Cak ka ki pe ici masinahiketc 2:9 - Kice Manito Ocki Omirwatcimowin

⁹ Kecpin aric papitoc e ici kicterimitoekw, aci nta ki pactatinawaw. Aci kit anwerimikonawaw irakonikewin, osam aka e sapitamekw.

Cak ka ki pe ici masinahiketc 2:9 Iomraidhean Croise

Jean 16:8

Takocike kata wapatahew ota askik iriniwa e ki onipariritci pactatowinik itekera, nte kaie icikowisk totakewinik, kaie tca nte Kice Manito otipaskonikewinik itekera.

Jean 8:46

Awin neta e taciekw ke ki wapatahiwetc e ki pactatiwak? Kecpin e witaman tapwewin, kekwan wetci aka tapwetowiekw?

Jean 8:9

Ka ickwa petakik aniheriw ka ki iteritci Cecoca, papeikw ki matcawok. Wirctamiwaw kice iriniwok ki matcawok, minawatc kotakihik. Nac wircike tacikew Cecoc, kirika anihi iskwewa kiapatc e witcikapowictakotc.

Ka ki aitotiskeritci Cecoc otarotakana 10:34

Aci Pien aiarimwew, e itetc: “Aci ni miro nisitoten ohwe e tapwemakak: Kice Manito nama kirawe kicterimew atita iriniwa patok kotakihi.

Rome iriniwok 3:20

Nama meka awik wir tipirawe kackitaw icikowisk kitci iterimikotc Kice Manitowa osam e ki nosanetatc kaskina aiamihe irakonikewiniw. Anihe irakonikewin tepirak ki witcihikonano kitci kiskeritamokw e pactati iriniwiikw.

1 Corinthe iriniwok 14:24

Kecpin aric kaskina e taciekw iti tipatatamekwe tipatcimowin Kice Manito ka ki miritakw, arimwewiniw e apatcitaiekw kitci nisitotakoiekw, e pe tca pitaketc iriniw aka ka tapwerimatc Cecoca kekotc ma aka ka kiskeritakik ka isparinik, kata otci kiskeritam e ki pactatitc. Kata cakotciteheckako aniheriw ka ki ici petak.

Galatie iriniwok 2:19

Aric irakonikewinik itekera, tarasak aci ni ki nipon, kirika enko anihe peikon irakonikewin ka ki itotiskemakak kitci nipoian, kitci ki tca pimatisian kitci atoskectawak Kice Manito. Apitc ka nipotc Krist tcipaiatikok, kaie nin ni ki nipahikowin.

1 Jean 3:4

Kaskina awik ka pactatitc atimikapowictam Kice Manitowa otirakonikewiniw. Ekoni meka e icinakok pactatowin: aka e nosanetakaniwonik aniheriw otirakonikewiniw.

Jude 1:15

Kata pe icaw kitci pe nta tipaskonatc kaskina iriniwa. Kata anwerimew kaskina nta e taciritci ka pactati iriniwiritci, kaskina ohweriw otci, ka ki ici matci totakik e ki anwetowatcik Kice Manitowa, kaie ka ki ici pactamotcik e marerimatcik tekaci aka e kicterimatcik.”