Cak ka ki pe ici masinahiketc 2:1 - Kice Manito Ocki Omirwatcimowin

¹ Niwitcicanak, kirawaw ka asperimototawekw Teperitciketc Cecoc Krist e icperitakositc, nama actew atita iriniwok kirawe kitci kicterimekok patok kotakihik.

Cak ka ki pe ici masinahiketc 2:1 Iomraidhean Croise

Matio 22:16

Ki tca iciticohwewakopan atita otirinimiwawa kirika atita ka atoskectawatcik okimawa Hérode kitci nta kokwetcimaritci Cecoca, kitci itaritci: “Kiskinohamake iriniw, ni kiskeritenan tapwe mia e itein, kaie mia e ici kiskinohamakein kitci itatisinaniwok e ici nataweritak Kice Manito, tapwewin e arimotaman. Nama otci peikw awik ki koctaw tan kotc e iterimiskik, aka wiskat e pameritaman e apitc kicterimakaniwakwen iriniwok ota askik.

Ka ki aitotiskeritci Cecoc otarotakana 10:34

Aci Pien aiarimwew, e itetc: “Aci ni miro nisitoten ohwe e tapwemakak: Kice Manito nama kirawe kicterimew atita iriniwa patok kotakihi.

Ka ki aitotiskeritci Cecoc otarotakana 20:21

Ni ki wicamawok cota iriniwok kaie aniki aka ka cota iriniwitcik kitci kweskatisitcik kitci nosanehwatcik Kice Manitowa, kirika kitci tapwerimatcik anihi Ka Tiperimitokw Cecoca.

Ka ki aitotiskeritci Cecoc otarotakana 24:24

Ani apitc wiskata kice okimaw Félix ki pe icaw kirika owiwa, Drusille ka icinikasoritci. Anahwe iskwew cota iskwewikopan. Félix ki iciticahwew kitci natcipahakaniwiritci Pwara, e wi natotawatc e iteritci e arimotamiritci e asperimototawakaniwiritci Cecoca.

Ka ki aitotiskeritci Cecoc otarotakana 7:2

Ekoni e ici naskamotc Étienne, e aitetc: “Niwitcicanak kirika otawiwok, natotacikw. Weckatc Kice Manito e icperitakositc ki totam kitci wapamikotc kitaniskotape kimocominowa Abraham, mekwata e tacikerispana Mésopotamie askik itekera, epwamoci nta tacikerispana nete Haran otenak.

Rome iriniwok 1:11

Mocak meka ki wi pe natawapamitinawaw, e wi miritakok kaie kirawaw aniheriw ka ki miritc Miro Manito, kirawe kitci ki sokikapowiekw.

1 Corinthe iriniwok 2:8

Nama otci peikw neta e tacitcik okimawok ota askik ki otci kiskeritamok aniheriw miro mitoneritcikaniw. Kecpin ki kiskeritakik, nama kata ki otci tcictaskowatepanak tcipaiatikok ka Tiperitcikeritci ka icperitakosiritci.

Colosse iriniwok 1:4

Ni ki petakanan meka e asitci asperimototawekw Cecoc Krist, kaie e sakihimekw kaskina Kice Manito otirinima.

1 Timothée 1:19

Kanawerita kitapwetamowin kaie kanawerimitiso, mocak kitci kiskeritaman kitehik e ki miro totaman. Atita meka iriniwok nama ki otci wi natotamok tan e itikotcik otehiwaw, misawatc otehiwak e kiskeritakwapan ka mirwacinik kaie aka ka mirwacinik. Ki tca otci pakiteritamok otapwetamowiniwaw.

1 Timothée 5:21

Ki nataweritamatin wewerita, Kice Manito kaie Cecoc Krist otci, kaie aceriwok e kitcitwawisitcik, kitci natotaman kaskina ka ititan kitci itotiskein ota nimasinahikanik, aka tepirak atita kirawe kitci kicterimatcik patok kotakihik, kaie aka tepirak atita kirawe kitci miro mihatcik.

Tite 1:1

Nin Pwar ka masinahikeian. Kice Manito nit atoskectawaw, kirika Cecoc Krist otarotakana nit iteritakosin. Kice Manito ni ki mirikw kitci witcihimaki anahweriw ka ki orapamatc kitci asperimototakotc, kirika kitci kiskinohamawimaki tapwewiniw, ke otci kiskeritamiritci wewerita kitci nosanehikotc.

