Cak ka ki pe ici masinahiketc 4:4 - Kice Manito Ocki Omirwatcimowin

⁴ Nama wirawatc ki nosanetanawaw kitapwetamowiniwaw! Nama ia ni moci ki kiskeritenawaw, kecpin awik e micta kicteritak ota askik kekociciriw, nama okwimesimew Kice Manitowa. Anahwe ka kicteritak tepirak ota askik kitci mirerimakaniwitc, itotiskew aka kitci okwimesimatc Kice Manitowa.

Cak ka ki pe ici masinahiketc 4:4 Iomraidhean Croise

Matio 12:39

Ekoni e ici naskamowatc Cecoc, e itatc: “Iriniwok anotc ka matci iriniwitcik kirika aka ka nosanehwatcik Kice Manitowa ni nataweritamakok kitci mata kackitawak kitci kiskeritakik tapwe e atoskectawak Kice Manito. Nama aric kata mirakaniwiwok. Aci meka ickwa atisokowakaniwiwok weckatc ka ki iciwepasiritci anihi ka nikan tipatcimorispana, Jonas ka icinikasorispana. Ekoni tepirak ke ici kicawatcitamowakaniwitcik anotc iriniwok e mata kackitakaniwonik.

Matio 16:4

Iriniwok anotc, ka matci iriniwitcik kaie aka ka nosanehwatcik Kice Manitowa, nataweritamok kitci mata kackitawak kitci kiskeritakik tapwe e atoskectawak Kice Manito. Nama aric kata mirakaniwiwok, tepirak mitowiriw aniheriw Jonas ka ki ici mirakaniwitc.” Minawatc ki nakatew anihi iriniwa Cecoc, e matcatc.

Matio 6:24

“Nama awik kata ki atoskectawew tapickotc nicw okimawa. Peikw kata cikerimew, kotakihi tca kata sakihew. Kekotc peikw kata miro atoskectawew, kotakihi tca kata atimikapowictawew. Nama kaie tapickotc ki ka ki atoskectawawaw Kice Manito kirika tca mekwata coria e atoskectamekw.”

Luc Omasinahikan 19:27

Minawatc aniki ka cikerimitcik aka ka ki otci mireritakik kitci okimawiwak, pe iciwirakok ota. Ki ka tca nipahawawok ota, nin kitci ki wapataman!’”

Jean 15:19

Kecpin ki tiperitakosiekw ota askik, e ki nosanetaiekw matci meskanaw, ki ta sakihikowinawaw ota askik, osam e nosanetaiekw. Aric ki ki orapamitinawaw kaie ki ki otci wikotcihitinawaw matci meskanak ota askik. Nama tca aci ki tiperitakosinawaw ota. Ekoni wetci cikerimikoiekw ota askik.

Jean 17:14

Ni ki mirawok kititewiniw, kaie ki cikerimikowok iriniwa ka nosanetaritci matci meskanariw, osam aka e tiperitakositcik ota askik, mitowi nin aka e tiperitakosian.

Jean 7:7

Nama ki ka ki cikerimikowawok iriniwok ota askik ka nosanetatcik matci meskanariw, notc ka nosanetakaniwonik ota askik. Aric nin ni cikerimikok, osam e iteian aka e mirwacinik aniheriw ka aitotakik.

Rome iriniwok 5:10

Weckatc ki ki anwerimano Kice Manito. Anotc aric aci ki koski miroparihitonano kirika wir, e ki niporitci Okosa kirano otci. Anotc e koski miroparihitoikw, ekoni wetci ketcinaweritamokw kitci akwacimikoikw, osam e pimatisiritci Okosa.

Rome iriniwok 8:7

Aniki aspinikotc ka mamitoneritakik kitci mireritamihitisotcik anwerimewok Kice Manitowa. Nama pakiterimitisowok kitci nosanetawatcik otirakonikewiniw. Nama wawatc kackitawok kitci itotisketcik.

1 Corinthe iriniwok 1:20

Tan tca ke ki itetcik iriniwok ka iterimakaniwitcik “omiro omitoneritcikaniwok” ota askik, kaie aniki ka ki miro kiskinohamasotcik, acitc iriniwok ka mirotakositcik e aiarimwetcik? Aci meka Kice Manito ki wapatahiwew e pisinateritcikaterik aniheriw miro mitoneritcikaniw ka kicteritcikaterik ota askik.

1 Corinthe iriniwok 1:21

Wir Kice Manito tapwe e omiro omitoneritcikanitc, ki kiskeritam aka kitci kackitaritci iriniwa ota askik kitci kiskerimikotc wirawaw tipirawe omitoneritcikaniwaw kitci apatcitatcik. Ekoni wetci ki iteritak kitci akwacimatc anahweriw ka tapwerimikotc, kitci tca apatcitatc aniheriw tipatcimowiniw ka pa ici tipatatamak, iriniwok ota askik ka pisinateritakik.

Galatie iriniwok 1:10

Kit iteritenawaw ia, wetci iteian, osam e nataweritaman iriniwok kitci mirerimitcik? Nama nte icinakon. Anihe ka nataweritaman nin, Kice Manito tepirak kitci mirerimitc. Ni natowi toten ia iriniwok kitci mireritamihakik? Nama! Kecpin kiapatc ki kicteritaman kitci mireritamihakik, nama ni ta iteritakosin Cecoc otarotakana.

Cak ka ki pe ici masinahiketc 1:27

Enkweriw aric tapwe aiamihewiniw ka ici mirwinak Kice Manito: kitci nakatawerimokok awacak aka ka taritci onikihikowawa acitc cikawok e nakickakik arimisiwiniw, kirika kitci nanakatcihitisoikw aka kitci onipitikoikw ka maratak ota askik.