Cak ka ki pe ici masinahiketc 1:25 - Kice Manito Ocki Omirwatcimowin

²⁵ Aric anahwe mocak wewerita ka kanawapatak Kice Manitowa otirakonikewiniw, ka itotisketc ko tan e itemakanik, nama mireritam tepirak kitci natotak, tecikotc kitci oniketc, patoc kirika kata itotiskew ko e ici nataweritcikaterik. Mia meka itemakaniw aniheriw irakonikewiniw, e micta mackawisimakanik kitci ki otci wikotcihikoikw pactatowinik. Kata caweritakosiw anahwe iriniw, kaskina ke aitotisketc.

Cak ka ki pe ici masinahiketc 1:25 Iomraidhean Croise

Luc Omasinahikan 11:28

Aric Cecoc itew: “Kirawe aniki caweritakosiwok ka natotakik Kice Manitowa otitewiniw kaie ka pimatisiwaketcik!”

Jean 13:17

Aci anotc ki kiskeritenawaw anihe. Ki ka caweritakosinawaw kecpin itotiskeiekwe.”

Jean 8:36

Kecpin Kice Manito Okosa wikotcihimitakwe, tapwe ki ka wikotcihikowinawaw.

Ka ki aitotiskeritci Cecoc otarotakana 13:43

Ka ickwa mawotcihitonaniwonik, mitcet cota iriniwok kaie iriniwok ka ki ici kweskatisiwaspan cota aiamihewinik itekera mi nosanehwepanak Pwara kaie Barnabasa. Wirawaw tca aniki Pwar kirika Barnabas aimihepanak kirika wikosimepanak mocak kitci nosanetawaritci omirotehewiniw Kice Manitowa.

Ka ki aitotiskeritci Cecoc otarotakana 2:42

Wewerita natotamwakopan e ici kiskinohamakeritci Cecoca otarotakaniw, kaie mocak witcewitowakopan, tapickotc e witci mitcisomitowakopan, kaie mamowi aiamihawakopan.

Ka ki aitotiskeritci Cecoc otarotakana 26:22

Aric Kice Manito mocak ni ki nanakatcihikw, wawatc anotc ka pe kicikarik. Ekoni ota wetci tacikeian kaskina e witamatakok e ici kiskeritaman, kaskina awik e witamawak, iriniwok ka kicteritakositcik kitci petakik kaie aniki ka iterimakaniwitcik ‘nama kicteritakosiwok.’ Kaskina ka aiteian, ekoni peikon e ici witakik weckatc ka ki pe nikan tipatcimotcik kaie wir Moïse ka ki witak kitci pe iciwepanik:

Rome iriniwok 11:22

Mamitoneritamokw Kice Manito e ici wawapatahiwetc e asitci mirotehetc kaie e tipaskonatc iriniwa. Tipaskonew anahweriw ka ki pakiciniritci kaie kirawaw ki mirotehekotakowaw. Actew aric mocak kitci asperimototawekw wir e apitc mirotehetc. Kecpin aka ani totamekwe, ki ka wepinikowinawaw kaie kirawaw, mitowi otikon ka ki kickicikatek mictikok.

Rome iriniwok 2:13

Nama meka awik icikowisk kata iterimiko Kice Manitowa tepirak e motci natotak aiamihe irakonikewiniw. Acteriw kitci itotisketc kotc e itacterik, patoc tca minawa icikowisk kata iterimiko Kice Manitowa.

Rome iriniwok 7:12

Tapwe icinakon ohwe: aiamihe irakonikewin Kice Manitok otciparin. Tato nta e tatiki, Kice Manitok otciparin, icikowisk icinakok, kaie mirwacin.

Rome iriniwok 8:15

Anahwe meka Miro Manito ka ki mirikoiekw nama wiskat ki ta matci totakowaw kitci tiperitakosiekw, arotakanak e iteritakosiekw, kirika minawatc kitci koctatciekw. Aric wir Miro Manito ka ki miritakw kitci iteritakosiekw Kice Manito onitcanica, kirika ka witcihitakw kaketin kitci ki pakoserimokw Kice Manito e icinikatokw “Abba! Notawi!”

Rome iriniwok 8:2

Aci meka ni tiperimikw Miro Manito, anahwe ka pakitinak pimatisiwiniw iriniwa otci ka mamweritakosiritci kirika Cecoc Krist. Nama tca awocamec ni tiperimikon pactatowin ke nipahikoiapan.

1 Corinthe iriniwok 15:58

Sokikapowikw, niwitcicanak ka micta sakihitakok! Aka pakiterimokw! Mocak atoskectawakw Teperitciketc e irikokoteheiekw. Ki kiskeritenawaw meka aka wiskat ceckwat e mantokasoekw e totamekw, e mamweritakosiekw kirika Teperitciketc.

