Cak ka ki pe ici masinahiketc 4:5 - Kice Manito Ocki Omirwatcimowin

⁵ Nama ceckwat itacteriw Kice Manito Omasinahikan: “Kice Manito micta moctenawew anihi miro manitowa ka ki miritokw kitci pitciteheckatokw.”

Cak ka ki pe ici masinahiketc 4:5 Iomraidhean Croise

Jean 10:35

Ki kiskeritenano, nama kata ki note pakiticowatcikateriw Kice Manito Omasinahikan e itasinaterik. Kice Manito ki icinikatew ‘manitowok’ anahweriw iriniwa ka ki miratc otitewin.

Jean 19:37

Ohwe kiapatc masinatew: “Kata kanawapamewok anihi ka ki pataskohwatcik.” Zacharie 12.10

Jean 7:42

Itemakan meka Kice Manito Omasinahikanik: ‘Anihi ka ki itespan Kice Manito kitci pe iciticohwatc ota askik kitci akwacimiweritci, Tapita kata otaniskotape omocomiw. Bethléem kata otciw, anihe otenacic Tapita ka ki otciritci.’”

Ka ki aitotiskeritci Cecoc otarotakana 7:9

Neta e taciritci Cakop okosa, mekwata e ockinikiwirispana, otcinawekerimewakopan ocimiwawa, Sosep e icinikasorispana. Ki tca atawewok. Ki iciwirakaniwiriw nete Égypte askik kitci otamirohakaniwiritci. Aric mocak Kice Manitowa witci tacikemikopan.

Rome iriniwok 1:29

Enko ohweriw kaskina matci kekociciriw e ici mockinerik otehiwak. Nama icikowisk ici mihewok owitc iriniwawa, micta matci totamok, wisakerimewok owitc iriniwawa e nataweritakik e ici tatamiritci, matcatikosiwok. Otcinawekerimitowok, manohowok, macikotatowok, wecimiwewok, mareritcikewok kaie itactahorehok.

Rome iriniwok 9:17

Kiapatc itasinatew Kice Manito Omasinahikanik ka ki itatc Pharaon, okimawa ka mitarikopanen Égypte askiriw: “Ki ki aritin kitci okimawiin mia kitci ki otci wapatahiweian nimackawisiwin, kitci ki tca tipatcimonaniwok niticinikasowin kaskina e irikokoskamikak.” Exode 9.16

1 Corinthe iriniwok 6:19

Nama ia ki kiskeritenawaw, kiwiawiwaw mia e iteritakok Miro Manito okitci aiamihe mikiwam, anahwe ka witci tacikemitakw kirika Kice Manito ka ki miritakw kitci tiperimitakw? Nama ki tiperimitisonawaw.

2 Corinthe iriniwok 6:16

Matci ia kata ki arakaniwiriwa omanitokaniwawa iriniwok aka ka kiskerimatcik Kice Manitowa neta Kice Manito okitci aiamihe mikiwamik? Mia meka mitowi Kice Manito ka pimatisitc okitci aiamihe mikiwam kit iteritakosinano neta ka ici taciketc. Wir meka tipirawe ki itew: “Ni ka witci tacikemawok iriniwok kaie ni ka pimotewan neta e ici taciketcik. ‘Nikice Manitominan’ ni ka iterimikok, kirika ‘nitirinimak’ ni ka iterimawok.” Lévitique 26.12; Ézékiel 37.27

Galatie iriniwok 3:8

Kicatc ki tipatcimonaniwon anihe neta Kice Manito Omasinahikanik, e ki itemakanik icikowisk kitci iterimatc anahweriw aka ka cota iriniwiritci Kice Manito, kecpin e asperimototakotc. Ekoni wetci kicatc ki tipatcimoctawakaniwitc Abraham aniheriw Mirwatcimowiniw, e ki itemakanik: “Kice Manito ki ka apatcihikw kitci cawerimatc kaskina iriniwa tan kotc wetoteritci.” Genèse 12.3

Tite 3:3

Kaie kirano meka weckatc nama ki ki otci waskamateritenano, nama ki ki otci natotenano, kirika ki ki paskewirikonano arotc kekocica. Ki ki pasoweritenano tepirak kitci matci totamokw kaie kitci mireritamihitisoikw. Tarasak ki ki tiperitakosinano matci pimatisiwinik. Ki ki matcitwanano kirika ki ki moctenamowanowok e ici tatakik iriniwok. Ki ki cikerimanowok iriniwok, kaie wirawaw ki ki cikerimikonowok.