Cak ka ki pe ici masinahiketc 4:11 - Kice Manito Ocki Omirwatcimowin

¹¹ Niwitcicanak, akawir marerimitokw. Anahwe ka marerimatc owitc iriniwa kekotc e wi tipaskonatc, ekoni aci e mareritamwatc otirakonikewiniw Kice Manitowa acitc tipaskonamwew. Kecpin anihe e totaman, aci nta ki miritison kitci tipaskonaman irakonikewin, aka nitowatc kitci nosanetain.

Cak ka ki pe ici masinahiketc 4:11 Iomraidhean Croise

Luc Omasinahikan 6:37

“Akawir awik tipaskonakw, nama tca kaie kirawaw ki ka tipaskonikowaw Kice Manito. Aka atamerimakok kiwitc iriniwawok, nama tca kaie kirawaw ki ka anwerimikowinawaw. Ponerimakok kotakihik iriniwok e ici matci totakik, kaie kirawaw ki ka kasihamakowinawaw ka ki ici patahamekw.

Rome iriniwok 2:1

Kecpin awik e iteritak kitci ki tipaskonatc iriniwa e ki matci totamiritci, acteriw kitci aiekwamisitc. Apitc meka e tipaskonatcik kiwitc iriniwok, kecpin tca peikon kaie kir ani e ici matci totaman, kit tipaskonitison.

Rome iriniwok 2:13

Nama meka awik icikowisk kata iterimiko Kice Manitowa tepirak e motci natotak aiamihe irakonikewiniw. Acteriw kitci itotisketc kotc e itacterik, patoc tca minawa icikowisk kata iterimiko Kice Manitowa.

Rome iriniwok 7:7

Tan ke iteikw? Aiamihe irakonikewin ia ni ka itotiskemakak kitci pactatinaniwok? Nama nte icinakon! E tapwataman irakonikewin, ekoni ka otci kiskeritaman kekwan ni pactatowin. Nama meka ni ta ki otci kiskeritetai e maratak kitci nataweritaman kekocic kotak awik e ici tatak, kecpin aka ki otci arimotcikatek neta irakonikewinik: “Nama ki ka pameritamwaw kekociciriw e ici tatak kiwitc iriniw.” Exode 20.17; Deutéronome 5.21

1 Corinthe iriniwok 4:5

Ekoni tca wetci actek aka kitci tipaskonekw kiwitc iriniwaw, epwamoci otcitciparik apitc ke iteritak Kice Manito kitci totcikaterik. Pehakw Teperitciketc kitci pe koski takocik. Kata wactenam kitci nokonik ka ki pe ici katakaniwonik e ici kiski tipiskarik. Kata pe nta nokotaw kaskina iriniwa ka ki pe ici nataweritamiritci kimotc otehirik. Ani apitc tato awik kata pe otitiko mirwatcimowiniw, kotc ka ki ici kackitamatisotc.

2 Corinthe iriniwok 12:20

Ni sekisin, minawatc takociniane neta ka ici tacikeiekw, aka kitci mirowinaman tan e itatisiekw, peikon kaie kirawaw aka kitci mirowinamekw wapamiekw kaie nin tan e itatisian. Ni kocten kitci kikatoekw, kitci otcinawekerimekw kiwitc iriniwaw, kitci kiciwasiekw, kitci papikanitoekw, kitci marerimitoekw, kitci pokonimitoekw, kitci sasekaiekw, acitc kitci arimihitoekw.

Éphèse iriniwok 4:31

Tekaci wepinamokw otameritamowin, cikeritamowin acitc kiciwasiwin. Nama actew kitci notakosinaniwok, aka kaie kitci marerimitonaniwok, tekaci aka kitci matcitwaniwok!

1 Timothée 3:11

Okomiwawa kaie mocak kata itatisiriwa kitci kicterimakaniwiritci, aka kitci pa nta arawotcimoritci kitci mareritcikeritci. Nama kaie orina kata minikweriwa acitc mocak kata ki asperimototawakaniwiriw wiec e iciwepanik.

2 Timothée 3:3

Nama kata sakihewok owitc iriniwawa kaie nama kata kitimakerimewok. Orina kata mareritcikewok. Kata akwatisiwok kirika kata mireritamok e nekatcihiwetcik. Kata matcitawok kirika kata cikeritamok ka mirwacinik e totcikaterik.

Tite 2:3

Peikon kaie ke ici witamawotcik iskwewok ka kiceatisitcik, ki ka itawok kitci ici pimatisitcik kotc e ici nataweritamiritci Kice Manitowa: aka kitci mareritciketcik; aka kitci minikwetcik; kitci tca kiskinohamaketcik ka mirwacinik;

Cak ka ki pe ici masinahiketc 1:16

Niwitcicanak e sakihitakok, ekwa kitci onipitikoekw ohwe:

Cak ka ki pe ici masinahiketc 1:19

Ohwe mamitoneritamokw, niwitcicanak e sakihitakok: tato neta e taciekw acteriw kitci miro natotak, aka tca tecikotc kitci arimwetc, aka kaie kitci otake kiciwasitc.

Cak ka ki pe ici masinahiketc 1:25

Aric anahwe mocak wewerita ka kanawapatak Kice Manitowa otirakonikewiniw, ka itotisketc ko tan e itemakanik, nama mireritam tepirak kitci natotak, tecikotc kitci oniketc, patoc kirika kata itotiskew ko e ici nataweritcikaterik. Mia meka itemakaniw aniheriw irakonikewiniw, e micta mackawisimakanik kitci ki otci wikotcihikoikw pactatowinik. Kata caweritakosiw anahwe iriniw, kaskina ke aitotisketc.

Cak ka ki pe ici masinahiketc 2:8

Wirata mia ki totenawaw kecpin e nosanetaiekw anihe irakonikewin Kice Manito Okimawinik e otciparik, kotc e itactek omasinahikanik: “Ki ka sakihaw kiwitc iriniw, mia mitowi e asitci sakihitisoin.” Lévitique 19.18

Cak ka ki pe ici masinahiketc 5:10

Niwitcicanak, ki mikawerimawawok ia aniki ka ki pe nta nikan tipatcimotcik, ka ki aiarimwetcik Teperitcikeritci oticinikasowinik otci? Enko aniki ke nosanehwekok, mocak e ki ciciperitakik, misawatc e nekatcitawaspan.

Cak ka ki pe ici masinahiketc 5:7

Niwitcicanak, ciciperitamokw, aka wipatc atweritcikekw, nac minawatc kitci pe takocik Teperitciketc. Mamitonerimakw kotc kitike iriniw. Ciciperitam, kinowec e pehotc kitci kicikinik okitikan. Kiskeritam meka kitci takociparinik kitci iti kimiwonik ke mekwa takwakinik kirika ke mekwa miroskaminik.

Cak ka ki pe ici masinahiketc 5:9

Aka kakiterimitokw, niwitcicanak, aka tca kitci otci tipaskonitakw Kice Manito. Aci peconakosiw anahwe ke tipaskoniketc. Aci ickwa aikew kitci pe takocik!

1 Pien 2:1

Wepakanamokw tca kaskina ka ici matcitwaniwok kipimatisiwiniwak. Nama ki ka kiraskinawaw. Nama kaie ki ka miro iriniwikasonawaw. Nama ki ka otcinawekerimawaw kiwitc iriniwaw. Nama kaie ki ka mareritcikanawaw.