Cak ka ki pe ici masinahiketc 1:4 - Kice Manito Ocki Omirwatcimowin

⁴ Aric nanakatcihitisokw mocak kaketin kitci sokikapowiekw, mia kitci ki itatisiekw, aka kitci takok ka maratak kipimatisiwiniwak, acitc aka kitci notepariekw miro kekocic.

Cak ka ki pe ici masinahiketc 1:4 Iomraidhean Croise

Matio 10:22

Kaskina awik ki ka cikerimikowaw, osam e nosanehwiekw. Aric anahwe mocak ke sokikapowitc, aka ke pakiteritak e asperimototawitc nac kaskina ke ickwaparinik, kata akwacimakaniwiw.

Matio 19:20

Aci itew anahwe ockinikiw: “Aci ni ki sapiten kaskina anihi irakonikewina. Kekwan ni kiapatc ke ki totaman?”

Matio 5:48

Mia tca ki ka itatisinawaw, kotc e itatisitc Kotawiwaw wakwek ka taciketc.”

Mark 10:21

Cecoca kanawapamew e sakihatc, e tca itatc: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Luc Omasinahikan 18:22

Ka ickwa petak aniheriw e itikotc Cecoc, aci itew: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Luc Omasinahikan 21:19

Sokikapowikw tca! Ekoni meka ke otci mirikoiekw kakike pimatisiwin!”

Luc Omasinahikan 8:15

Anihi okitamina miro askik ka ici papakiciniritci, tarasak iriniwok ka natotakik Kice Manitowa otitewiniw kirika ka miro kanaweritakik otehiwak, e mirotehetcik, aka kaie e ponitatcik, e tca mirokitcik otcitcakociwak itekera.”

Jean 17:23

Nin ni witci tacikemawok otehiwak kirika kir ki witci tacikemin nitehik. Ekoni aci tekaci peikw ke ki iteritakositcik. Ekota ni ke otci kiskeritakik iriniwok tapwe e ki pe iciticohwiin kirika kir e sakihatcik, kotc e asitci sakihiin.”

1 Corinthe iriniwok 2:6

Tapwe sa, aniki weckatc ka ki pe asperimototawatcik Cecoca, aci ka kiceatisitcik otcitcakociwak itekera nisitotamok e icinakonik nitipatcimowininaniw, miro mitoneritcikan e ki mirikoiak. Nama aric miro mitoneritcikan ka kicteritcikatek ota askik ni ki mirikonan, nama kaie e ici mitoneritciketcik ka nikanitcik ota askik, nikotin ke ickwaparinik.

Galatie iriniwok 6:9

Aka tca atweritciketan mocak kitci miro totamokw. Kecpin meka aka ponitaikwe ani e totamokw, nikotin ki ka pe otitikonano anihe ka ki ici kackitamatisoikw e mirwacik, apitc otcitciparike kitci icinakok.

Colosse iriniwok 4:12

Épaphras, anahwe kaie wir e ki pe otcitc neta ka ici tacikeiekw, kit arimikakowaw. Kaie wir e atoskectawatc Cecoca, nama ponitaw e irikokotehetc e aiamihectamatakw, kitci sokikapowiekw, aka kekocic kitci notepariekw e asperimototawekw Kice Manito, kirika kaskina wiec kitci ickwa aikeiekw kitci totamekw kaskina e iteritak Kice Manito.

1 Thessalonique irinowok 5:23

Ni pakoserimanan Kice Manito, wir ka pakitinak pekateritamowiniw, kitci itotisketc misiwe kitci tiperimitakw. Kaskina e itikitiekw kitci kanawerimitakw, kimanitomiwak, kitcitcakociwak, kaie kiwiawiwak, aka tca kitci takok ke ki otci itactahorikoiekw e ki matci totamekw, apitc koski takocike Ka Tiperimitokw Cecoc Krist.

2 Timothée 3:17

Kaskina aniheriw ki mirew Kice Manito otirinima kitci ickwa aikeritci, kitci miro nisawiritci kaskina kitci nakickamiritci, mocak ka mirwacinik kitci nosanetaritci.

Hébreux iriniwok 13:21

Ni nataweritamawaw Kice Manito kitci miritakw kitci kackitaiekw kitci totamekw kaskina ka mirwacik wir e ici nataweritak. Nit aiamihan kaie kitci totak wir e ici nataweritak kitehinak, e miratc Ka Tiperimitokw Cecoc Krist kitci totamiritci, anihi ka iteritakosiritci nespitc kitci icperimakaniwitc! Kekora iki ki.

Cak ka ki pe ici masinahiketc 1:5

Kecpin aric peikw neta e taciekw aka kiskeritake ke totak, miro mitoneritcikaniw kata nataweritamawew Kice Manitowa kitci kiskeritak. Kata tca miriko. Mictahi meka caweritcikew Kice Manito e micta mirotehetc, kaskina awiriw e wi miratc aniheriw ka ici nataweritamakotc.

Cak ka ki pe ici masinahiketc 3:2

Kaskina e taciikw ki patahenano, kaskina wiec e icinakok e patahamokw. Kecpin e takwen awik aka wiskat arotc e ici arimwetc, mia itatisiw, e kackitatc tekaci kitci nanakahamasotc, kaskina e itikititc.

1 Pien 5:10

Minawatc ickwa nekatcitaiekwe memacic, Kice Manito, anahwe ka otciparinik kaskina mirotehewiniw, ka ki wicamitakw kaie kirawaw nespitc kitci icperitakosiekw kirika wir, e mamweritakosiekw kirika Cecoc Krist, wir tipirawe ki ka mirikowaw kiapatc kitci miropariekw. Ki ka mackawisihikowaw. Ki ka mirikowaw kitci sokikapowiekw kaie kitci sokeritamekw.

2 Pien 1:9

Aric kecpin awik aka itatisite, kata iteritakosiw mia iriniw aka ka wapitc, tekaci aka kekociciriw e rawowapatak. Onikew aci e ki kasihamawakaniwitc ka ki ici pactatitc.