Cak ka ki pe ici masinahiketc 3:6 - Kice Manito Ocki Omirwatcimowin

⁶ Ekoni mia peikon e icinakok otoninan kirika ickote. Mictahi kata ki maratan kiwiawinak e matci irapatcitakaniwok otoninan, ekoni aci kaskina kipimatisiwininak kitci iti maratak. Ekoni aci tekaci e iti otci niciwonatcitakaniwok pimatisiwin. Atamaskamikok otciparin anihe.

Cak ka ki pe ici masinahiketc 3:6 Iomraidhean Croise

Matio 12:24

Aric Pharisien iriniwok ka petawatcik, ki itewok: “Anahwe iriniw kackitaw kitci matceticohwatc matci manitowa, osam e ki mirikotc Béelzébula, anihi ka tiperimaritci kaskina matci manitowa, kitci ici kackitatc!”

Matio 5:22

Aric anotc nin ki witamatinawaw: kecpin awik wawatc tepirak kiciwasictowate owitcicana, kata kackitamatiso kitci tipaskonakaniwitc. Anahwe ka itatc owitcicana: ‘Ki kiwockwan!’ acteriw kitci tipaskonikotc anahweriw cota iriniwa ‘Ka Kitci Tipaskonikeritci’ ka icinikatakaniwiritci. Anahwe aric ka itatc owitcicana: ‘Tekaci nama wiec kit irapatisin!’ kackitamatiso kitci iciwepinakaniwitc matci ickotek, atamaskamikok ka takonik.”

Mark 7:15

Nama ometcickako iriniw otcitcakocik, e ki mitcik kekociciriw. Tepirak otehik ka orowiparinik, enkweriw ka otci iterimikotc Kice Manitowa ‘ometciw.’ [

Luc Omasinahikan 16:24

Aci nte ici tepwew: ‘Notawi Abraham, kitimakerimici! Pe iciticoho anahwe tca Lazare onoskotc otcitci kitci akotitatc nipik, kitci tca pe takapawotatc niteriniriw. Ni micta meka nekatcitan ota ickotek.’”

Ka ki aitotiskeritci Cecoc otarotakana 20:30

Wawatc kirawaw neta e taciekw, kata tawok atita iriniwok ke pe kiraskitcik kitci paskewiratcik kitci nosanehikotcik iriniwa ka tapwerimaritci Cecoca.

Ka ki aitotiskeritci Cecoc otarotakana 5:3

Aci Pien itew: “Ananias, kekwan wetci ki pakitinatc Matci Manito kitci cakotcihisk kitehik kitci kiraskimatc Miro Manito, e itein anihe coria ekoni irikik ka ki isparik ka atawein anihe kitaski.

Ka ki aitotiskeritci Cecoc otarotakana 6:13

Kaie ki pe iciwirewok iriniwa kiapatc kitci kiraskiritci kitci itactahorakaniwiritci anihi Étienna. Itewakopan: “Anahwe iriniw nama ponitaw arotc e itetc e arimotak aniheriw kitci aiamihe mikiwamiriw ka kitcitwaweritakonik kirika Moïse otaiamihe irakonikewiniw!

Tite 1:11

Acteriw kitci otcinehwakaniwitcik aka ni kitci ici kiskinohamaketcik, osam meka e matciparihatcik mitcet iriniwa kirika otcirowemakaniwa, e kiskinohamaketcik kekociciriw aka ka acterik kitci ici kiskinohamakaniwonik. Kirika aniheriw wetci totakik, tepirak kitci otci coriaketcik e matci totakik.

Cak ka ki pe ici masinahiketc 2:7

Enko aniki ni kaie ka mareritakik aniheriw ka mawotci mirwacinik icinikasowiniw ka ki mirikoiekw.

Cak ka ki pe ici masinahiketc 3:7

Iriniw kackitaw kitci tiperimatc kaskina kotakihi ka pimatisiritci, kaskina awesisa kirika pirecica acitc namesa, kaskina kotc e aicinakosiritci. Aci meka mekwata tiperimew.

2 Pien 3:3

Otcitakotc nictam ki ka kiskeritenawaw ohwe: kekatc ponaskiwoke, kata takociniwok iriniwok ke ici pimatisitcik wirawaw tipirawe e nataweritakik kitci otci pimatisitcik. Ki ka papirotakowawok,

3 Jean 1:10

Minawatc tca icaiane nete kotenamiwak, kaskina ni ka witamawan e ici matci totak, e kiraskitc anahwe e pokonimimitc. Nama tipi iteritam ani e ici totak, kiapatc kirawe matci totam: nama wawatc wi acamew, nama kaie wi nipehew mitcet kotakihi kiwitcicaninowa e pe takociniritci. Tawok kotakihik ka taciketcik kotenamiwak e wi pitakehatcik anahweriw mantewa e takociniritci. Aric otcinehokowok anihi Diotrèpha, kirika nama awocamec pakitinikowok kitci pe nta aiamihatcik.

Ka ki ici wapatahakaniwitc Jean 12:9

Ki orowepinakaniwiw anahwe micta atikocimakan. Enko na weckatc micta kinepikw ka icinikatakaniwitc Matci Manito, kekotc ma Satan, ka wecimatc kaskina iriniwa ota askik. Ki iciwepinakaniwiw neta askik, kirika otacerima kaie wirawaw e ki iti acotci wepinakaniwitcik.

Ka ki ici wapatahakaniwitc Jean 13:14

Tekaci onicimepan iriniwa ota askik, e wapatahaspan e ici mata kackitatc, e ki mirakaniwitc ani kitci ici kackitatc, mekwata e tacikerispana neta nictam matci awesisa. Ki wikosimew ota ka tacikeritci askik kitci ociharitci manitokana tepirak kitci kicterimakaniwiritci nictam anihi matci awesisa ka ki apinehwakaniwiritci, micta mokomaniw e ki totcikaterik, minawatc kiapatc e pimatisiritci.

Ka ki ici wapatahakaniwitc Jean 18:23

Nama aci awocamec kata waskorewa waskorenitamakana neta ka ici tacikeiekw. Nama awocamec kata petakosiwok ka ocki nipowitcik e pa pimotetcik neta e mireritakik. Atawe iriniwok neta ka coriakewaspan kirawe kicteritakosiwakopan patok kaskina iriniwa e irikokoskamikarik. Iriniwok neta ka tacikewaspan matci apatcitapanak omatawosiwiniwaw kitci wiecimiwetcik.

Ka ki ici wapatahakaniwitc Jean 19:20

Ki makonakaniwiw anahwe matci awesis, kaie wir anahwe arotc ka ki nikan tipatcimotc ka ki kiraskispan ki makonakaniwiw, ka ki matawi aitotakipan anihi matci awesisa otci. E ki matawi aitotakipan tekaci ki onirew iriniwa ka ki masinahokoritci anihi matci awesisa kaie ka ki kicterimawaspan anihi manitokana mia ka icinakosiritci. Anahwe matci awesis kirika anahwe iriniw ka ki kiraskitc ka nikan tipatcimotc ki iciwepinakaniwiwok ickotek kiapatc e pimatisitcik, e micta micarik, mia micta sakihikan e irikokwarik. Micta kiciteriw neta, micta kanokoroweriw e osawapiterik.