Cak ka ki pe ici masinahiketc 1:21 - Kice Manito Ocki Omirwatcimowin

²¹ Ekoni wetci ititakok kitci wepinamekw kaskina ke ki ometcickakoekw kitcitcakociwak itekera, kaskina matci totamowin, kaskina ka maratak kipimatisiwiniwak. Natotamwokw Kice Manito otitewin ka ki actatc kitehiwak, tekaci e tipaterimitisoekw. Enkweriw meka ke ki akwacimikoekw.

Cak ka ki pe ici masinahiketc 1:21 Iomraidhean Croise

Matio 5:5

Caweritakosiwok aniki ka pekatisitcik. Kata meka pe otitikowok askiriw ka ki itikotcik Kice Manitowa kitci mirakaniwitcik.

Jean 6:63

Wir Omanitoma Kice Manito ka pakitinamiritci pimatisiwiniw. Iriniw wir tipirawe nama kata kackitapan. Anihe ka ki aititakok, ekota ni ka otci kiskeritakositc Miro Manito acitc pimatisiwin ka otci kiskeritakok.

Jean 6:68

Itew anahwe Simo Pien: “Teperitcikein, awin kotak awik ke ki nosanehwakitc? Kir meka ka pakitinaman anihi itewina kitci ki otci kakike pimatisinaniwok!

Ka ki aitotiskeritci Cecoc otarotakana 10:33

Tecikotc ni ki itawok iriniwok kitci natcipahiskik. Ni mireriten tca e ki pe icain. Anotc kaskina tapickotc ni tacikanan, kaie wir Kice Manito e witci tacikemitokw, kitci natotawokw kaskina ka ki itisk Teperitciketc kitci itewotc.”

Ka ki aitotiskeritci Cecoc otarotakana 13:26

Itew kiapatc Pwar: “Niwitcicanak, ki witamatinawaw kirawaw Abraham otaniskotape osima, kirika kirawaw aka ka cota iriniwiekw ka kicterimekw Kice Manito kaie kirawaw: kirano ni kaskina ka ki pe iciticahamakoikw ohwe tipatcimowin, e witamakoikw kitci akwacimikoikw.

Rome iriniwok 1:16

Nama ni waneriten e pa tipatataman ohwe Mirwatcimowin. Enkweriw meka aniheriw omackawisiwin Kice Manito ka apatcitatc e akwacimatc kaskina iriniwa ka tapwerimaritci Cecoca, nictam cota iriniwok ki pe otitikowok, aric kaie anahweriw aka ka cota iriniwiritci.

Rome iriniwok 11:17

Israël iriniwok, mia mitowi peikon mictikw, “olivier” ka icinikatakaniwiritci. Ki kickicwakaniwiwok atita anihi otikona. Ki tca acotarakaniwok kotakihik otikona, e ki pe nitawikitcik kotak mictikok neta notcimik. Ekoni mitowi e ki totakoiekw Kice Manito kirawaw aka e cota iriniwiekw. Ka ici pe miro totawakaniwitcik cota iriniwok, aci kaie kirawaw ki miro totakowaw, mia peikon otapi mictikok e acamatc kaskina anihi otikona.

Rome iriniwok 6:17

Mirwatcimatan Kice Manito ohweriw otci, aci tekaci e irikokoteheiekw e natotamekw anihe kiskinohamakewin ka ki pe otitikoiekw, misawatc weckatc e ki tiperitakosiekw pactatowinik.

1 Corinthe iriniwok 15:2

Enko anihe ka otci akwacimikowiekw, kecpin e irikokoteheiekw kanaweritamekwe anihe ka ki ici kiskinohamatakok. Kecpin aric pakiteritamekwe, ceckwat ki ki otapinenawaw.

2 Corinthe iriniwok 7:1

Nimiro nikwimesak, kaskina aniheriw soki iteritakoniw ka ici nespi tapwetc Kice Manito kitci ici totak kirano otci. Ekoni ke otci pakiteritamokw kaskina ka maratak ke ki akohikoikw kiwiawinak acitc kitcitcakocinak. Ki ta mantokasonano kaie eckam kitci totamokw mia e ici nataweritak Kice Manito, tekaci e kicterimokw.

Éphèse iriniwok 1:13

Kaie kirawaw, ka natotamekw tipatcimowin e tapwemakak, anihe Mirwatcimowin ka ki akwacimikoekw, ki ki tapwerimawaw Krist. Ki ki tca kicawatcihikowaw Kice Manito, otirinima kitci iteritakosiekw, e ki miritakw Miro Manitowa, mia ka ki ici nespi tapwetc.

Éphèse iriniwok 4:22

Ki ta tca meckotatisinawaw, tekaci e wepinamekw weckatc e itatisiekopanen. Oniwiritiso meka iriniw aniheriw itatisiwiniw, e micta wiecimikotc, e pasoweritak ka maratanik.

Éphèse iriniwok 4:25

Ekoni wetci actek kitci wepinamekw kiraskiwin! Mocak kitci wawitamatoekw tapwewin. Ki mamweritakosinano meka, mia peikw e iteritakosiikw.