2 Corinthe iriniwok 13:5

Wewerita mamitoneritamokw, kitci kiskerimitisoekw e apitc tapwe icikowisk kitci itatisiekw, ka iteritakositcik kitci itatisitcik aniki ka asperimototawatcik Cecoca. Ki kiskeritenawatake e witci tacikemitakw kitehiwak — kecpin tapwe e asperimototawekw!

Galatie iriniwok 2:4

Atita meka iriniwok arotc ka ici nisitotakik Mirwatcimowiniw ki pe icawok mekwata e mawotcihitoakipanen kirika e nataweritakik otcitakotc kitci kicawatocwakaniwiritci. Ki pe icapanak kaie wirawaw nta ka ki ici mawotcihitoak, tepirak kitci ki kimosapamiamitc e wi nta kiskeritakik kekwan wetci aka aci nosanetaiak cota aiamihe irakonikewin esko nosanehwakitc Cecoc Krist. Nataweritamwakopan kiapatc kitci ici tiperitakosiak aiamihe irakonikewinik.

Galatie iriniwok 5:1

Ki ki wikotcihikono Krist aka awocamec kitci tiperitakosiikw. Sokikapowikw tca, aka minawatc kitci ici tiperitakosiekw.

Galatie iriniwok 6:2

Wawitcihitokw e miwotaikw ka kosikok. Ekoni tca ke ici sapitamekw Krist otirakonikewin.

Colosse iriniwok 1:23

Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.

1 Timothée 2:15

Enkweriw ke otci akwacimakaniwitcik iskwewok: e onitcanicitcik, kecpin aric mocak e asperimototawatcik Cecoca, e sakihatcik owitc iriniwawa, mocak e pekitehetcik, kirika e nanakatcihitisotcik aka kitci pitenakositcik.

1 Timothée 4:16

Aiekwaminitiso kaie nanakatcita e ici kiskinohamakein. Sokikapowi neta. Kecpin itotiskeine, kir tipirawe ki ka akwacimikowin, kaie aniki iriniwok ka natotaskik kata akwacimakaniwiwok.

Hébreux iriniwok 12:15

Aiekwamisikw aka otci peikw nta e taciekw kitci atimikapowictak Kice Manitowa omirotehewiniw. Mocak kaie ki ka aiekwamisinawaw aka awik nta e taciekw kitci totak mia matci mackoci ka wisakak ka nitawikik neta kitacikewiniwak. Mictahi meka ki ka akohikowaw kaie kirawaw mitcet nta e taciekw.

Cak ka ki pe ici masinahiketc 2:12

Nanakatcihitisokw, kaskina ke pe aiteiekw kirika kaskina ke pe aitotamekw, osam e kiskeritamekw kitci tipaskonikoekw anihe irakonikewin, anihe kaie ke ki akwacimikoekw.

1 Pien 2:16

Icikowisk itatisikw. Nama meka aci ki tiperitakosinawaw. Nama aric ki ka irapatcitanawaw aka e tiperitakosiekw mitowi e akonahamekw e matci totamekw. Kice Manito meka kit atoskectawawaw, ekoni tca wewerita ke otci itatisiekw.

1 Jean 2:24

Nakataweritamokw tca kitci miro kanaweritamekw kitehiwak anihe witamakewin ka ki ici petamekw esko ka kitciparik e tapwerimekw Cecoc. Kecpin tca miro kanaweritamekwe anihe, kaie kirawaw mocak ki ka witcewawawok Kotawino kirika Okosa.

Ka ki ici wapatahakaniwitc Jean 14:13

Minawatc kiapatc ni ki petawaw awik e arimwetc, wakwek e otewetak, e icitc: “Masinaha ohwe: Aci anotc caweritakosiwok kaskina iriniwok ka tapwerimatcik Teperitcikeritci ka nipotcik e mekwa atoskectawatcik.” Minawatc Miro Manito itew: “Ehe, tapwe ni, kata ki arwepiwok e ki micta otamirotcik. Ka ki ici miro totakik mocak kata nosanehikowok.”

Ka ki ici wapatahakaniwitc Jean 22:14

Caweritakosiwok kaskina ka kisisipatatcik owikasimiwaw kitci wapekinik kitci otci iteritakositcik. Kata tca mirakaniwiwok kitci mowatcik wapimina ka nitawiritci neta wapiminatikok ka otci pimatisinaniwonik, kaie kata pakitinakaniwiwok kitci otci pitaketcik neta ickwatemik otenak.