Cak ka ki pe ici masinahiketc 3:1 - Kice Manito Ocki Omirwatcimowin

¹ Niwitcicanak, kirawe kata miroparinopan aka kitci mitcetiekw e wi kiskinohamakeiekw. Ki kiskeritenawaw ohwe, tipaskonikaniwoke, ninan ka kiskinohamakeiak kirawe kata ariman ke ici tipaskonikoiak patok kotakihik iriniwok.

Cak ka ki pe ici masinahiketc 3:1 Iomraidhean Croise

Matio 10:24

“Nama otci peikw ka kiskinohamasotc kirawe kicteritakosiw patok anihi ka kiskinohamakotc. Nama kaie otci peikw arotakan kirawe kicteritakosiw patok anihi ka tiperimikotc.

Matio 23:13

Cecoc itew kiapatc: “Ekwa kirawaw ka kiskinohamakeiekw aiamihe irakonikewin kirika Pharisien iriniwok! Nikotin ki ka nakickenawaw kitci arimipariekw! Ki miro iriniwikasonawaw! Ki kipahamowawok iriniwok ickwatemiriw Kice Manito Okimawinik. Kirawaw tipirawe nama ki pitakanawaw neta. Nama kaie ki pakitinawawok iriniwok ka nataweritakik kitci pitaketcik.” [

Matio 23:14

“Ki ka arimiparinawaw, kirawaw ka kiskinohamakeiekw aiamihe irakonikewin kirika Pharisien iriniwok! Ki miro iriniwikasonawaw! Ki kimotimawawok cikawok kaskina e ici tatakik, mekwata kinowec e aiamihaiekw, e wi kanawapamikosiekw kitci iterimikoekw ‘micta aiamihatisiwok.’ Ekoni ke otci kirawe tipaskonikoiekw!”]

Matio 9:11

Pharisien iriniwok ka wapatakik e isparinik, ki itewok Cecoca owitcewakaniriw: “Kekwariw wetci, witci mitcisomatc anahwe kikiskinohamake irinimiwaw anahweriw ka natockakeritci kaie tca anihi kotakihi iriniwa aka ka kicterimakaniwiritci?”

Luc Omasinahikan 16:2

Anahwe ka tiperitak wicamew otarotakana kitci pe natawapamikotc, e itatc: ‘Kekwan ni anihe ka ititakeian e itatcimikoin, e onactain nicoriam? Matca nta masinaha kaskina ka ki irapatcitain nicoriam. Nama meka aci ki ka ki atoskectawiin.’”

Luc Omasinahikan 6:37

“Akawir awik tipaskonakw, nama tca kaie kirawaw ki ka tipaskonikowaw Kice Manito. Aka atamerimakok kiwitc iriniwawok, nama tca kaie kirawaw ki ka anwerimikowinawaw. Ponerimakok kotakihik iriniwok e ici matci totakik, kaie kirawaw ki ka kasihamakowinawaw ka ki ici patahamekw.

Jean 3:10

Itiko Cecoca: “Kir ki kiskinohamake iriniwin e kicteritakosiin ota Israël askik. Nama ia ki kiskeriten anihe?

Ka ki aitotiskeritci Cecoc otarotakana 13:1

Aniki ka tapwerimatcik Cecoca neta Antioche otenak ka tacikewaspan tapanak neta atita ka tipatcimotcik Kice Manitowa otci kirika atita ka kiskinohamaketcik: Barnabas, Simion —arica icinikatakaniwipan anahwe Makate Iriniw—, Lucius —Cyrène otenak otcipan—, kaie kotak iriniw, Manaën ka icinikasotc, —enko anahwe tapickotc ka ki nitawikihakaniwitcik acitc anihi okimawa Hérode, Galilée askik e tiperitamirispana—, kirika Saul.

