Cak ka ki pe ici masinahiketc 2:3 - Kice Manito Ocki Omirwatcimowin

³ Anaha kirawe ki kicterimawaw ka mirohotc, e itekw: “Ota api ka ici kicteritakok.” Anaha tca ka kitimakisitc kit itawaw: “Ekota neta nanipowi,” kekotc ma e itekw: “Motcik nta api, ite ka icisitecineian.”

Cak ka ki pe ici masinahiketc 2:3 Iomraidhean Croise

Luc Omasinahikan 23:11

Minawatc Hérode kirika ocimakanicima ki pokonemewok Cecoca, e papirotowatcik. Ki pictokopehewok akopiriw e micta mirwekinik. Ekotca Hérode e ici koski iciticohwatc Cecoca, nete Pilate e ici tacikeritci.

2 Corinthe iriniwok 8:9

Ki kiskeritamwanawaw meka anahwe Ka Tiperimitokw Cecoc Krist omirotehewin: wir ka micikitaspan ki pakiterimitiso kitci kitimakisitc kirawaw otci, kitci ki tca micikitaiekw kitehiwak, osam wir e ki kitimakisitc.

Cak ka ki pe ici masinahiketc 2:2

Mitowi ohwe, kecpin e pe pitaketc iriniw ka micikitatc neta e ici mawotcihitoekw, e micta mirohotc, otapitcitcepisona e misakitakosiritci e apatcihatc. Minawatc kaie kotak iriniw ka kitimakisitc e pe pitaketc, e kitimakihotc, e ketearik owikasim.

Cak ka ki pe ici masinahiketc 2:6

Aric kirawaw ki marerimawok ka kitimakisitcik! Ka micikitatcik, enko aniki ka arimihitakok, taina, kaie ka iciwiritakok nete arimitakosiwikamikok!

Jude 1:16

Nama wiskat tipi iteritamok aniki iriniwok, mocak kaie kakitisiwok. Nosanetawok matci pimatisiwiniw, wirawaw tipirawe e ici nataweritakik. Mictahi kaie mamirwatcimitisowok. Mirwatcimewok owitc iriniwawa, tepirak kitci koski mirakaniwitcik ka ici nataweritakik.