Cak ka ki pe ici masinahiketc 1:5 - Kice Manito Ocki Omirwatcimowin

⁵ Kecpin aric peikw neta e taciekw aka kiskeritake ke totak, miro mitoneritcikaniw kata nataweritamawew Kice Manitowa kitci kiskeritak. Kata tca miriko. Mictahi meka caweritcikew Kice Manito e micta mirotehetc, kaskina awiriw e wi miratc aniheriw ka ici nataweritamakotc.

Cak ka ki pe ici masinahiketc 1:5 Iomraidhean Croise

Matio 11:20

Cecoc ki iti kakeskimew iriniwa neta otenak ka ki ici mawotci mata kackitaspan, osam aka e ki otci kweskatisiritci. Ki itew:

Mark 16:14

Mekwata tapickotc e mitcisotcik Cecoc owitcewakana, kek ki otci nokosiw Cecoc. Ki itew anahweriw otirinima: “Kekwan wetci aka ki otci asperimototawiekw? Kekwan wetci ki micta mackoteheiekw, aka kitci tapwetowekok aniki ka ki wapamitcik ka ickwa apitcipawak?”

Jean 14:13

Ni ka itotiskan kaie kaskina ke ici nataweritamekw, niticinikasowin otci, kitci ki otci wapatahiwewak Notawi oticperitakosiwin, nin Kice Manito Okosa.

Jean 15:7

Kecpin witcewiekwe, kaie kanaweritamekwe nititewin kitehiwak, ki ka ki nataweritenawaw wa ici nataweritamekw, ki ka tca mirikowinawaw.

Jean 4:10

Ki itew Cecoc: “Kecpin ki kiskeritaman e ici miriwetc Kice Manito, kaie kecpin ki kiskerimatc awin anahwe ka nataweritamask nipiriw e wi minikwetc, ki ta nataweritamawaw nipiriw. Ki ta tca mirikw nipiriw ka pimatisihiwemakanik.”

2 Corinthe iriniwok 2:16

Aniki ka onicikik nama miratamok aniheriw ka miromakonik, e kiskeritakik kitci otci nipotcik. Kotakihik tca, aniki ka taci akwacimakaniwitcik, miratamok aniheriw ka miromakonik, e kiskeritakik kitci otci pimatisitcik. Awinitakenak tca ka tipi iteritakositcik kitci ki itotisketcik ohwe towi otamirowin?

Cak ka ki pe ici masinahiketc 1:17

kaskina ka mirwacik ka ki cawerimikoikw acitc tato caweritcikan ka kicteritakok, wakwek pe otciparin. Kotawinak Kice Manitok otciparin, anahwe ka ki ocihatc anahweriw icpimik ka wasisoritci: kicikaw pisimwa, tipiskaw pisimwa acitc atcikoca. Mocak peikon iteritakosiw Kice Manito. Nama kaie atcitaw omitoneritcikan, nama mitowi kicikaw pisimw ka atcickatc, aka e nokositc e tipiskarik.

Cak ka ki pe ici masinahiketc 3:17

Pitoc aric icinakon anihe miro mitoneritcikan icpimik ka otciparik. Nictam, mictahi mirwacin, nama takon ka maratak neta. Minawatc kaskina wiec wi totcikatew kitci ki miroparihitonaniwok. Pekatisinaniwon, nama mackoctikwaninaniwon, micta mirotehaniwon, acitc mocak ka mirwacik totcikatew. Nama kirawe miro mihakaniwiwok atita iriniwok patok kotakihik, nama kaie miro iriniwikasonaniwon.

Cak ka ki pe ici masinahiketc 5:16

Witamatokw tca kipactatowiniwaw. Aiamihectamatokw, kitci ki tca mirwatisihikoiekw. Mictahi mackawisimakaniw kaketin e pakoserimotc awik icikowisk ka itatisitc.

1 Jean 3:22

Ki pe otitikono kaskina ka ici nataweritamawokw, osam e nosanetawokw otirakonikewin kirika e itotiskewokw aniheriw e ici mireritak.