Cak ka ki pe ici masinahiketc 4:3 - Kice Manito Ocki Omirwatcimowin

³ Misawatc aric e nataweritamawekw kekociciriw, nama ki pe otitikonawaw. Nama meka mirwacin anihe wetci nataweritamekw, tepirak e wi mirwatcitahitisoekw, kaskina tca e wi onactamatisoekw kitci ki mireritamihitisoekw.

Cak ka ki pe ici masinahiketc 4:3 Iomraidhean Croise

Matio 20:22

Cecoc itew: “Nama ki kiskeritenawaw anihe ka ici nataweritamekw. Tarasak minikwakanik ni ka minikwan nekaterimowin. Kirawaw tca, ki ta kackitanawaw ia kitci otci minikweiekw nekaterimowin neta minikwakanik ke minikwewakeian?” Itewok: “Ehe, ni ka kackitanan.”

Mark 10:38

Itikowok Cecoca: “Nama ki kiskeritenawaw anihe ka ici nataweritamekw. Tarasak minikwakanik ni ka minikwan nekaterimowin, kirika tarasak ni ka sikahatason nekaterimowinik. Kirawaw tca, ki ta kackitanawaw ia kitci otci minikweiekw nekaterimowin neta minikwakanik ke minikwewakeian? Ki ta kackitanawaw ia kitci sikahatasoiekw neta nekaterimowinik, mitowi nin ke ici sikahatasoian?”

Luc Omasinahikan 11:10

Anahwe meka ka nataweritak kekociciriw, pe otitiko. Anahwe ka nantowapatak, miskam. Kata cenamowakaniwiw ickwatemiriw anahwe ka papawohak.”

Luc Omasinahikan 15:13

Kek nikotin e kicikarik anahwe ka mawotci awaciwitc atawew aniheriw ka ki ici mirakaniwitc. Ekoni e ici matcatc e matcewitatc ocoriam, warawik askik e icatc. Ekote nte ka taciketc, aci kaskina e iti tcakinak ocoriam, e tcakapawotatc, kaie e tcaki miriwetc pacikwatisiwinik.”

Luc Omasinahikan 15:30

Aci aric pe kiwew anahwe kikosis, anahwe ka ki tcakinamokwen kicoriamiriw kirika iskwewa pacikwatisiwinik ka ici pimoteritci. Wir otci ki ki nipahaw motcewotikocic ka ki wirinohakaniwitc kitci ki makocaniwonik!’”

Cak ka ki pe ici masinahiketc 4:1

Tante wetciparik anihe e matciparihitoekw kirika e kikamitoekw? Ekota wetciparik, kitehiwak, aspinikotc e kowetowi iteritamekw, e micta pasoweritamekw kitci itotiskeiekw ka maratak.

1 Jean 3:22

Ki pe otitikono kaskina ka ici nataweritamawokw, osam e nosanetawokw otirakonikewin kirika e itotiskewokw aniheriw e ici mireritak.

1 Jean 5:14

Aci ki ki sokeritenano e pakoserimokw Kice Manito. Ki natotakono meka kecpin e nataweritamawokw kekociciriw kotc e iteritak.