itew: “Kecpin nipote anahwe iriniw, namaiew nin ke totaman! Kirawaw ke totamekw! Kirawaw meka ka ki ici nataweritamekw kitci nipahakaniwitc!”

Ka ki aitotiskeritci Cecoc otarotakana 15:9

Nama pitoc ki otci iterimew aka e cota iriniwiritci kaie kirano e cota iriniwiikw. Ki meka mirwinakotaw otehiwariw, osam e ki tapwerimikotc.

2 Corinthe iriniwok 7:1

Nimiro nikwimesak, kaskina aniheriw soki iteritakoniw ka ici nespi tapwetc Kice Manito kitci ici totak kirano otci. Ekoni ke otci pakiteritamokw kaskina ka maratak ke ki akohikoikw kiwiawinak acitc kitcitcakocinak. Ki ta mantokasonano kaie eckam kitci totamokw mia e ici nataweritak Kice Manito, tekaci e kicterimokw.

1 Timothée 2:8

Aci ni nataweriten iriniwok kaskina wiec ka taciketcik kitci aiamihatcik, kitci ispiniskeritcik kitci mirwinakonik e pakoserimatcik Kice Manitowa, aka kaie kitci kiciwasitcik acitc aka kitci kikatotcik.

Hébreux iriniwok 10:22

Pecowapamatan tca Kice Manito e irikokoteheikw e asperimototawokw, e ketcinaweritamokw. Aci meka tekaci ki mirwinakosinano kitehinak osam e ki maninak kaskina ka maratanik, aci kaie ki kisisipataw kiwiawinariw, nipiriw ka mirwakaminik e ki apatcitatc.

Hébreux iriniwok 7:19

Anihe irakonikewin, Moïse ka ki mirakaniwitc, nama ki otci tipi mackawisimakan kitci ki witcihikotcik iriniwok icikowisk kitci iterimikotcik Teperitcikeritci. Aci aric takon asperimowin ka ki mirikoikw, kirawe e mackawisimakak. Ekoni tca wetci kackitaikw anotc kitci natcikapowictawokw Kice Manito.

Cak ka ki pe ici masinahiketc 1:8

Kwetowi iteritam meka, aka kaie e kiskeritak mia ke tapwetak.

Cak ka ki pe ici masinahiketc 3:17

Pitoc aric icinakon anihe miro mitoneritcikan icpimik ka otciparik. Nictam, mictahi mirwacin, nama takon ka maratak neta. Minawatc kaskina wiec wi totcikatew kitci ki miroparihitonaniwok. Pekatisinaniwon, nama mackoctikwaninaniwon, micta mirotehaniwon, acitc mocak ka mirwacik totcikatew. Nama kirawe miro mihakaniwiwok atita iriniwok patok kotakihik, nama kaie miro iriniwikasonaniwon.

1 Pien 1:22

Aci ki ki itotiskanawaw tekaci kitci miroteheiekw, ka sapitamwekw Kice Manito otapwewin, kitci ki otci miro sakihitoekw, mia kiwitcicaniwawok e iterimitoekw. Kaketin tca ki ka sakihitonawaw kaskina e irikokoteheiekw.

1 Pien 3:21

Anihe nipi ka ki mitcakamik ka riskipotek aski, ki otci kiskeritenawaw kaie tan e irapatak anihe kotak nipi ka apatak anotc e sikahatasonaniwok, e kasihamakoiekw kipactatowiniwaw. Sikahatakewin, nama ki kisisipasowakanawaw. Aric atamik kitehiwak ki kisisiparikowinawaw, e nataweritamawekw Kice Manito kitci kasihamatakw, kitci kiskerimitisoekw aci icikowisk e iteritakosiekw. Ki ki akwacimikowaw, anihe otci, osam e ki apitcipatc Cecoc.

1 Jean 3:3

Kaskina awik ka ici asperimotc, tekaci mirwinakohitiso otehik, mia Cecoc Krist wir tipirawe tekaci e mirwinakositc otehik.