Cak ka ki pe ici masinahiketc 2:5 - Kice Manito Ocki Omirwatcimowin

⁵ Natotacikw, niwitcicanak e sakihitakok. Aniki ka kitimakisitcik ota askik ki orapamikowok Kice Manitowa kitci micikitatcik otcitcakociwak itekera, e asperimototawatcik, kirika kitci pe otitikotcik okimawiniw ka ki nespi tapwetc kitci miratc kaskina ka sakihikotc.

Cak ka ki pe ici masinahiketc 2:5 Iomraidhean Croise

Matio 11:5

Iriniwok aka ka wapiwaspan aci wapiwok, ka maskisiwaspan aci pimotewok, ka micta omikiwapinewaspan ki kikehakaniwiwok, ka kipitewaspan aci petamok, ka ki nipowaspan ki apitcipahakaniwiwok, minawatc ka kitimakisitcik witamawakaniwiwok Mirwatcimowiniw.

Matio 25:34

Minawatc anahwe okimaw kata itew anahweriw onihiwinik ka icikapowiritci: ‘Petcimotekw, kirawaw ka cawerimitakw Notawi. Pe nta otapinamokw ohwe Okimawin ka wi mirikoiekw, aci weckatc ka ki nisawitakaniwok kirawaw otci, esko ka kiceritcikatek aski.

Matio 5:3

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Mark 7:14

Minawatc Cecoc ki wicamew iriniwa ka ici mitcetiritci kitci pe natawapamikotc, e tca itatc: “Kaskina natotacikw ohwe ke iteian, kitci miro nisitotamekw:

Luc Omasinahikan 12:21

Aci minawatc itew Cecoc: “Ekoni e iciwepasitc awik ka mawotcitatc kitci ki micikitatc, wir tepirak e mamitonerimitisotc, aka aric e micikitatc Kice Manitowa e iterimikotc.”

Luc Omasinahikan 12:32

“Aka sekisikw, nimaritcenicimak! Mireritam meka Kotawiwaw kitci miritakw Okimawin kitci tiperimitakw.

Luc Omasinahikan 16:22

“Kek anahwe iriniw ka kitimakisitc ki nipo. Aceriwa ki iciwiriko neta pecotcik Abrahama e ici tacikeritci. Kaie wir anahwe iriniw ka micikitatc ki nipo, kirika ki rikwaskatakaniwiw.

Luc Omasinahikan 16:25

“Aric itew Abraham: ‘Nosim, mikawi ma kir nipara e ki mirikoin kekocica mekwata ka pimatisiipan. Lazare tca wir kaskina wiec ici arimiparipan. Aric ota kakitcihakaniwiw, meckotc tca kir ki nekatcitan.

Luc Omasinahikan 22:29

Kit acotcictamatinawaw Okimawin, mia Notawi kaie nin ka ki ici acotcictamowitc.

Luc Omasinahikan 6:20

Cecoc ki kanawapamew owitcewakana, e itatc: “Ki caweritakosinawaw, kirawaw ka kitimakisiekw. Kice Manito Okimawin kit ici tatenawaw!

Jean 7:48

Taw ia peikw ota e tacitcik cota okimawok kekotc ma peikw Pharisien iriniw ka ki tapwerimatc Cecoca?

Ka ki aitotiskeritci Cecoc otarotakana 7:2

Ekoni e ici naskamotc Étienne, e aitetc: “Niwitcicanak kirika otawiwok, natotacikw. Weckatc Kice Manito e icperitakositc ki totam kitci wapamikotc kitaniskotape kimocominowa Abraham, mekwata e tacikerispana Mésopotamie askik itekera, epwamoci nta tacikerispana nete Haran otenak.

Rome iriniwok 8:17

Ki kiskeritenano tca, Kice Manito onitcanica e iteritakosiikw, kaie kirano kitci ki otitikoikw kaskina aniheriw ka ki itetc kitci miratc onitcanica. Kaskina tapickotc ki ka pe otitikonano kirika Krist. Kecpin meka tapickotc nekatcitaikwe kirika Cecoc, tapickotc kaie ki ka witci tacikemano oticperitakosiwinik.

1 Corinthe iriniwok 2:9

Aric tapwe ki pe isparin, kotc e itasinaterik Kice Manito Omasinahikanik: “Aniheriw aka wiskat ka ki otci wapatak awik aka wiskat ka ki otci petak, aka kaie wiskat ka ki otci iteritak kitci pe iciwepanik, enkweriw mia Kice Manito ka ki ici nisawitatc anahweriw iriniwa otci ka sakihikotc.” Ésaïe 64.3(4); 52.15

2 Corinthe iriniwok 4:15

Kaskina anihe ka pe iciwepasiak, wetci isparik, kirawaw kitci witcihikoiekw. Eckam tca kata iti mitcetiwok ke kiskeritakik Kice Manitowa omirotehewiniw, mikwetc kitci itatcik e mirwatcimatcik kaie e icperimatcik.

2 Corinthe iriniwok 6:10

Ni kackeritamihikowinan, aric peikon mocak ni mirerimonan. Nit iterimikowinan “kitimakisiwok,” aric ni witcihananak mitcet iriniwok kitci micikitatcik otcitcakociwak itekera. Nit iterimikowinan “nama kekociciriw ici tatamok,” aka e kiskeritakik kaskina miro kekwan e ici tatamak.

2 Corinthe iriniwok 8:9

Ki kiskeritamwanawaw meka anahwe Ka Tiperimitokw Cecoc Krist omirotehewin: wir ka micikitaspan ki pakiterimitiso kitci kitimakisitc kirawaw otci, kitci ki tca micikitaiekw kitehiwak, osam wir e ki kitimakisitc.