Tite 2:13

Ekoni ke itatisiikw mekwata e petaikw anihe e kicikak ke mireritamokw, minawatc pe takocike Cecoc Krist, anahwe Ka Ki Akwacimitokw e micta icperitakositc, Kikice Manitomino.

Hébreux iriniwok 1:3

Cecoc wapatahiwew e apitc kicteritakosiritci Otawiwa Kice Manito. Kaskina e iteritakosiritci Otawiwa, ekoni kaie wir mia e iteritakositc. Tiperitam kaskina e ici takonik e irikokoskamikarik kaie tiperimew kaskina ka pimatisiritci, otitewin e totak e mackawisimakanik. Ka ickwa pakiteritak opimatisiwin kitci ki otci kasihikaterik kaskina iriniwa opactatowiniw, ki nta witapimew Otawiwa ka mawotci kicteritakosiritci wakwek, onihiwinik e ici apitc.

Hébreux iriniwok 12:2

Kanawapamatan mocak Cecoc. Wir meka ka ki miritokw nictam kitci asperimototawokw, kaie mocak ke witcihitokw e asperimoikw nac kitci ickwaparik kipimatisiwinino. Ki miwotaw e ki mirakaniwitc kitci nipotc tcipaiatikok. Nama ki otci waneritam aniheriw e ki otcinetc, misawatc ko e wanerimakaniwitc awik e ici nipahakaniwitc. Kiskeritamokopan meka Kice Manitowa e kanaweritamakotc nikanik kitci mireritak. Aci tca anotc apiw onihiwinik Kice Manitowa e ici apiritci okimaw tetapiwakanik.

Cak ka ki pe ici masinahiketc 1:16

Niwitcicanak e sakihitakok, ekwa kitci onipitikoekw ohwe:

Cak ka ki pe ici masinahiketc 1:19

Ohwe mamitoneritamokw, niwitcicanak e sakihitakok: tato neta e taciekw acteriw kitci miro natotak, aka tca tecikotc kitci arimwetc, aka kaie kitci otake kiciwasitc.

Cak ka ki pe ici masinahiketc 2:3

Anaha kirawe ki kicterimawaw ka mirohotc, e itekw: “Ota api ka ici kicteritakok.” Anaha tca ka kitimakisitc kit itawaw: “Ekota neta nanipowi,” kekotc ma e itekw: “Motcik nta api, ite ka icisitecineian.”

Cak ka ki pe ici masinahiketc 2:9

Kecpin aric papitoc e ici kicterimitoekw, aci nta ki pactatinawaw. Aci kit anwerimikonawaw irakonikewin, osam aka e sapitamekw.

Cak ka ki pe ici masinahiketc 3:17

Pitoc aric icinakon anihe miro mitoneritcikan icpimik ka otciparik. Nictam, mictahi mirwacin, nama takon ka maratak neta. Minawatc kaskina wiec wi totcikatew kitci ki miroparihitonaniwok. Pekatisinaniwon, nama mackoctikwaninaniwon, micta mirotehaniwon, acitc mocak ka mirwacik totcikatew. Nama kirawe miro mihakaniwiwok atita iriniwok patok kotakihik, nama kaie miro iriniwikasonaniwon.

2 Pien 1:1

Nin Simo Pien ka masinahamatakok, Cecoc Krist e atoskectawak, otarotakana e iteritakosiwak. Ki masinahamatinawaw, kaie kirawaw ka ki pe otitikoiekw tapwetamowin e micta mirwacinik, mia peikon e asitakok kaie ninan ka ki ici otitikoiak, Cecoc Krist e ki totak kitci icinakonik, icikowisk e iteritakositc, wir Kikice Manitomino acitc Ka Ki Akwacimitokw.

Jude 1:16

Nama wiskat tipi iteritamok aniki iriniwok, mocak kaie kakitisiwok. Nosanetawok matci pimatisiwiniw, wirawaw tipirawe e ici nataweritakik. Mictahi kaie mamirwatcimitisowok. Mirwatcimewok owitc iriniwawa, tepirak kitci koski mirakaniwitcik ka ici nataweritakik.

Ka ki ici wapatahakaniwitc Jean 14:12

Ekoni wetci acterik mocak kitci ciciperitakik iriniwok ka tiperimikotcik Kice Manitowa, aniki ka sapitakik otirakonikewiniw kaie mocak ka nosanehwatcik Cecoca.