Cak ka ki pe ici masinahiketc 1:18 - Kice Manito Ocki Omirwatcimowin

¹⁸ Wir tipirawe Kice Manito ki nataweritam kitci miritokw pimatisiwiniw, Otitewin ka tapwemakanik e ki apatcitatc. Wetci ki totak, kirano ni nictam kitci nikanickowimokw kaskina e taciritci ka ki kicerimatc, kaskina kaie e tatinik ka ki kiceritak.

Cak ka ki pe ici masinahiketc 1:18 Iomraidhean Croise

Jean 1:13

Ka mirakaniwitcik ani kitci asiteritakositcik, pitoc ki iteritakon kirika irin e onitcanicinaniwok ota askik. Nama ki otci mirakaniwiwok aniheriw osam iriniwa e ki ici nataweritamiritci, nama kaie awiriw e ki otci ici oreritamiritci, aric Kice Manitowa otiteritamowiniw wetci ki mirakaniwitcik. Kice Manitowa meka ki mirikowok ocki pimatisiwiniw.

Rome iriniwok 4:17

Wir tipirawe Kice Manito ki itew Omasinahikanik: “Ki miritin mitcet iriniwok ke pe tatcik kitci iterimiskik notawinan.” Genèse 17.5 Anahwe tca Abraham iteritakosiw kotawino, osam e ki asperimototawatc Kice Manito, anihi ka apitcipaharitci kaskina iriniwa ka ki poni pimatisiritci, kaie ka ki totak kitci takonik kaskina aka moci ka ki otci otitakotcik kekociciriw.

1 Corinthe iriniwok 4:15

Misawatc peikon mitatowaw kice mitato mitana e tacitcik iriniwok ka nanakatcihitakok mekwata e nosanehwekw Krist, tepirak peikociw kotawiwaw. Nin meka mitowi kotawiwaw nit iteritakosin, nirctam e ki pe nta tipatcimoctatakok Cecoc Omirwatcimowin.

2 Corinthe iriniwok 6:7

minawatc kaie mocak e tipatcimoak tapwewin, acitc Kice Manito e mackawisihimitc. Nit apatcitanan aniheriw ka ki ici mirimitc kitci aitotamak otamirowin icikowisk ka iteritak, kitci naskwakeiak apitc e itactahorikoiak.

Éphèse iriniwok 1:12

Mirwatcimatan tca Kice Manito e micta kicteritakositc, kirano nictam ka ki asperimototawokw anahwe Krist!

Éphèse iriniwok 1:13

Kaie kirawaw, ka natotamekw tipatcimowin e tapwemakak, anihe Mirwatcimowin ka ki akwacimikoekw, ki ki tapwerimawaw Krist. Ki ki tca kicawatcihikowaw Kice Manito, otirinima kitci iteritakosiekw, e ki miritakw Miro Manitowa, mia ka ki ici nespi tapwetc.

2 Timothée 2:15

Mantokaso kaskina e totaman, kitci mirerimisk Kice Manito e wapamisk, mitowi otamiro iriniw aka ka waneritak otamirowin e mirwacinik, wewerita tca e tipatcimoin Kice Manito otitewin e tapwemakanik.

Hébreux iriniwok 12:23

Aci kaie ki pecowapamimawok kaskina Kice Manito onitcanica e mawotcihitoritci e mirwatcitcikaterik, tato nta e taciritci e kicterimatc, mia “nictam ka ki nitawikitc” e iterimatc, kaskina oticinikasowiniwaw e masinaterik nete wakwek. Wir tipirawe Kice Manito ki pecowapamawaw, wir ka tipaskonatc kaskina iriniwa, kaie ki mawotcihitonawaw kirika aniki iriniwok icikowisk ka iteritakositcik, Kice Manitowa e ki mirikotcik tekaci kitci mirwinakositcik otehiwak.

Cak ka ki pe ici masinahiketc 1:15

Minawatc kecpin e nosanetatc aniheriw e ici takonik otehik, aci nta pactatiw. Mina tca mocak pactatite, matci kata ki otci nipo otcitcakocik itekera.

Cak ka ki pe ici masinahiketc 1:21

Ekoni wetci ititakok kitci wepinamekw kaskina ke ki ometcickakoekw kitcitcakociwak itekera, kaskina matci totamowin, kaskina ka maratak kipimatisiwiniwak. Natotamwokw Kice Manito otitewin ka ki actatc kitehiwak, tekaci e tipaterimitisoekw. Enkweriw meka ke ki akwacimikoekw.

Cak ka ki pe ici masinahiketc 3:14

Kecpin aric e micta asawakeritamekw kitehiwak, e otameritamekw acitc kecpin mocak e natowi totamekw kitci nanikaniparohoekw, ponitakw e mirwatcimitisoekw, “ni micta omiro omitoneritcikaninan” e iterimitisoekw, e kataiekw tca tapwe e icinakosiekw.

1 Pien 1:23

Tapwe wirata ki ki ocki nitawikinawaw kitcitcakociwak itekera. Namaiew ni iriniw ka ki miritakw aniheriw ocki pimatisiwiniw. Wir tipirawe ka ki miritakw, anahwe aka wiskat ke nipotc, Kotawino Kice Manito otitewin otci, e pimatisimakanik acitc aka wiskat ke nipomakanik.

1 Pien 1:3

Mirwatcimatan Kice Manito, anahwe Ka Tiperimitokw Cecoc Krist otawiwa. E apitc micarik okicewatisiwin, ki ki mirikono kiapatc minawatc kitci nitawikiikw, kitci ki ocki pimatisiikw, e ki apitcipahatc Cecoca ka niporitci. Ekoni wetci takok kitasperimowinino e pimatisimakak,

1 Jean 3:9

Kaskina awik Kice Manitok itekera ka otci nitawikitc ponitaw mocak e pactatitc, osam e mirokinik Kice Manitowa opimatisiwiniw otehik. Aci e otawitc Kice Manitowa, nama awocamec ki pactatiw.

Ka ki ici wapatahakaniwitc Jean 14:4

Enko aniki ka ki nanakatcihitisotcik aka kitci witcewatcik iskwewa. Ki kanawerimitisowok kitci mirwinakositcik otehiwak. Nosanehwewok anihi Maritcenica kaskina wiec e pa icaritci. Ki otci wikotcihakaniwiwok neta e taciritci iriniwa ota askik, kitci ki tiperimikotcik Kice Manitowa kaie Maritcenica, tarasak nictam ka aiamihe pakitinakaniwonik e ki iteritakositcik.