Cak ka ki pe ici masinahiketc 4:6 - Kice Manito Ocki Omirwatcimowin

⁶ Aric kirawe mictahi mirwaciniw omirotehewin Kice Manito. Itemakan meka kaie: “Kice Manito atimikapowictawew anahweriw ka kicterimoritci, aric miro totawew anahweriw ka tipaterimitisoritci.” Proverbes 3.34

Cak ka ki pe ici masinahiketc 4:6 Iomraidhean Croise

Matio 13:12

Anahwe meka aci ka ici tatak kekociciriw, awocamec kata pe mirakaniwiw, nac kitci micta mitcenik. Anahwe aric kotak aka ka takonik kekociciriw, wawatc aniheriw memantcic ka iteritak e ici tatak, kata maninamowakaniwiw, misawatc aka e sapinakonik.

Matio 23:12

Kaskina meka awik ka icperimitisotc, kata tipaterimakaniwiw. Kaskina tca ka tipaterimitisotc kata icperimakaniwiw.”

Luc Omasinahikan 1:52

Kaie ki maninamawew okimawiniwariw anahweriw ka okimawiritci. Minawatc anahweriw iriniwa ka tipaterimitisoritci ki mirew kitci nikanapiritci.

Luc Omasinahikan 14:11

Anaha kotc ka icperimitisotc, kata tipaterimakaniwiw. Anaha tca kotc ka tipaterimitisotc kata icperimakaniwiw.”

Luc Omasinahikan 18:14

Aci minawatc itew Cecoc: “Ki witamatinawaw, ka kiwetc anahwe ka natockaketc, aci icikowisk ki iterimiko Kice Manitowa. Aric anahwe Pharisien iriniw nama icikowisk ki otci iterimiko. Kaskina meka awik ka icperimitisotc, kata tipaterimakaniwiw. Anahwe tca ka tipaterimitisotc, kata icperimakaniwiw.”

Cak ka ki pe ici masinahiketc 4:10

Tipaterimitisokw e pakoserimekw Teperitciketc. Ki ka tca icperimikowaw.

1 Pien 5:5

Minawatc kirawaw ka ocki pimatisiekw, kit ititinawaw: ki ka natotawawok aniki kirawe ka kiceatisitcik. Kaskina e taciekw, nama ki ka kicterimonawaw e mihitoekw. Itasinatew meka Kice Manito Omasinahikanik: “Kice Manito atimikapowictawew anahweriw ka kicterimoritci, aric miro totawew anahweriw ka tipaterimitisoritci.” Proverbes 3.34