Éphèse iriniwok 1:18

Ni pakoserimon kitci wactenamatakw Kice Manito kitci ki nisitotamekw aniheriw asperimowiniw ka ki miritakw ka wicamitakw otirinima kitci iteritakosiekw, acitc e apitc micta micarik kaie e icperitakonik aniheriw ka ici kanaweritak otirinima otci,

Éphèse iriniwok 3:8

E tacitcik ka tapwerimatcik Kice Manitowa, nin mawotci nama ni kicteritakosin. Aric peikon Kice Manito ni ki pe acotamakw aniheriw otamirowiniw e micta kicteritakonik, kitci nta tipatcimoctawakik aka ka cota iriniwitcik Cecoca omirwasiwiniw aka wiskat ke ickwaparinik.

1 Thessalonique irinowok 2:12

Ki ki sosokimitinawaw kirika ki ki kakisomitinawaw, kaie mocak e ki witamatak kitci totamekw kotc e ici nataweritak Kice Manito, wir ka wicamitakw kitci pitakeiekw Okimawinik kirika oticperitakosiwinik.

2 Thessalonique iriniwok 1:5

Ekoni ka otci kiskeritakok tapwe icikowisk e icinakonik otipaskonikewin Kice Manito. Ki ka tca naheritakosinawaw kitci pitakeiekw Okimawinik, anihe wetci nekatcitaiekw.

1 Timothée 6:18

Witamawik kitci miro totakik, kitci mitcenik omiro totamowiniwaw, kitci mirotehetcik, kaie mocak kitci cawerimatcik owitc iriniwawa e ici notepariritci.

2 Timothée 4:18

Tapwe Teperitciketc ni ka wikotcihikw tatwaw ke nakickaman ka maratak. Nikotin e kicikak ni ka pitakahikw Okimawinik wakwek aci e miro pimatisian. Kakike kitci icperimakaniwitc! Kekora ki iki.

2 Timothée 4:8

Aci otcitciparin kitci mirikoian anihe ka ki ici kackitamatisoian icikowisk aci e iterimikoian. Teperitciketc, mocak wewerita e tipaskoniketc, ni ka mirikw, takociparinike aniheriw ke kicikarik kitci tipaskonikaniwonik. Nama tepirak nin ni ka mirikw, aric peikon kaskina kotakihi ka sakihikotc, ka micta pehikotc kitci pe koski takocik.

Hébreux iriniwok 11:26

Kirawe kicteritamokopan kitci nekatcihakaniwitc, mia wir tipirawe anihi iriniwa ke ici nekatcihakaniwiritci Kice Manito nikotin ke iciticohwaspan kitci akwacimiweritci, patok kitci pe otitikotc kaskina micikitawiniw Égypte askik e takonik. Mocak meka kanawapatamokopan nikanik ke ici mirikospan Kice Manitowa.

Cak ka ki pe ici masinahiketc 1:12

Caweritakosiw anahwe ka sokikapowitc mekwata e nakickak arimisiwiniw. Ickwa meka wapatahiwete e sokikapowitc, kata pe otitiko aniheriw ka ki kackitamatisotc. Kakike pimatisiwiniw kata cawerimakaniwiw, kotc ka ki itetc Kice Manito kitci ici miratc anihi ka sakihikotc.

Cak ka ki pe ici masinahiketc 1:16

Niwitcicanak e sakihitakok, ekwa kitci onipitikoekw ohwe:

Cak ka ki pe ici masinahiketc 1:19

Ohwe mamitoneritamokw, niwitcicanak e sakihitakok: tato neta e taciekw acteriw kitci miro natotak, aka tca tecikotc kitci arimwetc, aka kaie kitci otake kiciwasitc.

Cak ka ki pe ici masinahiketc 1:9

Kata micta mireritam kiwitcicanino ka kitimakisitc, e kicterimikotc Kice Manitowa.

1 Pien 1:4

e petaiekw nikotin kitci pe otitikoikw aniheriw ka ici kanaweritak Kice Manito kaskina otirinima otci. Nama meka ki pikotakaniwon anihe ke ici mirikoikw, nama ki ometciwotakaniwon, nama kaie wiskat kata ickwaparin. Kanaweritam aniheriw Kice Manito wakwek, kirawaw otci,

2 Pien 1:11

Ekoni kaie ke otci mireritcikatek kitci mirikoiekw kitci pitakeiekw Okimawinik aka wiskat ke ickwaparinik, aniheriw Okimawin anahwe Ka Tiperimitokw Cecoc Krist, anahwe Ka Ki Akwacimitokw.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 21:7

Ekoni ke ici cawerimak kaskina awik ke sokikapowitc, ni ka miraw kaskina aniheriw. Nin ke Okice Manitomitc, kaie ‘ninitcanic’ ni ka iterimaw.

Ka ki ici wapatahakaniwitc Jean 3:18

Ekoni wetci wikosimitakok kitci pe natawapamiekw kaie kitci otapinamekw osawo coria ka mawotci mirwacik. Ekoni patoc ke totamekw tapwe kitci micikitaiekw. Pe natawapamicikw kitci pe nta otapinamekw wikasi e wapekik kitci icihoekw. Nama tca ki ka otci wanakatcinawaw, aka e owikasimiekw. Pe natawapamicikw kaie kitci natcipataiekw mackiki kitci actaiekw kickicikowak kitci ki wapiekw.