Cak ka ki pe ici masinahiketc 4:12 - Kice Manito Ocki Omirwatcimowin

¹² Aric wircike Kice Manito ka pakitinak irakonikewiniw acitc ke ki tipaskoniketc. Enko tepirak ke ki akwacimiwetc, peikon ke ki anwerimiwetc. Awin tca ni kir, e iterimitisoin kitci ki tipaskonatc kiwitc iriniw?

Cak ka ki pe ici masinahiketc 4:12 Iomraidhean Croise

Matio 10:28

Aka koctakw awik ke ki nipahitakw. Kackitaw meka kitci nipatatc owiawiriw iriniwa, nama aric ki nipahew otcitcakociriw. Kirawe ki ta koctawaw Kice Manito. Enko na ke ki iterimatc awiriw ke apitc niporitena owiawirik kaie otcitcakocirik itekera nete atamaskamikok.

Luc Omasinahikan 12:5

Ki ka wapatahitinawaw anahwe ke koctekw: enko na Kice Manito, anahwe ka takonik mackawisiwiniw kitci ki iciwepinitakw atamaskamikok ickwa nipoekwe. Tapwe, ki witamatinawaw, enko anahwe acterik kitci koctekw!”

Rome iriniwok 14:13

Ponitatan tca e tipaskonitoikw. Mantokasokw aka kekocic kitci totawekw kiwitcicaniwaw kitci pacwactecik, kaie aka kitci pakicik pactatowinik.

Rome iriniwok 14:4

Awin ia kir e iteritakosiin kitci ki tipaskonimatc kotak awik ka atoskectakotc? Misawatc e sokikapowitc e atoskectawatc kekotc misawatc pakicike, enkweriw okimama ka kanawapamikotc. Mocak meka kata sokikapowiw, osam Teperitcikeritci e kackitaritci kitci witcihikotc kitci sokikapowitc.

Rome iriniwok 2:1

Kecpin awik e iteritak kitci ki tipaskonatc iriniwa e ki matci totamiritci, acteriw kitci aiekwamisitc. Apitc meka e tipaskonatcik kiwitc iriniwok, kecpin tca peikon kaie kir ani e ici matci totaman, kit tipaskonitison.

Rome iriniwok 9:20

Aric ni ka itaw: Awin ni, kir tepirak ka iriniwiin, kitci ki itatc aniheriw Kice Manito? Orakan ka askiwonik, kata kokwetcimew ia aniheriw iriniw ka ki ocitakotc: “Kekwan wetci ki icihiin?” Nama!

Hébreux iriniwok 7:25

Ekoni wetci kackitatc otcitakotc kitci akwacimatc kaskina ka witcihatc kitci natcikapowictawaritci Kice Manitowa. Mocak meka pimatisiw, kaie tca e karotamowatc, e pakoserimatc Kice Manitowa kitci witciharitci.

Cak ka ki pe ici masinahiketc 5:9

Aka kakiterimitokw, niwitcicanak, aka tca kitci otci tipaskonitakw Kice Manito. Aci peconakosiw anahwe ke tipaskoniketc. Aci ickwa aikew kitci pe takocik!