Cak ka ki pe ici masinahiketc 1:22 - Kice Manito Ocki Omirwatcimowin

²² Ekwa kitci onipititisoekw. Nama tepirak ki ka natotamwanawaw Kice Manito otitewin, patoc tapwe ki ka itotiskewanawaw e ici nataweritcikaterik neta.

Cak ka ki pe ici masinahiketc 1:22 Iomraidhean Croise

Matio 12:50

Anahwe meka awik ka aitotisketc e ici nataweritamiritci Notawiwa wakwek ka tacikeritci, enko na niwitcican kekotc nikawi.”

Matio 28:20

Kiskinohamawakok nitirinimak kitci nosanetatcik kaskina ka ki ici witamatakok kitci itotiskeiekw. Kaie otcitakotc kitci kiskeritamekw mocak ki ka witci tacikemitinawaw nac kitci ponaskiwok.”

Luc Omasinahikan 11:28

Aric Cecoc itew: “Kirawe aniki caweritakosiwok ka natotakik Kice Manitowa otitewiniw kaie ka pimatisiwaketcik!”

Jean 13:17

Aci anotc ki kiskeritenawaw anihe. Ki ka caweritakosinawaw kecpin itotiskeiekwe.”

Rome iriniwok 2:13

Nama meka awik icikowisk kata iterimiko Kice Manitowa tepirak e motci natotak aiamihe irakonikewiniw. Acteriw kitci itotisketc kotc e itacterik, patoc tca minawa icikowisk kata iterimiko Kice Manitowa.

1 Corinthe iriniwok 15:33

Aka wiecimitisokw! Tapwe ohwe ka itwaniwok: “Kecpin pa witcewekwe iriniwok ka matci itatisitcik, kaie kirawaw ki ka matci itatisinawaw.”

1 Corinthe iriniwok 3:18

Ekwa kitci onipititisoekw. Kecpin awik iteritake “nimiro mitoneritcikanin,” kotc e iteritakik iriniwok ota askik, kirawe kata miroparinipan kitci iti “pisinateritak,” ekoni tapwe kitci ki omiro omitoneritcikanitc.

1 Corinthe iriniwok 6:9

Ki kiskeritenawatake aniki ka matci totakik nama kata pitakewok Kice Manito Okimawinik. Ekwa kitci oniwirikoeikw pitoc kitci iteritamekw! Ka nosanetatcik ko matci pimatisiwiniw, ka kicterimatcik manitokana, ka pacikwatisitcik, iriniwok ka otapinatcik kotakihi iriniwa mia e otiskwemitcik kitci totakik,

Galatie iriniwok 6:3

Kecpin awik e iteritak “ni micta kicteritakosin,” aka aric tapwe e iteritakositc, wir tipirawe wecimitiso.

Galatie iriniwok 6:7

Akawir arotc iteritamokw ohwe: nama ki wecimakaniwiw Kice Manito. Aniheriw ka ici matce kitiketc iriniw, enkweriw peikon ke ici mawotcitatc ickwa kicinike.

Pirip iriniwok 4:8

Minawatc, niwitcicanak, ohwe mamitcitc ki wi witamatinawaw: mamitoneritamokw kaskina ka mirwacik, acitc ka iteritakok kitci mirwatcitcikatek, kaskina ka tapwemakak, ka kicteritakok, icikowisk ka iteritakok, kaskina ka peikinakok, acitc kaskina ka mireritcikatek, kaie ka kicteritcikatek.

Colosse iriniwok 3:17

Kaskina tca ke itotiskeiekw kirika ke iteiekw, ki ka totenawaw Teperitciketc Cecoc oticinikasowin otci, wir otci e naskomekw Kotawino Kice Manito.

2 Timothée 3:13

Aric iriniwok ka matci iriniwitcik kaie aniki ka wecimiwetcik eckam kirawe warawik kata icawok e matci totakik. Kata wecimewok owitc iriniwawa, kirika kaie wirawaw kata wecimakaniwiwok.

Tite 3:3

Kaie kirano meka weckatc nama ki ki otci waskamateritenano, nama ki ki otci natotenano, kirika ki ki paskewirikonano arotc kekocica. Ki ki pasoweritenano tepirak kitci matci totamokw kaie kitci mireritamihitisoikw. Tarasak ki ki tiperitakosinano matci pimatisiwinik. Ki ki matcitwanano kirika ki ki moctenamowanowok e ici tatakik iriniwok. Ki ki cikerimanowok iriniwok, kaie wirawaw ki ki cikerimikonowok.

Cak ka ki pe ici masinahiketc 1:26

Kecpin awik e iteritak: “nit aiamihawatisin,” aka aric e kackitatc kitci nanakatcihitisotc aka arotc kitci ici arimwetc, wiecimitiso. Nama wiec irapataniw otaiamihewin.

Cak ka ki pe ici masinahiketc 4:11

Niwitcicanak, akawir marerimitokw. Anahwe ka marerimatc owitc iriniwa kekotc e wi tipaskonatc, ekoni aci e mareritamwatc otirakonikewiniw Kice Manitowa acitc tipaskonamwew. Kecpin anihe e totaman, aci nta ki miritison kitci tipaskonaman irakonikewin, aka nitowatc kitci nosanetain.

Cak ka ki pe ici masinahiketc 4:17

Kecpin tca awik e kiskeritak mia ke itatisitc, aka aric e itotisketc, ekoni aci e pactatitc.

2 Pien 2:13

Ekoni ke ici otapinamatisotcik kitci arimiparitcik, e ki matci totakik. Wawatc mekwata e kicikarik mireritamok e matci totakik wa ici nataweritakik. Waneritakoniw e pe icatcik neta e ici mitcisoekw. Nama cakwerimowok peikon e totakik kaskina wa totakik neta.

1 Jean 1:8

Kecpin e iteikw, “Nama ki pactatinano,” ki wecimitisonano, nama kaie takon tapwewin kitehinak.

1 Jean 2:3

Kecpin sapitamwokwe otirakonikewin Kice Manito, ki kiskeritenano tapwe e kiskerimokw.

1 Jean 3:7

Ninitcanicak, aka pakitinitisokw kitci oniwirikoiekw! Anahwe ka nosanetatc icikowisk itatisiwin, icikowisk iteritakosiw, mia Cecoc Krist e iteritakositc.

3 Jean 1:11

Nimiro nikwimes, akawir keskinowamapamik aniki ka matci itatisitcik, aric aniki keskinowapamik ka miro itatisitcik. Anahwe meka ka miro itatisitc tapwe tiperimiko Kice Manitowa. Anahwe tca ka matci itatisitc, nama wiskat ki otci wapamew Kice Manitowa.

Ka ki ici wapatahakaniwitc Jean 12:9

Ki orowepinakaniwiw anahwe micta atikocimakan. Enko na weckatc micta kinepikw ka icinikatakaniwitc Matci Manito, kekotc ma Satan, ka wecimatc kaskina iriniwa ota askik. Ki iciwepinakaniwiw neta askik, kirika otacerima kaie wirawaw e ki iti acotci wepinakaniwitcik.

Ka ki ici wapatahakaniwitc Jean 22:7

Cecoc itew: “Natota! Aci peconakon kitci pe koski takocinian! Caweritakosiwok aniki ka kanaweritakik ka ici nikan tipatcimonaniwonik ota masinahikanik!”