Cak ka ki pe ici masinahiketc 2:4 - Kice Manito Ocki Omirwatcimowin

⁴ Kecpin ni isparike, ekoni aci papitoc e ici kicterimitoekw. Nama mia kit totenawaw, arotc e ici pokonamakeiekw.

Cak ka ki pe ici masinahiketc 2:4 Iomraidhean Croise

Luc Omasinahikan 18:6

Aci kiapatc itew Teperitciketc: “Natotamokw aniheriw ka ki itetc anahwe tipaskonike iriniw aka icikowisk ka itatisispan.

Jean 7:24

Ponitakw e tipaskonikeiekw, tepirak e kanawapatamekw oskitc e icinakok. Icikowisk tipaskonikekw.”

Cak ka ki pe ici masinahiketc 3:17

Pitoc aric icinakon anihe miro mitoneritcikan icpimik ka otciparik. Nictam, mictahi mirwacin, nama takon ka maratak neta. Minawatc kaskina wiec wi totcikatew kitci ki miroparihitonaniwok. Pekatisinaniwon, nama mackoctikwaninaniwon, micta mirotehaniwon, acitc mocak ka mirwacik totcikatew. Nama kirawe miro mihakaniwiwok atita iriniwok patok kotakihik, nama kaie miro iriniwikasonaniwon.

Cak ka ki pe ici masinahiketc 4:11

Niwitcicanak, akawir marerimitokw. Anahwe ka marerimatc owitc iriniwa kekotc e wi tipaskonatc, ekoni aci e mareritamwatc otirakonikewiniw Kice Manitowa acitc tipaskonamwew. Kecpin anihe e totaman, aci nta ki miritison kitci tipaskonaman irakonikewin, aka nitowatc kitci nosanetain.