Cak ka ki pe ici masinahiketc 3:2 - Kice Manito Ocki Omirwatcimowin

² Kaskina e taciikw ki patahenano, kaskina wiec e icinakok e patahamokw. Kecpin e takwen awik aka wiskat arotc e ici arimwetc, mia itatisiw, e kackitatc tekaci kitci nanakahamasotc, kaskina e itikititc.

Cak ka ki pe ici masinahiketc 3:2 Iomraidhean Croise

Matio 12:34

Kirawaw ka micta matci iriniwiekw, mia tapickotc kinepikok ka itatisiekw! Nama ki ka ki miro arimwanawaw kecpin aka e miroteheiekw. Iriniw meka itew tan e ici takonik otehik.

Matio 12:37

Ekoni meka ke otci tipaskonikoin, kaskina ka ki aitein, kitci tca itikoin ‘nama anweritakosiw’ kekotc ‘anweritakosiw.’”

Rome iriniwok 3:10

Itemakan Kice Manito Omasinahikanik: “Nama taw iriniw icikowisk ka iterimikotc Kice Manitowa, nama wawatc peikociw.

Rome iriniwok 7:21

Enko ohwe mocak ka isparian: apitc e wi totaman ka mirwacik, ni toten mocak ka maratak.

1 Corinthe iriniwok 9:27

Mictahi ni otamirotan niwiaw, wewerita kitci miro tiperimitisoan. Kecpin aka itotiskeiane, nama ni ka pakitinikowin kitci mipataian, nama tca ni ka pe otitikon anihe caweritakosiwin, misawatc e ki wicamakik kotakihik iriniwok kaie wirawaw kitci mipatatcik.

Galatie iriniwok 3:22

Aric Kice Manito Omasinahikanik itemakan, kaskina awik tiperimiko pactatowiniw. Kitci ki tca otci kackihakaniwitcik iriniwok pactatowinik, enko ohweriw tepirak ke totakik: kata asperimototawewok Cecoc Krist. Enko aniki ke mirikotcik Kice Manitowa aniheriw ka ki ici nespi tapwerispana.

Galatie iriniwok 5:17

Tekaci meka pitoc icinakon e pimatisinaniwok kotc e ici nataweritcikatek owiawinanik itekera kirika Miro Manitok e ici nataweritak kitci ici pimatisinaniwonik. Tekaci pitoc icinakono e niciki. Nama tca ki ka ki totenawaw kotc e ici nataweritamekw.

Colosse iriniwok 1:28

Kaskina tca awik ni tipatcimoctawanan anihi Krist. Tato neta e tacitcik ni kakeskimanan kaie ni kiskinohamawanan, e apatcitaiak kaskina miro mitoneritcikan ka ki mirikoiak, kaskina e wi witcihakitcik, tato nta e tacitcik kitci mirokitc otcitcakocik itekera, kitci kiceatisitc, e mamweritakositc acitc Krist.

Colosse iriniwok 4:12

Épaphras, anahwe kaie wir e ki pe otcitc neta ka ici tacikeiekw, kit arimikakowaw. Kaie wir e atoskectawatc Cecoca, nama ponitaw e irikokotehetc e aiamihectamatakw, kitci sokikapowiekw, aka kekocic kitci notepariekw e asperimototawekw Kice Manito, kirika kaskina wiec kitci ickwa aikeiekw kitci totamekw kaskina e iteritak Kice Manito.

Hébreux iriniwok 13:21

Ni nataweritamawaw Kice Manito kitci miritakw kitci kackitaiekw kitci totamekw kaskina ka mirwacik wir e ici nataweritak. Nit aiamihan kaie kitci totak wir e ici nataweritak kitehinak, e miratc Ka Tiperimitokw Cecoc Krist kitci totamiritci, anihi ka iteritakosiritci nespitc kitci icperimakaniwitc! Kekora iki ki.

Cak ka ki pe ici masinahiketc 1:26

Kecpin awik e iteritak: “nit aiamihawatisin,” aka aric e kackitatc kitci nanakatcihitisotc aka arotc kitci ici arimwetc, wiecimitiso. Nama wiec irapataniw otaiamihewin.

Cak ka ki pe ici masinahiketc 1:4

Aric nanakatcihitisokw mocak kaketin kitci sokikapowiekw, mia kitci ki itatisiekw, aka kitci takok ka maratak kipimatisiwiniwak, acitc aka kitci notepariekw miro kekocic.

Cak ka ki pe ici masinahiketc 2:10

Misawatc meka awik e nosanetatc kekatc kaskina aniheriw irakonikewiniw, aric tepirak peikw aka e nosanetatc, ekoni aci peikon ke otci anwerimakaniwitc, mitowi kecpin kaskina ki patahak.

1 Pien 3:10

Masinatew meka: “Awik e wi mirerimotc, e nataweritak kitci mireritak e pimatisitc, kata ponitaw arotcikotc e aitetc kaie e kiraskitc.

1 Pien 5:10

Minawatc ickwa nekatcitaiekwe memacic, Kice Manito, anahwe ka otciparinik kaskina mirotehewiniw, ka ki wicamitakw kaie kirawaw nespitc kitci icperitakosiekw kirika wir, e mamweritakosiekw kirika Cecoc Krist, wir tipirawe ki ka mirikowaw kiapatc kitci miropariekw. Ki ka mackawisihikowaw. Ki ka mirikowaw kitci sokikapowiekw kaie kitci sokeritamekw.