Cak ka ki pe ici masinahiketc 2:8 - Kice Manito Ocki Omirwatcimowin

⁸ Wirata mia ki totenawaw kecpin e nosanetaiekw anihe irakonikewin Kice Manito Okimawinik e otciparik, kotc e itactek omasinahikanik: “Ki ka sakihaw kiwitc iriniw, mia mitowi e asitci sakihitisoin.” Lévitique 19.18

Cak ka ki pe ici masinahiketc 2:8 Iomraidhean Croise

Matio 22:39

Minawatc tca, enko ohwe kotak irakonikewin ka micta kicteritakok: ‘Ki ka sakihaw kiwitc iriniw mia mitowi e asitci sakihitisoin.’ Lévitique 19.18

Matio 25:21

Okimama itiko: ‘Mirwatikwatc e miro arotakaniin, mocak ke ki asperimototakoin. Ki ki pe miro irapatcitan anahwe memantcic ka ki awihitan. Nipara aci ki ka acotamatin, kirawe ka akitakok. Ekoci pe nta orapi kitci mirwatikotaikw.’”

Matio 25:23

“Okimama itiko: ‘Mirwatikwatc e miro arotakaniin, mocak ke ki asperimototakoin. Ki ki pe miro irapatcitan anahwe memantcic ka ki awihitan. Nipara tca aci ki ka acotamatin, kirawe ka akitakok. Ekoci pe nta orapi kitci mirwatikotaikw.’”

Matio 7:12

“Miro totawakok kiwitc iriniwawok, tapickotc e ici nataweritamekw kitci miro totakoiekw. Ekoni meka mia e ici kiskinohamakaniwonik otirakonikewiniwaw Moïse kaie ka ki pe nikan tipatcimotcik.”

Rome iriniwok 13:10

Kecpin awik e sakihatc owitc iriniwa, nama matci totawew. E tca sakihiwetc, wapatahiwew tekaci e nosanetatc aiamihe irakonikewin.

Galatie iriniwok 5:14

Enko meka ohwe wa itemakaki kaskina aiamihe irakonikewina, e peikocik ka itikoikw kitci totamokw: “Ki ka sakihaw kiwitc iriniw mia mitowi e asitci sakihitisoin.” Lévitique 19.18

Galatie iriniwok 6:2

Wawitcihitokw e miwotaikw ka kosikok. Ekoni tca ke ici sapitamekw Krist otirakonikewin.

Pirip iriniwok 4:14

Mia aric ki ki totenawaw e ki witcihiekw ka arimipirian.

1 Thessalonique irinowok 4:9

Nama soka actew kitci masinahamakoiekw kitci kiskeritamekw ke totakik iriniwok ka nosanehwatcik Cecoca kitci sakihitotcik. Tapwe wirata aci ki ki kiskeritamihikowaw aniheriw Kice Manito.

Cak ka ki pe ici masinahiketc 1:25

Aric anahwe mocak wewerita ka kanawapatak Kice Manitowa otirakonikewiniw, ka itotisketc ko tan e itemakanik, nama mireritam tepirak kitci natotak, tecikotc kitci oniketc, patoc kirika kata itotiskew ko e ici nataweritcikaterik. Mia meka itemakaniw aniheriw irakonikewiniw, e micta mackawisimakanik kitci ki otci wikotcihikoikw pactatowinik. Kata caweritakosiw anahwe iriniw, kaskina ke aitotisketc.

Cak ka ki pe ici masinahiketc 2:12

Nanakatcihitisokw, kaskina ke pe aiteiekw kirika kaskina ke pe aitotamekw, osam e kiskeritamekw kitci tipaskonikoekw anihe irakonikewin, anihe kaie ke ki akwacimikoekw.

Cak ka ki pe ici masinahiketc 2:19

Ki tapweten ia e peikocitc Kice Manito? “Ehe” e itein, mia kit itwan. Wawatc matci manitowok kaie wirawaw tapwetamok. Kokwarisikerimewok kaie.

Cak ka ki pe ici masinahiketc 4:11

Niwitcicanak, akawir marerimitokw. Anahwe ka marerimatc owitc iriniwa kekotc e wi tipaskonatc, ekoni aci e mareritamwatc otirakonikewiniw Kice Manitowa acitc tipaskonamwew. Kecpin anihe e totaman, aci nta ki miritison kitci tipaskonaman irakonikewin, aka nitowatc kitci nosanetain.

1 Pien 2:9

Aric kirawaw ki ki orapamikowaw Kice Manito kitci otirinimitc. Kit atoskectawawaw e okimawitc, mia omakatekorema e irapatisiekw. Ki kitcitwaweritakosinawaw, mamowi e tiperimitakw, wir tipirawe otirinima e iteritakosiekw. Ki ki wicamikowaw kitci nakatamekw neta e ici kiski tipiskak, kitci pe natawapamekw e ici micta miro wasearik, kitci ki tca pa tipatatamekw kaskina e micta mirwacinik kekociciriw ka aitotisketc.