Cak ka ki pe ici masinahiketc 1:3 - Kice Manito Ocki Omirwatcimowin

³ Ki kiskeritenawaw meka, kecpin kiapatc e asperimototawekw Kice Manito mekwata e arimihikoiekw, kirawe ki ka otci sokikapowinawaw.

Cak ka ki pe ici masinahiketc 1:3 Iomraidhean Croise

Luc Omasinahikan 21:19

Sokikapowikw tca! Ekoni meka ke otci mirikoiekw kakike pimatisiwin!”

Rome iriniwok 15:4

Kaskina ka tapwatamokw neta Omasinahikanik weckatc ki pe masinahikatew kitci kiskinohamasoikw, kitci ki miskamokw asperimowin. Kice Manito meka Omasinahikan wetciparik e witcihikoikw kitci ciciperitamokw kaie kitci kakisomikoikw.

Rome iriniwok 2:7

Kakike pimatisiwiniw kata mirew anahweriw mocak ka mantokasoritci kitci miro totamiritci kirika ka nataweritamiritci Kice Manitowa kitci mirikotcik icperitakosiwiniw, kicteritamowiniw kirika kakike pimatisiwiniw.

Rome iriniwok 8:25

Aric kecpin e asperimoikw kekocic aka moci e ki otci wapatamokw, ki ciciperitenano e petaikw.

Rome iriniwok 8:28

Ki kiskeritenano kaskina kotc ka iciwepasitcik iriniwok ka sakihatcik Kice Manitowa, aniki ka ki iteritamiritci kitci wicamikotcik kitci nosanehwatcik, enkweriw ka apatcitaritci Kice Manitowa kitci ki miro totawakaniwitcik.

2 Corinthe iriniwok 4:17

Anotc mekwata ni nekatcitanan, memacic aric tepirak. Nikotin tca ki ka otci mirikowinano icperitakosiwin e apitc micak, kakike kitci takok. Anihe icperitakosiwin kirawe micaw patok ohwe nekatcitawin ka nakickamak, mia e apicacik e ici wapatamak.

Colosse iriniwok 1:11

Ni nataweritamawanan kaie kaskina wiec kitci sokiteheckatakw, omackawisiwin kitci apatcitatc e icperitakonik, kitci ki tca sokikapowiekw, nakickamekwe ke ici arimiparik, kitci ki tca ciciperitamekw.

2 Thessalonique iriniwok 1:4

Ekoni wetci mirwatcimitak e arimomitak e aimihakitcik kotakihik ka tapwerimatcik Kice Manitowa, osam e sokikapowiekw e asperimototawekw Kice Manito, misawatc kaskina e ici nekatcihikoiekw kaie e isparik e arimihikoiekw.

2 Thessalonique iriniwok 3:5

Ni nataweritamawanan Teperitciketc kitci witcihitakw kitehiwak mocak kitci sakihekw Kice Manito, kirika kitci ciciperitamekw. Enkweriw ni ka pakitinak Krist.

Hébreux iriniwok 10:36

Actew kitci sokikapowiekw kitci ki totamekw e ici nataweritak kirika kitci ki pe otitikoiekw ka ki ici nespi tapwetc kitci miritakw.

Hébreux iriniwok 12:1

Kirano tca, mia peikon e waskakapowictatokok aniki weckatc iriniwok e pe mitcetitcik ka ki asperimototawatcik Kice Manitowa. Ki wapatahikonowok ke totamokw kaie kirano e pimoteikw acitc e nosanetaikw omeskanam. Wepinatan tca kaskina ka kipickakoikw, kaie wepinatan pactatowin ka wi oniwirikoikw. Tarasak mia mitowi e mipataniwok e kwetciskataniwok, kaketin ki ka mipatanano. Ki ka mantokasonano mocak kitci pimoteikw acitc e nosanetaikw aniheriw ka ki miritokw miro meskanariw.

Hébreux iriniwok 6:12

Nama ni nataweritenan kitci iti kitimikw. Nitowatc ki ta nosanetawanawaw e ici pimatisitcik mocak ka tapwerimatcik Kice Manitowa kaie ka ciciperitakik, ka otitikotcik Kice Manitowa ka ki ici nespi tapweritci kitci pakitinamiritci.

1 Pien 1:7

Mirwapatan anihe kitci ki otci kiskeritakok tapwe e asperimototawekw Kice Manito. Mitowi osawo coria, nikotin ke ickwaparik, ickotek ko iciwepinikatew kitci ki tcakaskitek kaskina neta aka ka mirwacik, tepirak ka mirwacik kitci takok. Ekoni peikon e isparik kitapwetamowiniwaw, kirawe aric e kictapatak patok osawo coria. Actew kitci nekatcitaiekw kitci ki otci kiskeritakok tapwe e sokak kitapwetamowiniwaw. Ekoni ke otci mirwatcimikoiekw, ke otci icperimikoiekw acitc ke otci kicterimikoiekw, minawatc takocike Cecoc.

2 Pien 1:6

kaie kitci nanakatcihitisoekw e itatisiekw, acitc aka kitci pakiterimitisoekw, minawatc mocak kitci miro nosanehwekw Kice Manito,