1 Corinthe iriniwok 12:28

Ekoni peikon e icinakonik iriniwok otci ka mawotcihitotcik kitci aiamihatcik e tapwerimatcik Cecoca, kotc ka ki ici orapamatc Kice Manito: nictam aniki Cecoc otarotakana ka iteritakositcik, minawatc aniki ka nikan tipatcimotcik Kice Manitowa otci, minawatc aniki ka kiskinohamaketcik. Minawatc tawok ka mirikotcik Kice Manitowa kitci mata kackitatcik. Kotakihik mirakaniwiwok kitci ki matci kikehatcik ka akosiritci, kotakihik kaie mirakaniwiwok caweritcikaniw kitci witcihatcik owitc iriniwawa, kotakihik kaie kitci nikaniwitcik. Kotakihik kiapatc mirakaniwiwok kitci arimwetcik kotakeriw arimwewiniw aka ka kiskeritakonik.

2 Corinthe iriniwok 5:10

Nikotin meka kaskina e taciikw nikanik ki ka icikapowictawanano Cecoc Krist kitci ki tipaskonitokw. Tato tca nta e taciikw kata pe otitiko ka ki ici kackitamatisotc, kitci tca kanawapatcikaterik ka totak e mirwacinik kekotc e maratanik, mekwata ota askik e pimatisiikw.

Éphèse iriniwok 4:11

Wir ka ki cawerimatc papeikw iriniwa ke ici kackitaritci. Atita ki mirakaniwiwok Cecoc otarotakana kitci irapatisitcik, kotakihik kitci pa tipatcimotcik Mirwatcimowiniw. Kotakihik kiapatc ki mirakaniwiwok kitci kikeskwetcik. Minawatc kotakihik ki iterimakaniwiwok kitci nikaniwitcik kekotc kitci kiskinohamaketcik Kice Manitowa otarimwewiniw.

1 Timothée 1:7

Kakotcitawok kitci kiskinohamaketcik Kice Manitowa otirakonikewiniw. Nama aric tapwe nisitotamok tan e itetcik. Nama kaie kiskeritamok aniheriw ka arimotakik e sokitakositcik.

1 Timothée 2:7

Ekoni wetci ki orapamikoian kitci tipatcimowak otitewin kaie otarotakana kitci iteritakosiwak. Ni ki mirikowin kitci kiskinohamawimaki iriniwa aka ka cota iriniwiritci aniheriw kiskinohamakewiniw ka tapwemakanik, kitci ki tapwerimatcik Cecoca. Nama ni kiraskin. Anihe ka iteian.

2 Timothée 1:11

Kice Manito ni ki orapamikw kitci tipatcimowak aniheriw Omirwatcimowin, otarotakana e iteritakosiwak kaie e kiskinohamake iriniwiwak.

Hébreux iriniwok 13:17

Natotawakok ka nikaniwitcik. Pakiterimitisokw kitci itotiskekw e itetcik kitci totamekw. Mocak meka ki nanakatcihikowaw, e kiskeritakik nikotin kitci acterik kitci witamawatcik Kice Manitowa kaskina ka ki totakik e mihitakok. Kecpin natotawekwe, kata mireritamok e ki ici mirakaniwitcik kitci itotisketcik. Kecpin aric aka natotawekwe, kata nisitowinakosiwok e cikateritakik, peikon kaie kirawaw tekaci nama ki ka witcihikonawaw.

Cak ka ki pe ici masinahiketc 1:16

Niwitcicanak e sakihitakok, ekwa kitci onipitikoekw ohwe:

Cak ka ki pe ici masinahiketc 1:19

Ohwe mamitoneritamokw, niwitcicanak e sakihitakok: tato neta e taciekw acteriw kitci miro natotak, aka tca tecikotc kitci arimwetc, aka kaie kitci otake kiciwasitc.

Cak ka ki pe ici masinahiketc 3:10

Ekota peikon e otciparik e mirwatcimiwaniwok acitc e mareritcikaniwok. Niwitcicanak, nama actew ani kitci icinakok.

1 Pien 5:3

Aka wi tipomakok aniki ka ki mirikoiekw kitci nanakatcihekok. Mocak icikowisk itatisikw kitci ki tca keskinowapamikoiekw.