Éphèse iriniwok 5:4

Aka kaie kitci maratwaniwok, kitci kiwockwe arimwaniwok, acitc kitci matci arimwaniwok. Kirawe kata mirwacinopan kitci nanaskomekw Kice Manito.

1 Thessalonique irinowok 1:5

Tapwe wirata, ka nta tipatcimoctatak Mirwatcimowin, nama tepirak ni ki otci arimwanan. Miro Manito ni ki mirikonan omackawisiwin kirika ni ki witcihikonan, otcitakotc kaie e ki kiskeritamak e tapwemakak anihe tipatcimowin. Ki kiskeritenawaw e itatisiakipan ka witci tacikemitak, kirawaw otci, kitci witcihitak.

1 Thessalonique irinowok 2:13

Mocak mikwetc nit itanan Kice Manito kiapatc kotakeriw kekociciriw otci. Apitc ka tipatcimoctatak otitewin, ki ki natotenawaw acitc ki ki otapinenawaw. Ki kiskeritetawaw enkweriw Kice Manito otitewin, namaieriw tepirak iriniw otitewin. Tapwe meka neta Kice Manitok otciparin anihe itewin. Ekoni e ici otamiromakanik kitehiwak, kirawaw ka tapwerimekw.

Tite 2:11

Aci meka ki wapatahiwew Kice Manito omirotehewin, kaskina iriniwok kitci ki otci akwacimakaniwitcik.

Hébreux iriniwok 12:1

Kirano tca, mia peikon e waskakapowictatokok aniki weckatc iriniwok e pe mitcetitcik ka ki asperimototawatcik Kice Manitowa. Ki wapatahikonowok ke totamokw kaie kirano e pimoteikw acitc e nosanetaikw omeskanam. Wepinatan tca kaskina ka kipickakoikw, kaie wepinatan pactatowin ka wi oniwirikoikw. Tarasak mia mitowi e mipataniwok e kwetciskataniwok, kaketin ki ka mipatanano. Ki ka mantokasonano mocak kitci pimoteikw acitc e nosanetaikw aniheriw ka ki miritokw miro meskanariw.

Hébreux iriniwok 2:3

Kirano tca anotc, nama ki kackitanano kitci ocimohitisoikw ka ki ici kackitamatisoikw ke ici anweritakosiikw, kecpin aka pameritamokwe ka wi mirikoikw kitci ici akwacimikoikw. Wir meka Teperitciketc Cecoc tipirawe wirctam ki tipatcimo ohweriw tipatcimowiniw, minawatc kaie aniki ka ki petawatcik kaie wirawaw ki witamok e ici kicteritakosiritci.

Hébreux iriniwok 4:2

Ki ki tipatcimoctakowinano Kice Manito Otitewin, mia peikon weckatc ka ki ici tipatcimoctawakaniwitcik aniki iriniwok mekwata ka taciketcik neta askik ka ici cipewatawokarik. Aniheriw tipatcimowiniw nama wiec ki otci witcihikowok, osam aka e ki otci nahitakik kitci tapweritakik.

Cak ka ki pe ici masinahiketc 4:8

Wi pecowapamakw Kice Manito, kaie wir ki ka wi pecowapamikowaw. Kirawaw ka pactatiekw, wepinamokw pactatowin. Tekaci maninamokw ka maratak kitehiwak, kirawaw ka kowetowi iteritamekw.

Cak ka ki pe ici masinahiketc 5:20

ohwe ki ka mikaweritenawaw: anahwe ka kiwewiratc pactati iriniwa neta meskanak ka mitimerispana e onicinirispana, wikotcihew aka kitci niporitci otcitcakocik itekera, kirika kata kasihikatew micta mitcet pactatowin. Nin Cak

1 Pien 1:22

Aci ki ki itotiskanawaw tekaci kitci miroteheiekw, ka sapitamwekw Kice Manito otapwewin, kitci ki otci miro sakihitoekw, mia kiwitcicaniwawok e iterimitoekw. Kaketin tca ki ka sakihitonawaw kaskina e irikokoteheiekw.

1 Pien 1:9

Ki pe otitikonawaw meka kitcitcakociwawok kitci akwacimakaniwitcik. Ekoni wetci asperimototawekw Kice Manito.

1 Pien 2:1

Wepakanamokw tca kaskina ka ici matcitwaniwok kipimatisiwiniwak. Nama ki ka kiraskinawaw. Nama kaie ki ka miro iriniwikasonawaw. Nama ki ka otcinawekerimawaw kiwitc iriniwaw. Nama kaie ki ka mareritcikanawaw.

1 Pien 2:11

Nimiro nikwimesak, mia mantewok kit iteritakosinawaw ota askik, mitowi iriniwok aka ka otaskitcik e iterimikoiekw. Ki pakoserimitinawaw kitci nanakatcihitisoekw, aka kitci cakotcihikoekw kekwan ka maratak, notc e ici nataweritak iriniw ota askik. Ekoni meka ke ki otci kowetowi iteritak awik, nac kitci cakotcihikotc otcitcakocik.