Cak ka ki pe ici masinahiketc 1:23 - Kice Manito Ocki Omirwatcimowin

²³ Anahwe meka tepirak ka natotak aniheriw itewiniw, aka aric e itotisketc e ici nataweritcikaterik neta, tarasak mia awik ka wapamotc iteritakosiw, ka wapamitisotc tan e icinakositc.

Cak ka ki pe ici masinahiketc 1:23 Iomraidhean Croise

Luc Omasinahikan 6:47

Ki ka witamatinawaw tan e icinakositc awik e pe natawapamitc e tca natotak nititewiniw, kirika e itotisketc aniheriw ka itewak.

Luc Omasinahikan 6:7

Iriniwok ka kiskinohamaketcik aiamihe irakonikewiniw kirika Pharisien iriniwok wewerita nanakatcihewakopan Cecoca e totamiritci, e wi kiskeritakik ke apitc kikehakwen awiriw e arwepi kicikarik. Nantowapatamwakopan meka kekociciriw ke ki otci itactahoratcik Cecoca.

1 Corinthe iriniwok 13:12

Anotc mekwata nama ki miro wapatenano, tarasak e kanawapamitisoikw kete wapamowinik. Nikotin aric ki ka wapatenano mia e icinakok. Anotc mekwata memantcic tepirak ni kiskeriten. Aric ani apitc aci kaskina ni ka capo kiskeriten, mia wir tipirawe Kice Manito tekaci e capo kiskerimitc.

Cak ka ki pe ici masinahiketc 1:24

Aric e ickwa wapamitisotc, ekoni e ici matcatc, tecikotc e oniketc tan e icinakositc.