Cak ka ki pe ici masinahiketc 4:2 - Kice Manito Ocki Omirwatcimowin

² Ki nataweritenawaw kekocic, nama aric ki mirikowinawaw. Aci tca nta kekatc ki ta nipahawaw kiwitc iriniwaw anihe otci. Kekocic ki moctenenawaw, nama aric ki mirikowinawaw. Aci tca nta ki matce kikatonawaw kirika ki mikasonawaw. Nama aric takon anihe ka ici nataweritamekw, osam aka e kiskeritamekw kitci nataweritamawekw Kice Manito.

Cak ka ki pe ici masinahiketc 4:2 Iomraidhean Croise

Jean 16:24

Nama moci ki ki otci nataweritenawaw kekocic niticinikasowin otci. Nataweritamokw, ki ka mirikowinawaw. Kata tca micaw kimireritamowiniwaw.”

Jean 4:10

Ki itew Cecoc: “Kecpin ki kiskeritaman e ici miriwetc Kice Manito, kaie kecpin ki kiskerimatc awin anahwe ka nataweritamask nipiriw e wi minikwetc, ki ta nataweritamawaw nipiriw. Ki ta tca mirikw nipiriw ka pimatisihiwemakanik.”

Cak ka ki pe ici masinahiketc 1:5

Kecpin aric peikw neta e taciekw aka kiskeritake ke totak, miro mitoneritcikaniw kata nataweritamawew Kice Manitowa kitci kiskeritak. Kata tca miriko. Mictahi meka caweritcikew Kice Manito e micta mirotehetc, kaskina awiriw e wi miratc aniheriw ka ici nataweritamakotc.

Cak ka ki pe ici masinahiketc 5:6

Ki ki totenawaw kitci anwerimakaniwitcik kiwitc iriniwawok aka wiec ka ki otci ici patahakik, minawatc kitci nipahakaniwitcik. Nama wiec itotiskewok kitci nanakaskohotisotcik.

1 Jean 3:15

Kaskina awik ka cikerimatc owitcicana, manoho iriniw iteritakosiw. Nama meka ki takoniw kakike pimatisiwiniw otehik awik e manoho iriniwitc.