Cak ka ki pe ici masinahiketc 1:9 - Kice Manito Ocki Omirwatcimowin

⁹ Kata micta mireritam kiwitcicanino ka kitimakisitc, e kicterimikotc Kice Manitowa.

Cak ka ki pe ici masinahiketc 1:9 Iomraidhean Croise

Luc Omasinahikan 1:52

Kaie ki maninamawew okimawiniwariw anahweriw ka okimawiritci. Minawatc anahweriw iriniwa ka tipaterimitisoritci ki mirew kitci nikanapiritci.

Luc Omasinahikan 10:20

Aka aric mireritamokw e sapitatakok matci manitowok. Ohwe kirawe mireritamokw: e ki masinahikateki kiticinikasowiniwaw wakwek.”

Luc Omasinahikan 14:11

Anaha kotc ka icperimitisotc, kata tipaterimakaniwiw. Anaha tca kotc ka tipaterimitisotc kata icperimakaniwiw.”

Luc Omasinahikan 9:48

e tca itatc anahweriw owitcewakana: “Anahwe e miro mihitakw ohweriw awaca osam e sakihitc, kaie nin ni miro mihikw. Anahwe tca ka miro mihitc, miro mihew kaie anihi ka ki pe iciticohwitc. Anahwe meka mawotci aka e kicteritakositc neta e taciekw, enko anahwe tapwe ka mawotci kicteritakositc.”

Rome iriniwok 8:17

Ki kiskeritenano tca, Kice Manito onitcanica e iteritakosiikw, kaie kirano kitci ki otitikoikw kaskina aniheriw ka ki itetc kitci miratc onitcanica. Kaskina tapickotc ki ka pe otitikonano kirika Krist. Kecpin meka tapickotc nekatcitaikwe kirika Cecoc, tapickotc kaie ki ka witci tacikemano oticperitakosiwinik.

2 Corinthe iriniwok 6:10

Ni kackeritamihikowinan, aric peikon mocak ni mirerimonan. Nit iterimikowinan “kitimakisiwok,” aric ni witcihananak mitcet iriniwok kitci micikitatcik otcitcakociwak itekera. Nit iterimikowinan “nama kekociciriw ici tatamok,” aka e kiskeritakik kaskina miro kekwan e ici tatamak.

Pirip iriniwok 3:14

Tarasak ni kicipatan kitci miro takocinian e askocimok, nikotin kitci kackitaian aniheriw ka ki wicamitc Kice Manito icpimik kitci pe otitikowak, Cecoc Krist e ki itotisketc kitci icinakonik.

Pirip iriniwok 3:3

Tapwe wirata, kirano ka ici tatamokw “tapwe kicawatacowewin,” osam meka e ki mirikoikw Kice Manito Omanitoma kitci witcihitokw e atoskectawokw, osam kaie e kicterimokw Cecoc Krist, aka kaie e asperimototamokw kekocic ota askik ke ki totakoikw.

1 Pien 2:9

Aric kirawaw ki ki orapamikowaw Kice Manito kitci otirinimitc. Kit atoskectawawaw e okimawitc, mia omakatekorema e irapatisiekw. Ki kitcitwaweritakosinawaw, mamowi e tiperimitakw, wir tipirawe otirinima e iteritakosiekw. Ki ki wicamikowaw kitci nakatamekw neta e ici kiski tipiskak, kitci pe natawapamekw e ici micta miro wasearik, kitci ki tca pa tipatatamekw kaskina e micta mirwacinik kekociciriw ka aitotisketc.

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.